KAOLAOSÂ 1:9 - Mara Bible RV (BSI)

⁹ Cha vâna chata, nama thâtih eima thei noh tawhta, nâmo châta thlahchhâ bâh beih ma pi. Thlahpa lâ sona nata novâhna zydua hneipa ta, ano khopa pahnona ta pabiepa nama châ thei nawpa ta, eima cha hiapa tyh.

KAOLAOSÂ 1:9 ပူးပေါင်းရင်းမြစ်များ

HLAZY 119:99

Na bieraopazy ei pachâ tyhpa vâta, Nâ pachutuhpa zydua hlâta novâhna ei hnei via.

HLAZY 143:10

Ei Khazohpa na châpa vâta, Na khopa tao awpa ta na pachu mah y! Na Thlahpa phapa ta, Lâpi patlâpa liata nâ chhi mawh sy!

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.

HMOTAOPAZY 12:5

Chavâta Pity cha patâhna o liata paysa chypa châ ta, Awnanopa ta ano châta phahnai khoh ngaitapa ta Khazohpa lâ thlahchhâ ei ta.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

1 KAWRINI 1:5

Ano vâta biereina kyh nata pahnona kyh zydua liata, kyh to liata pahneirôhsapa ta nama y.

EPHESI 1:8

Cha ngiachhiena vâna chata sona nata novâhna to ta miah a vaohei.

EPHESI 5:10

Abeipa khopa khâpa ma a châ tahpa pahnopasia a chhuah teh u.

EPHESI 5:17

Chavâta hru leipa u la, Abeipa khopa khâpa ma a châ tahpa tlao pahno teh u.

EPHESI 6:6

Chyhsa palysa a chhuahpazy hawhta ama hmô nota dei hria leipa ta, Krista seizy hawhta palôh hmeiseihpa ta Khazohpa khopa tao teh u.

PHILIPI 1:4

Nama zydua châta thlah ei chhâna maihta, thapha ngaitapa ta ei chhâ tyh.

KAOLAOSÂ 1:6

Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

KAOLAOSÂ 4:5

Rypaohna patu thai lymâpa ta, khôtho chyhsazy liata so ngaitapa ta y teh u.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

1 THYSALAWNIKA 5:17

bâh leipa ta thlahchhâ u la,

2 THYSALAWNIKA 1:11

Khazohpa ta a awpa nama châna a phuhpa ta nama y thei nawpa nata hmopha tao namâ chhuahpazy nata ngiapâna ta hmo nama taopazy cha, a hmotaotheina ta hlao a cha patlohsa thei nawpa ei ta, thlah khâ eima cha chhâpa tyh.

PHILEMAW 1:4

Ei thlahchhânazy liata châ thei tyh na ta, na moh reipa ta ei Khazohpa hnohta alyna bie khâ ei reih tyh.

PHILEMAW 1:6

Krista vâta hmo pha to eima hneipa na pahno paki thei nawpa ta, nâ ngiapâna bie cha tiamapa ta chho lymâ awpa ta thlah ei cha chhâpa tyh.

HEBRAI 10:36

Khazohpa khopa nama tao khai tawhta, bietaipa nama hmô thei nawpa ta, daotheina namâ ngiahpa rai a châ.

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

1 PITY 2:15

Cha cha Khazohpa khozie châ ta, ahrupazy ta pahno leina vâta bie ama reipazy cha, nama hmo pha taopa ta nama chalihsa thei aw.

1 PITY 4:2

Chatanachata sapa ta nama hro chhôh zydua chyhsapa aohraohnazy liata hroh khao leipa aw ei chi ta, Khazohpa khozie hawhta nama hroh thei aw.

1 ZAWHÂNA 2:17

Khizaw he a aohraohna chhaota a leidia hai. Khazohpa khopa a taotuhpa deikua cha, chhâzaw ta a y thlâh ha aw.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.