KAOLAOSÂ 1:6 - Mara Bible RV (BSI)

⁶ Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

KAOLAOSÂ 1:6 ပူးပေါင်းရင်းမြစ်များ

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

MATHAI 24:14

He khinarâh thâtihpha he phopi to pahno awpa ta khizaw zydua liata chhopa châ aw ta, cha khai tawhta chhâna cha a vaw tlô aw.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

MÂKA 16:15

Ama hnohta, “Khizaw zydua liata sie u la, hmotaopa zydua hnohta thâtihpha chho teh u.

MÂKA 4:8

Chi hropazy cha alei phapa liata tla ei ta, pyuh ei ta ama laiseih lymâ. Thei pathei ei ta, a lie sythôh, a lie sycharu nata a lie za kha ta ama pôh lymâ,” tah ta.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 17:19

Biehmeiseihpa liata pathaisapa ama châ thei nawpa ta, âmo vâta keimasasyh ta ei pathaisa.

ZAWHÂNA 4:23

Châhrasala a daihti a tlô daihmâ, tahmâ chhao a vaw tlô haw. Cha tita Khazohpa a chhy hmeiseihpazy ta thlahpa nata biehmeiseihpa ta Paw amâ chhy aw. Cha hawhpazy cha Paw ta ano a chhytuhpa châ awpa ta a tlua ei.

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 12:24

Khazohpa bie cha laiseih via rilipa ta, pôh lymâ ta.

HMOTAOPAZY 16:14

Eima bie a theipazy hry liata pakha cha, Thiatirâ zuah Lydia ama tahpa a châ. Ano cha poh nohsaihpa a zuahpa châ ta, Khazohpa a chhytuhpa chanô a châ. Pawla bie reipa a phapa ta pachâ awpa ta Abeipa ta a palôh pahy ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

RAWMA 1:13

Unawh saih u, nâmo nata Zenitai hropazy hry liata theilâpa hmô awpa ta, cha vaw tly awpa ei a chhuah tyh na ta, châhrasala pakhâna a y chhyh hapa kyh nama pahno lei awpa khoh va na.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

RAWMA 15:28

Cha hmozy cha tao khaipa ta, thyunazy cha ama ku liata ei hlâ khai tawhta, nâmo cha vaw chapiapa ta Spânia lâ cha ei sie aw.

RAWMA 16:26

Tahmâ deikua cha, bienyupa palâhâhpa ta a y haw. Chyhsazy ta a ngiapâ ei sala, a bie ama zyh thei nawpa ta, chhâzaw Khazohpa ta biepie ta, bienyupa cha hrohsopazy châbu hmâpa ta phopi zydua hnohta pahnosapa ta a y.

2 KAWRINI 10:14

Keimo ta thâtihpha eima chho leina liata eima vaw pakawh laihpa châ vei. Keimo he thâtihpha chho awpa ta nâmo lâ a vaw tlô tua chaipa eima châ.

2 KAWRINI 6:1

Khazohpa ngiachhiena cha hraoleipa nama pachâsa lei nawpa ta, Khazohpa hrialâhpazy ta eima châ haw.

EPHESI 3:2

Khazohpa ta nâmo châta ngiachhie chakaona raihria eina piepa kyh nama vaw pahno ha aw.

EPHESI 4:21

A thâtih thei ei chi ta, Zisu liata biehmeiseihpa a ypa hawhta, ano liata pachupa nama châ.

EPHESI 4:23

nama palôh pachânazy pathiehpa ta,

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

PHILIPI 4:17

Hmopiepa a tluapa châ leipa na ta, nama lymâ a papôh awpa theilâpa a tluapa tlao ei châ.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

1 THYSALAWNIKA 1:5

Thâtihpha nama hnohta eima vaw tlôkheipa kha, bie dei ta vaw tlôkhei leipa pi ta, hmotaotheina nata Thlahpa Pathaihpa nata ngiapâna a i ngaitapa chhaota eima vaw tlôkheipa a châ. Nama hry liata eima y nona kha, nâmo vâta kheihta ma eima y tahpa nama pahno.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

2 THYSALAWNIKA 2:13

Abeipa kyhpachâpa unawh kho ngaitapa saih u, Thlahpa Pathaihpa pathaisana nata biehmeiseihpa ngiapâna vâta pachha châna liata thei hmiatuapazy châ awpa ta, Khazohpa ta â tlyhpa nama châpa vâta, nâmo vâta Khazohpa lâ alyna bie khâ a reih awpa eima châ.

1 PITY 5:12

Unawh ngâchhihpa ta ei pachâpa Silvanâ baona ta nâmo lâ pasyuna châ chyuta vaw roh na ta, cha cha Khazohpa ngiachhiena hmeiseihpa a châ tahpa ei reih. Cha liana chata â ipa ta a duah muh vy.