KAOLAOSÂ 3:19 - Mara Bible RV (BSI)

¹⁹ Vahpa saih u, nama lapinôzy kyhpachâ u la, ama chô liata a hrâhraoh khuh vy.

KAOLAOSÂ 3:19 ပူးပေါင်းရင်းမြစ်များ

ÂTHAONA 24:67

Aisika ta Rebekâ cha a nô Sârâ poh o lâ a ngiakhei ta, Rebekâ cha hnei ta, a lapinô vaw châ ha ta. Aisika ta Rebekâ cha kyhpachâ ngaita ta, chatanachata a nô a thi tawhta thlahpalôhpa ta y ha ta.

BIECHHOTUHPA 9:9

Tihu buakha a vaw lâ ta a lei heihpa hawhta, Khazohpa ta noh ry liata noh chyhta a cha piepa liana heta, na kyhpachâpa na lapinô hnohta na hro a lypa ta hmâh mah y. Cha cha na hro chhôh ta na tovyuh châ ta, noh ry liata na hriapasana lymâ a châ.

LUKA 14:26

“Ahy rai ei hnohta a vy khohpa cha, a paw, a nô, a lapinô, a sawzy, a unawhzy, a sietanôzy nata ano hrona tlai chhao â hao vei khiahta cha, ei pachupa châ thei aw vei.

RAWMA 3:14

Ama pakah cha chhiesana nata ruchhôna ta a bie.

EPHESI 4:31

Ruchhôna, pathiiana, hiehâhna, paphôhna nata reipachhiena zydua nâmo tawhta thy khai teh u.

EPHESI 5:25

Vahpa saih u, Krista ta Awnanopa kyhpachâ ta, Awnanopa châta â pie khaipa hawhta, nâmo chhao nama lapinôzy kyhpachâ teh u.

EPHESI 5:33

Khâpa rai châ sala, ahy rai ta ano kyh â pachâpa hawhta a lapinô kyhpachâ sala, lapinô chhao ta a vahpa za thai mawh sy.

KAOLAOSÂ 3:21

Paw saih u, nama sawzy ru pachhô khuh vy, ama hnabei a dy pathlei aw na.

ZÂMIE 3:14

Nama palôh liata hiatlia pasa kawpa nata khohlei khona a hneipa nama châ khiahta deikua cha, nama sona cha a palaikhei leipa u la, biedopa a dyuhpa ta haipa bie reih khuh vy.

1 PITY 3:7

Cha hawhna chata, nâmo, vahpa saih u, chanô cha hmobaoh rao nao viapa a châ hleikhô ta, nama lapinôzy cha ngiachhiena hro liata ryu nama to lâhpazy ama châpa vâta, nama thlahchhânazy pakhâpa ta a y lei nawpa ta, nama lapinôzy palyupalih u la, pahnothai kawpa ta pahrâ khoh teh u.