KAOLAOSÂ 2:16 - Mara Bible RV (BSI)

¹⁶ Chavâta nie kyh ta tlyma, do kyh ta tlyma, chaypi kyh ta tlyma, thla thieh kyh ta tlyma, Pahânoh kyh ta tlyma, ahy hmahta cha sei khah ei sy.

KAOLAOSÂ 2:16 ပူးပေါင်းရင်းမြစ်များ

2 ABEIZY 4:23

A vahpa ta, “Khazia tanoh cheingei cha ano lâ sie nâ chhuah? Thla thiehpa chhao châ leipa ta, Pahânoh chhao châ va,” tah ta. Chanô ta, “A pha thlâh ha aw,” tah ta.

1 THÂTIHZYRONA 23:31

Pahânohzy, thla thiehpazy nata kyhchhi noh hropazy liata raopa hlânazy hlâ tita, baotuh awpa raopa zie lymâ hawhta, Abeipa hmiakô liata khâ amâ duah tyh.

2 THÂTIHZYRONA 31:3

Abeipa ryhpa liata ropa hawhta, my nata zâ ta raopa hlânazy châta nata Pahânoh nata thla thiehpa nata kyhchhi raopazy liata raopa hlânazy châta abei ta ano sahrohzy thyu lymâ ta.

NEHEMIAH 10:31

He râh liata a pahrâ phopi hropazy ta Pahânoh ta hmobaoh nata sâh zy vaw phaoh ei sala, ama zuah khiahta cha, Pahânoh liata tlyma, noh pathaihpa noh liata tlyma cha, âmo tawhta chalei aw ma pi. Kô sarina liata cha, lyu liata chi cheih leipa aw pi ta, leih miah a bâhpazy eimâ ngiahthai khai aw.

NEHEMIAH 10:33

Cha thyunazy cha, tlâhkhai liata viahchhâ chaluahpa tao nawpa châta zy, niepa hlâna nata raopa hlâna hlâ tyhpa châta zy, Pahânoh ta hmohlâpa châta zy, thla thieh kyhchhi châta zy, daihti eihpa kyhchhi châta zy, hmo pathaihpa châta zy, Izarei sawzy chatlaina moleina hlâna nata eima Khazohpa o liata rai zydua hria nawpa châta hmâpa a châ aw.

NEHEMIAH 8:9

Ryhpa biezy ama thei nahta, zawpi zydua thata cha ei ta. Râhvaotuhpa Nehemiah, theihthaipa nata chârohtuhpa Ezrâ nata zawpi pachutuhpa Livai pathlazy ta zawpi zydua hnohta, “Tanoh he Abeipa nama Khazohpa châta noh pathaihpa a châ hih. Chavâta mâchhiesa leipa u la, cha hra khuh vy,” tah ei ta.

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 81:3

Thla thiehpa liata chiahmie tô u la, Thlâpâ pôlô no nata eima kyhchhi noh liata chhao tô teh u.

ISAI 1:13

Hraoleipa atheihnazy vaw cheih khao khah u; Ropahâhpa chhao ei châta pasichhihpa a châ. Thla thiehpa nata Pahânoh nama chay tyhpazy Chhyh thai khao leipa na ta; Noh peimawhpazy nama chay tyhpa chhao, Chhyh thai khao va na; Moleina chhaota pakhypi pathaihpa nama hmâ tyhpazy chhao Chhyh thei khao va na.

EZEKIA 4:14

Chatawhcha kei ta, “Âh, Abeipa Zehôvâh y, pachâ tua, a papuapalei beih va na. Ei thyutlia daihti tawhta tahmâ taihta, ano thi ta a thipa sa tlyma, sahrâhpa ta a taipa sa tlyma, sa pathaih leipa tlyma, ei pakah liata a ngia beih vei,” tah na ta.

EZEKIA 45:17

Chatanachata kyhchhi liatazy, thla thiehpa liatazy, Pahânohzy liata nata Izarei pathlazy châta kyhchhi raopazy liata, Izarei pathlazy vyuhpa ta chatlaina tao awpa ta, raopa hlânazy, niepa hlânazy nata dopa hlânazy châta a ngiahpazy cha abei ta a pachâ tyh aw. Izarei pathlazy vyuhpa ta chatlaina tao awpa ta, moleina hlânazy, niepa hlânazy, raopa hlânazy nata aryhna hlânazy châta a ngiahpazy cha, abei ta a pachâ tyh aw.

THEIHTHAINA 16:31

Cha cha nama châta Pahânoh zachhihpa châ ta, namâ paky awpa noh a châ. Cha cha chhâzaw châta bieraopa a châ.

AMÔSÂ 8:5

“Sâh eima zua thei nawpa ta, Thla thiehpa he lei bâ sala eima tah kaw dia! Viahdie eima zua thei nawpa ta, Pahânoh chhâ bâ sala eima tah kaw dia! Kachu pachyhpa ta sekel palai aw pi ta, Khopathliahna doleipa hmâpa ta sôh eima palie aw.

MALUHREINA 10:10

Nama thaphana noh liata zy, nama kyhchhi daihti raopa liata zy, nama thla thiehpa liata zy, nama raopa hlâna nata nama aryhna hlâna atheihna liata zy chiahmie nama tô awpa a châ. Hezy he nâmo châta nama Khazohpa hmiakô liata atheithlâhna châta a châ aw: Kei he Abeipa nama Khazohpa ei châ.”

MATHAI 15:11

Pakah liata a ngiapa ta chyhsa papuapalei leipa ta, pakah tawhta a puapa ta chyhsa a papuapalei tyh,” tah ta.

MÂKA 7:19

Palôh liata a ngia leipa ta, pavyhpi liata a ngia ta, lyupâh puana lâta a pua ha tyh tahpa pahno veih ei chi ma?” tah ta. Cha hawhna chata Zisu ta niepa zydua a pathaih khaizie phuah ta.

HMOTAOPAZY 15:20

Âmo lâ châ paphao sih la, nothlahpa achhyna hmo pathaih leipa niepa, apatlapa, paaosaopa nata thisaih niepa zy tao khao leipa ta bâhsai awpa ta chho ei sih la, â daihpa ta ei pahno.

RAWMA 14:10

Cha khiahta la, khazia na unawhpa na sei? Khazia na unawhpa na mohnao? Eima zydua heta Khazohpa pachiana dyuchhai hmiakô liata a duah khai awpa eima châ,

KALATIA 4:10

Nohzy, thlazy, daihtizy nata kôzy nama chay tyh!

KAOLAOSÂ 2:20

Khizaw hroziezy cha Krista liata nama thisai ha khiahta cha, khazia khizaw hrozie ta a hroh chypa hawhta, ryhpazy liata namâ ngiarih thlâh ha chy?

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

HEBRAI 9:10

Hmopiepa nata atheihnazy cha niedozy nata apasipathaina nanopazy kyh deita châ ei ta, sapa lâ ryhpa, taopathina daihti tlô hlâta hmâ awpa ryhpazy deita ama châ.

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.

1 SAMUELA 20:18

Zawnathâ ta Dâvi hnohta, “Mylâ khi thla thiehpa kyhchhi noh châ ta, nâ tyuna a rua awpa vâta, na y leipa â lâ aw.

1 SAMUELA 20:5

Dâvi ta Zawna­tha hnohta, “Pachâ teh, mylâ khi thla thiehpa noh châ ta, abei hnohta pati ei dôh nawpa noh a châ. Hânoh zâlâ taihta lyurâhpa liata a nyu awpa ta na pasiesa chy teh.