KAOLAOSÂ 1:29 - Mara Bible RV (BSI)

²⁹ Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.

KAOLAOSÂ 1:29 ပူးပေါင်းရင်းမြစ်များ

LUKA 13:24

“Chhikao buahpa liata a ngia a chhuah lylia teh u. Ei cha chho ei, chyhsa hluhpi ta a ngia a chhuah aw ei ta, a ngia thei aw veih ei.

RAWMA 15:20

Cha hawhna chata, mohropa lôbô bô chiehpa liata o a sapa ei châ lei nawpa ta, Krista moh pado hana su liata cha thâtihpha chho lei awpa ei chhuah,

RAWMA 15:30

Unawh saih u, tiamapa ta Khazohpa lâ thlah eina chhâkhei awpa ei chi ta, eima Beipa Zisu Krista moh nata Thlahpa kyhpachâna ta ei châ haw ei.

1 KAWRINI 12:11

Cha zydua cha Thlahpa pakha raihria châ ta, chyhsa to hnohta a khozie hawhta a rai chyu ei.

1 KAWRINI 12:6

Raihria chi hluhpi y ta, Khazohpa deikua cha pakha a châ. Chyhsa to hnohta ama raihria châ chyu ta hmotaotheina a pie ei.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

2 KAWRINI 11:23

Krista chakaotuhpazy ama châ ma? Âmo hlâta ei châ via. Ahrupa bie rei ta reih aw sah la, âmo hlâta hriapasa via syulyu na ta, patâh hluh viapa châ na ta, a ei rei tiah lei ta chhei hluh viapa châ na ta, thi theina duahmo chhao ei tyh hluh via syulyu.

2 KAWRINI 13:3

Keima hmâpa ta Krista ta bie a reih ma tahpa pasiana nama tluapa cha nama hmô aw. Ano cha nama chô liata hmotaona kyh liata chiehleipa châ vei. Hmotaothei ngaitapa ta nama hry liata a ypa a châ.

2 KAWRINI 5:9

Chavâta pôhpa o liata eima y tlyma, y vei tlyma, ano palysa awpa eimâ chhuah tyh.

2 KAWRINI 6:5

chheina liata zy, patâhna liata zy, tymâna liata zy, hriapasana liata zy, mokuh saihna liata zy, nodina liata zy;

EPHESI 1:19

Chatanachata a thatlôna rônahpa raihriazie hawhta, keimo ngiapâtuhpazy chô liata a hmotaotheina rônah ngaitapa cha, khâpa ma a châ tahpa nama pahno thei aw.

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

EPHESI 3:7

Khazohpa ngiachhiena hmosaipiepa vâta, cha thâtihpha chakaotuhpa ta taopa châ na ta, cha chakaona rai cha a hmotaotheina hmâpa ta ei hnohta eina pie.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

PHILIPI 1:30

Keima liata adyuhna nama hmô tyhpa, tahmâ chhao ei tyh haipa nama theipa, cha adyuhna tlai cha nâmo chhao namâ tyh hra hih.

PHILIPI 2:13

Ano alynazie tlaichhai ta, a khopa tao awpa ta, nâmo liata hriatuhpa cha Khazohpa a châ.

PHILIPI 2:16

Hrona bie khâchâ patu teh u. Chatanachata hraoleipa ta a râpasuapa nata hraoleipa ta a hriapasapa châ va na tahpa Krista noh liata ei palaikhei thei aw.

KAOLAOSÂ 2:1

Nâmo nata Laodisi khih liata a ypazy nata ei hmia nâ hmô leipazy châta kha tlu ta ma ei tei lylia tahpa nama pahno awpa ei khoh.

KAOLAOSÂ 2:12

Bâtina liata a hnohta pabupa châ ei chi ta, athihpa hry tawhta ano a pathyutuhpa Khazohpa raihria hmotaotheina namâ ngiapâpa vâta, nâmo chhao a hnohta pathyupa nama châ.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

1 THYSALAWNIKA 2:9

Unawh saih u, eima hriapasazie nata eima rietheizie zy kha namâ thei aw. Khazohpa thâtihpha eima cha chho nona kha, ahy phaohri hmah eima châ lei nawpa ta, chhô nah zâ ta eima hria tyh.

2 THYSALAWNIKA 3:8

Ahy viahchhâ hmah a saipa ta nie beih leipa pi ta, ahy phaohri hmah eima châ lei nawpa ta, chhô nah zâ ta hria pi ta, riethei taopa nata hriapasapa ta eima y tyh.

2 TIMAWTHY 2:10

Chavâta atlyhpazy ta Krista Zisu liata a ypa pachhana cha, chhâzaw rônahna chhaota ama hmô thei nawpa ta, âmo châta ato pasa ei tao lylia.

HEBRAI 12:4

Moleina namâ dyuhna liata, thisaih lona taihta a dyuh mâh veih ei chi.

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.

BIEPHUAH 2:3

Tao hualua chi ta, ei moh vâta pasa tao chi ta, châhrasala panao va chi tahpa chhao ei pahno.