KAOLAOSÂ 3:16 - Mara Bible RV (BSI)

¹⁶ Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

KAOLAOSÂ 3:16 ပူးပေါင်းရင်းမြစ်များ

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 THÂTIHZYRONA 25:7

Ama maluh cha, Abeipa hla sa awpa ta pachupa, hlasathaipa ama unawhzy chhaota 288 ama châ.

NEHEMIAH 12:46

Hlâno Dâvi nata Asâpha daihti no tawhta, hlasathaipa py chhituhpazy vaw y ha ei ta, Khazohpa lâta alyna bie reina nata reithaina hla sanazy liata ama vaw chhihtha tyh.

ZAWBÂ 23:12

A hmao biepiepa tleisai leipa na ta, A pakah biezy ei noh to pati hlâta ei pasô via.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 119:54

Ei khitlyna o liana heta, Na bieraopazy cha ei hlazy ama châ tyh.

HLAZY 138:1

Hy Abeipa, ei palôh tlokhuh ta alyna bie cha hlâ aw na ta, Khazohzy hmiakô liata nâma reithaina hla ei sa aw.

HLAZY 28:7

Abeipa cha ei thatlôna nata ei vyhphao châ ta, Ei palôh ta ano cha ngâ ta, eina bao tyh; Ei palôh a ly kaw ta, Reithaina hla ano lâ ei hlâ tyh.

HLAZY 32:7

Nâ cha ei nyuna su châ chi ta, Nôpona tawhta na pabohsapa ta, Pachhana hlazy ta eina chadôsa chi. Selah

HLAZY 71:23

Nâma reithaina hla ei sa tita, Ei hmaozy he thaphapa ta awh aw ta; Na chatlaipa ei hro chhao heta, Thaphapa ta a awh aw.

BIESOZY 14:8

Asopa sona cha a sie nawpa lâpi pahnosa ta, Ahrupazy hruna deikua cha dôveina a châ.

BIESOZY 18:1

Ano dei ta a y nanopa cha ano khopa sai a tluapa châ ta, Sona dopa zydua a dyuhpa a châ.

HLAZY HLA 1:1

He he hlazy hry liata hla pha chaipa, Sawlawmaw hlazy a châ.

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ISAI 26:1

Cha noh liata, he hla he Zudâh râh liata ama sa aw: “Khihpi thatlôpa hnei pi ta, Cha khihpi pachha nawpa ta, Khazohpa ta khihpi cha, Thokhyzy nata diahsuazy ta a chhôh.

ISAI 30:29

Zâ kyhchhi pathaihpa hnei no hawhta hla sa aw ei chi ta, ramo tôna chôta Abeipa tlâh lâ khy ei ta, Izarei Lôpanô lâ ama khy no hawhta palôh thaphapa ta nama y aw.

ISAI 5:1

Ei kyhpachâpa châta hla sa aw na ta, Ei kyhpachâpa kre sadô hla ei sa aw: Tlâhthlôh lei pha kawpa liata, Ei kyhpachâpa ta kre sadô hnei ta.

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

MATHAI 26:30

Hla ama sa khai nahta, Ôli tlâh lâ sie ha ei ta.

LUKA 2:51

A nôpawzy hnohta zu ta, Nâzari khih cha tlô ta, a nôpawzy bie zyhpa ta y ta. A nô ta hmo zydua cha a palôh ta a vao thlâh ha ta.

ZAWHÂNA 15:7

Keima liata y thlâh ha u la, ei bie nâmo liata a y thlâh ha khiahta cha, nama khopa maih hiah teh u, nama châta taopa a châ aw.

RAWMA 10:17

Ngiapâna cha theina vâta vaw y ta, theina cha Krista bie vâta a vaw y.

RAWMA 15:14

Unawh saih u, phana ta bie ei chi ta, sona to hnei ei chi ta, namâ pachu raihrie thei, tahpa keima tlai ta a siapa ta ei pahno.

1 KAWRINI 14:15

Kheihta a châ aw tly? Thlahpa ta thlahchhâ aw na ta, ei palôh chhao ta ei chhâ aw. Thlahpa ta hla sa aw na ta, ei palôh chhao ta ei sa aw.

