KAOLAOSÂ 1:15 - Mara Bible RV (BSI)

¹⁵ Krista cha hmô thei leipa Khazohpa a lyupa, hmotaopa zydua hry liata a pih tua chaipa a châ.

KAOLAOSÂ 1:15 ပူးပေါင်းရင်းမြစ်များ

HLAZY 89:27

Ei sawchapaw uhtheipa ta tao aw na ta, Lei beizy hry liata chônôchaipa ta ei tao aw.

PUASAINA 24:10

Izarei Khazohpa cha hmô ei ta. A phei ry cha saphai lôsôhpa paryhpa hawhta châ ta, a pathaihzie cha avâ pathaihpa hawhta pathaih ta.

MALUHREINA 12:8

Ano cha pakah ta bie a chho na ta, bie nyupa y leipa ta, a siapa ta bie ei chho tyh. Abeipa pizie chhao a hmô. Cha hawhta a châ tlôh khiahta cha, khazia nâ chakaotuhpa Mawsi reipachhiepa cha nama chi vei?” tah ta.

ZAWHÂNA 1:1

Âthaona liata Bie y ta, Bie cha Khazohpa hnohta y ta, Bie cha Khazohpa a châ.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

ZAWHÂNA 14:9

Zisu ta a hnohta, “Phili, bohpi nama hnohta y na ta, na pahno to va chi ma? Ahy rai keima nâ hmôpa cha Paw a hmôpa a châ. Kheihtazieta, ‘Paw cha miah pahmô teh,’ na tah thlâh haw?

ZAWHÂNA 15:24

Mohropa ahy hmah tao beih leipa hmozy ama hry liata tao lei paw sah la, moleina vâta thaileichâpa ta ama y lei awpa tlai. Tahmâ deikua cha, kei nata ei Paw miah hmô ha ei ta, eima pano ta miah amâ hao haw.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

RAWMA 8:29

A pahno chhieliepazy cha, a Sawchapawpa hawhta y awpa ta a rao chhielie ei. Chatanachata a Sawchapawpa cha unawh hluhpi hry liata sawchapaw uhtheipa a châ aw.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

PHILIPI 2:6

Ano cha Khazohpa châna a hneipa châ ta, châhrasala Khazohpa tlu ta ypa cha tlaichhai awpa ta rao leipa ta,

KAOLAOSÂ 1:13

Khazohpa ta zohna biehneina tawhta miah pachha ta, a Sawchapawpa kyhpachâ ngaitapa khinarâh lâ miah â chhi haw.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 1:6

Sawchapaw uhtheipa khizaw lâ a za tua nona khata, “Khazohpa vâlyuhchâpa zydua ta ano a naoh mawh ei sy,” tah heih ta.

HEBRAI 11:27

Ngiapâna ta bei hiehâhna chhao chi leipa ta, Izi râh puasai ta, hmô thei leipa a hmôpa vâta pasa a tao hualua.

BIEPHUAH 3:14

“Laodisi Awnanopa vâlyuhchâpa hnohta hetana heta roh teh: ‘Ngâchhihpa nata pahnokheituh dopa nata Khazohpa hmotaopazy âthaona Amen ta he biezy he a reih.