KAOLAOSÂ 1:18 - Mara Bible RV (BSI)

¹⁸ Awnanopa cha a pôhpa châ ta, ano cha Awnanopa luh a châ. Ano cha âthaona châ ta, athihpazy hry tawhta a thyu tuachaipa sawchapaw uhtheipa châ ta, ato liata a y tua chaipa a châ.

KAOLAOSÂ 1:18 ပူးပေါင်းရင်းမြစ်များ

HLAZY 89:27

Ei sawchapaw uhtheipa ta tao aw na ta, Lei beizy hry liata chônôchaipa ta ei tao aw.

HLAZY HLA 5:10

Ei lôhdupaw cha a mo ngyuh ta, A sapati chhao pha kaw ta; Thy kha hry liata â lâ patlua.

ISAI 52:13

Pachâ teh u, nâ chakaotuhpa cha, So kawpa ta hmo a tao aw; Palyupalihpa nata pasâhsapa ta y aw ta, Cheihchalopa ta a y aw.

MATHAI 23:8

Nâmo deikua la, pachutuhpa tahpa ta bi awpa châ veih ei chi. Pachutuhpa cha pakha deita nama hnei. Nama zydua ta unawh sai nama châ.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

ZAWHÂNA 1:1

Âthaona liata Bie y ta, Bie cha Khazohpa hnohta y ta, Bie cha Khazohpa a châ.

ZAWHÂNA 1:16

Ano pakina tawhta ngiachhiena to chyu pi ta, cha cha ngiachhiena chôta ngiachhie pachhuahna a châ.

ZAWHÂNA 1:27

ano cha ei hnôhlâ ta a vypa châ ta, kei la a pheiky ri a pathlâ tlâh chhao châ va na,” tah ta.

HMOTAOPAZY 26:23

Hrohsopazy nata Mawsi ta Mesia cha riethei tao aw ta, athihpa thyuheihna hmia a sahtuhpa a châpa vâta, keimo phopi hnohta nata Zenitaizy hnohta khaihna a phuahtuhpa a châ awpa kyh ama reipa dei leipa cha, bie hropa khâpa hmah reih va na,” tah ta.

RAWMA 8:29

A pahno chhieliepazy cha, a Sawchapawpa hawhta y awpa ta a rao chhielie ei. Chatanachata a Sawchapawpa cha unawh hluhpi hry liata sawchapaw uhtheipa a châ aw.

1 KAWRINI 11:3

He deikua he nama pahno awpa ei khoh: Chapaw luh cha Krista châ ta, chanô luh cha chapaw châ ta, Krista luh cha Khazohpa a châ.

1 KAWRINI 12:27

Nâmo sahlao he Krista pôhpa châ ei chi ta, a pachiahpa nama châ chyu hra.

1 KAWRINI 15:25

A chariahpa zydua a phei ry liata a soh khai hlâlei Krista cha â bei chy aw.

EPHESI 1:10

Chatanachata daihti â ki tita, hmo to, avâ liata a ypa nata alei liata a ypa zydua, Krista liata syhpahmaoh khaipa a châ aw.

EPHESI 5:23

Krista cha ano pôhpa Awnanopa luh châ ta, Awnanopa pachhatuhpa a châpa hawhta, vahpa cha lapinô luh a châ.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

KAOLAOSÂ 2:19

Cha hawhpa chyhsa chata Luh cha khâchâ patu vei. Luh ta pôhpa pachiahpa a pazaopakhypazy chyh ta, Khazohpa khozie hawhta ama laiseih lymâ.

1 ZAWHÂNA 1:1

Hrona bie, âthaona liata a ypa, eima nah ta thei pi ta, eima mo ta eima hmôpa, moh thlâh ha pi ta, eima ku ta eima hriapa thâtih cha he he a châ.

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.

BIEPHUAH 22:13

Kei he Alphâ nata Ômekâ, hmiatuapa nata hnôhchaipa, âthaona nata achhâna ei châ.

BIEPHUAH 3:14

“Laodisi Awnanopa vâlyuhchâpa hnohta hetana heta roh teh: ‘Ngâchhihpa nata pahnokheituh dopa nata Khazohpa hmotaopazy âthaona Amen ta he biezy he a reih.