1 KAWRINI 14:26

Cha khiahta la unawh saih u, kheihta a châ aw? Namâ pakhy nahta, chyhsa to ta hla, pachuna bie, aluahna, reihtheileipa nata a chhopasiana zy nama hnei chyu. Hmo to zydua he taopathina châta châ khai mawh sy.

EPHESI 1:17

Krista nama pahno pasia thei nawpa ta, eima Beipa Zisu Krista Khazohpa, rônahna Paw ta sona nata aluahna Thlahpa a cha pie awpa ei ta thlah ei cha chhâpa ei.

EPHESI 5:17

Chavâta hru leipa u la, Abeipa khopa khâpa ma a châ tahpa tlao pahno teh u.

EPHESI 5:19

Reithaina hlazy, Khazohpa hlazy, thlahpa hlazy ta bie a chho raihrie u la, nama pathipalôh ta Abeipa lâ hla sapa ta, totâ tô teh u.

EPHESI 5:26

Awnanopa cha bie nata ti ta pasipa ta, a pathaisa thei nawpa ta, Krista cha Awnanopa châta â pie.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.

KAOLAOSÂ 1:9

Cha vâna chata, nama thâtih eima thei noh tawhta, nâmo châta thlahchhâ bâh beih ma pi. Thlahpa lâ sona nata novâhna zydua hneipa ta, ano khopa pahnona ta pabiepa nama châ thei nawpa ta, eima cha hiapa tyh.

KAOLAOSÂ 4:6

Chyhsa to hnohta namâ chhyzie awpa nama pahno thei nawpa ta, nama reikah a puapa cha, khatino rai ta ngiachhiena ta bie sala, alôh hawhta iahpa châ lymâ mawh sy.

1 THYSALAWNIKA 1:8

Abeipa bie cha nâmo tawhta Mâsidônia nata Akai râhzy liata a pathâhpa dei châ leipa ta, Khazohpa namâ ngiapâna kyh cha su to liata pathâh ta, chavâta keimo ta khâpa hmah eima rei awpa byuh khao vei.

1 THYSALAWNIKA 4:18

Chavâta cha biezy chata thlah a palôh raihrie teh u.

2 THYSALAWNIKA 3:15

Khakhaipa hawhta deikua moh leipa u la, unawh hawhta zikyu a râ muh vy.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

TITU 3:6

Miah Pachhatuhpa Zisu Krista zawhzi ta eima chô liata Thlahpa Pathaihpa thata hrypa eima châ.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

ZÂMIE 5:13

Nama hry liata pasataopa ama y ma? Thlahchhâ mawh sy. Alypa ama y ma? Reithaina hla sa mawh sy.

1 ZAWHÂNA 2:14

Pawzy saih u, âthaona tawhta a y thlâhpa ano cha nama pahnopa vâta, nâmo lâ ei vaw roh. Satliazy saih u, nama thatlô ta, Khazohpa bie nâmo liata y ta, moleipa nama tiah hapa vâta, nâmo lâ ei vaw roh.

1 ZAWHÂNA 2:24

Nâmo la, âthaona tawhta nama pahnopa kha, nama palôh liata y thlâh ha mawh sy. Âthaona tawhta nama pahnopa kha nama palôh liata a y thlâh ha khiahta cha, nâmo chhao Sawchapawpa nata Paw liata nama y thlâh ha aw.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

2 ZAWHÂNA 1:2

Biehmeiseihpa cha keimo liata y ta, chhâzaw ta eima hnohta a y aw.

BIEPHUAH 14:3

Beidyuchhai hmiakô nata hmohrohneipa miapalih nata machâzy hmiakô liata hla thiehpa sa ei ta. Alei tawhta chatlaipa chyhsa 144,000 zy dei leipa ta cha, ahy hmahta cha hla cha sa thei veih ei.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!

BIEPHUAH 19:10

Ano a chhy awpa ta a phei thaby liata kei pao na ta. Châhrasala ano ta ei hnohta, “Khata tao khah y! Kei cha nâ nata na unawhpa, Zisu bie a pyhtuhpazy chakaolâhpa ei châ. Khazohpa tlao a chhy teh. Zisu bie cha hrohsona thlahpa châ tlôh ta,” tah ta.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.