KAOLAOSÂ 3:12 - Mara Bible RV (BSI)

¹² Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.

KAOLAOSÂ 3:12 ပူးပေါင်းရင်းမြစ်များ

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 45:4

Nâ chakaotuhpa Zakaw vâta, Na moh ta cha aw na ta; Eina vaw pahno beih leipa chhao chi ta, Ei tlyhpa Izarei vâta, Na moh ta ei châ tlyhpa na châ.

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

ISAI 65:22

Mohropa tlô awpa ta o sa khao leipa aw ei ta, Mohropa nie awpa ta chi cheih khao aw veih ei. Thokô hro chhôh nohzy hawhta, Ei phopi hro chhôh nohzy cha pasi aw ta; Ei tlyhpazy chhao, Ama ku raihria thei bohpi ama nie aw.

ISAI 65:9

Zakaw tawhta chipathlazy papua aw na ta, Zudâh tawhta ei tlâhzy a to awpa ei papua aw. Ei tlyhpazy ta tlâhzy cha to aw ei ta, Nâ chakaotuhpazy ta cha liata ama pahrâ aw.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

MATHAI 24:22

Cha nohzy cha pachyusapa châ leipa sala, chyhsa ahy hmah a hrohpa y aw veih ei. Châhrasala atlyhpazy vâta, cha noh cha pachyusapa a châ aw.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

MÂKA 13:20

Abeipa ta cha nohzy cha pachhosa leipa chhochhi sala, chyhsa ahy hmahta pachhapa ta y aw veih ei. Châhrasala chyhsa atlyhpa, a raopazy vâta nohzy cha a pachhohsapa a châ.

MÂKA 13:22

Mesia pakheipazy nata hrohso pakheipazy vaw pua aw ei ta, ngiana nata hmonoâhpazy ama tao aw. Tao theipa châ sala, atlyhpazy taih ama dôvei aw.

MÂKA 13:27

A vâlyuhchâpazy tuah aw ta, â tlyhpazy cha kaokih miapalih tawhta, alei chy chhâna tawhta avâ chy chhâna taihta a pakhy aw.

LUKA 1:78

Eima Khazohpa zawngiahna vâta, Chô lâ tawhta noh chhipa ta miah a za tly aw;

LUKA 18:7

Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

RAWMA 13:14

Abeipa Zisu Krista ta tlao a tobi u la, nama sapa khopa pipatlohsa nawpa ta khâpa hmah tao khuh vy.

RAWMA 9:11

hawsaihzy ama pi hlâta, hmo phapa tlyma, hmo chhiepa tlyma ama tao hlâta, hmotaopa vâta châ leipa ta, atlyhna kyh liata Khazohpa hmochhuahpa cha a sie pazao lymâ thei nawpa ta,

1 KAWRINI 13:4

Kyhpachâna cha dao thei ta, a nô a pha. Kyhpachâna cha a hiatlia leipa ta, anosasyh ta a reithai vei. Kyhpachâna cha a palai leipa ta,

2 KAWRINI 6:6

hro pathaihna liata zy, pahnona liata zy, daotheina liata zy, nôphana liata zy, Thlahpa Pathaihpa liata zy, kyhpachâna hmeiseihpa liata zy;

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

EPHESI 1:4

A hmiakô liata pathaihpa nata seina hnei leipa ta eima y thei nawpa ta, leilô y hlâ tawhta Krista liata miah a tlyh ta. Kyhpachâna ta,

EPHESI 4:2

Tlokhuh apanawhna, areisina nata daotheina zy hneipa ta, kyhpachâna ta a chhyh thai raihrie u la,

EPHESI 4:24

siana nata pathaihna hmeiseihpa liata Khazohpa lyupa ta taopa chyhsa thiehpa ta a tobi teh u.

EPHESI 4:32

A ngiachhie raihriepa ta, tha a pasa raihrie u la, Khazohpa ta Krista liata a châ ngiahthaipa hawh ei ta, a ngiahthai raihrie teh u.

PHILIPI 1:8

Zisu Krista liata atlaichhaina ta nama zydua ei cha vânazie ei cha, Khazohpa ta eina pahnokhei.

KAOLAOSÂ 3:10

Chyhsa thiehpa ta a tobi ha ei chi ta, cha chyhsa thiehpa cha pahnona hnei awpa ta, ano taotuhpa lyupa ta tao pathipa ta a y lymâ.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

2 TIMAWTHY 2:10

Chavâta atlyhpazy ta Krista Zisu liata a ypa pachhana cha, chhâzaw rônahna chhaota ama hmô thei nawpa ta, âmo châta ato pasa ei tao lylia.

TITU 1:1

Kei, Pawla he Khazohpa ta â tlyhpa chyhsazy angiapâna châta nata Khazohpa pachâna lâ a chhihthapa biehmeiseihpa pahnona châta Khazohpa chakaotuhpa nata Zisu Krista lyuhchâpa ei châ.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.

2 PITY 1:10

Chavâta unawh saih u, a cha awna ei nata a châ tlyhna ei cha, pa-i awpa ta tiama papua rili teh u. Chazy nama tao khiahta cha pao beih aw veih ei chi.

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.

2 ZAWHÂNA 1:13

Atlyhpa na narônô sawzy ta ama châ naoh.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.