KAOLAOSÂ 1:5 - Mara Bible RV (BSI)

⁵ vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

KAOLAOSÂ 1:5 ပူးပေါင်းရင်းမြစ်များ

HLAZY 31:19

Chyhsa sawzy mohmô ta, Châ chituhpazy châta phana na pachôpa hluh ngaita ta, Châ chhaituhpazy châta na raihria a hluh ngaita!

LUKA 12:33

Nama hneipazy zuah u la, phahlapazy pie teh u. Parutuhpa ta a paru thei leina nata chhoma-u ta a parao thei leina vârâh liata tâkâ byh a chy beih leipa nata ryu a chhâ beih leipazy a pachô teh u.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

HMOTAOPAZY 13:26

“Unawh saih u, Abarahâ pathla sawzy saih u, nama hry liata Khazohpa a chipa zydua saih u, he pachhana bie he keimo hnohta paphaopa eima châ.

HMOTAOPAZY 23:6

Pawla ta thokha Saduasizy châ ei ta, thokha Phârisaihzy ama châpa a pahno nahta, ryureituhpazy hnohta, “Unawh saih u, kei he Phârisaih châ na ta, Phârisaih sawchapawpa ei châ. Athihpa thyuheihna hnabeiseihna kyh vâta ryureina hmiakô liata a duahpa ei châ hih?” tah ta.

HMOTAOPAZY 24:15

Chyhsa siapa nata sia leipazy thyuheihna a y awpa Khazohpa liata hnabeiseihna a hneipa châ na ta, cha bie cha âmo chhao ta amâ ngiapâpa a châ.

RAWMA 10:8

Cha bie chata khâpa ma a reih? “Bie ta a châ hnia, na pakah nata na palôh liata a y,” tah ta, cha bie cha ngiapâna bie eima chhopa he a châ.

1 KAWRINI 13:13

Ngiapâna zy, hnabeiseihna zy, kyhpachâna zy he khâ ama y thlâh ha aw. Cha miathôhzy hry liata a rônah chaipa cha kyhpachâna he a châ.

1 KAWRINI 15:19

He hro chhôh châ deita ta Krista liata hnabeiseihna a hneipa eima châ khiahta cha, chyhsa zydua liata ngiachhie chhih chaipa eima châ aw.

2 KAWRINI 5:19

Krista liana chata Khazohpa ta khizaw he ano nata a ryhpa ta tao ta, ama paraonazy cha paraona ta rao khao vei. Cha aryhna bie chho awpa cha keimo liata a pahnieh.

2 KAWRINI 6:7

bie hmeiseihpa reina liata zy, Khazohpa hmotaotheina liata zy, chachâh lâ nata chavei lâta siana chaihrai chabana liata zy;

KALATIA 2:14

Châhrasala ama hro cha thâtihpha biehmeiseihpa nata â hmie leipa ei hmô nahta, ama zydua hmiakô liata Kephâ hnohta, “Nâ, Zu chyhsa ta, Zuzy hrozie hawhta hro leipa ta, Zenitai hrozie hawhta na hro thlâh ha khiahta cha, kheihtazieta Zenitaizy cha Zuzy hawhta paysa raruah nâ chhuah?” tahpa ta ei chho.

KALATIA 2:5

Châhrasala thâtihpha biehmeiseihpa cha nama hnohta a y thlâh thei nawpa ta, buakha chhao âmo cha a ngiarih ma pi.

KALATIA 5:5

Keimo deikua la, Thlahpa zawhzi ta, ngiapâna vâta siana to awpa hnabeiseihpa ta, a ngiatiah leipa ta eima hâ.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 4:21

A thâtih thei ei chi ta, Zisu liata biehmeiseihpa a ypa hawhta, ano liata pachupa nama châ.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

1 TIMAWTHY 1:15

Krista Zisu cha moleipazy pachha awpa ta khizaw lâta â zu tahpa he, bie ngâchhihpa nata a pyh tlâh ngaitapa a châ. Kei he moleipazy hry liata molei chaipa ei châ hih.

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

HEBRAI 7:19

Ryhpa bie ta khâpa hmah pakisa thei vei. Hnabeiseihna pha viapa vaw tlô ta, cha hnabeiseihna vâna chata Khazohpa eimâ hnia thei haw.

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.

1 PITY 3:15

Nama palôh liata deikua cha, Krista cha Abeipa ta hnei u la, hnabeiseihna nama hneina chhâpa châ hiahripa maih a chhy awpa ta khatino rai ta a mâ chiehpa ta y teh u. Cha hawhta nama tao tita deikua, nônaina, zana nata

2 PITY 1:12

Chavâta cha hmozy cha pahnopa ta, biehmeiseihpa nama hneipa liata namâ i ha tarawpa ta, cha chânazy cha cha pahnosa chanei tyh awpa ei, ei chhuah.

1 ZAWHÂNA 3:3

Ahy rai ano liata hnabeiseihna a hneipa maih cha, ano a pathaihpa hawhta, anosasyh ta â pathaisa tyh.