KAOLAOSÂ 1:12 - Mara Bible RV (BSI)

¹² Chatanachata khaihna khinarâh liata mopathaihpazy ryutolâhpa châ awpa ta châ patlohsatuhpa Paw hnohta alyna bie nama reih thei aw.

KAOLAOSÂ 1:12 ပူးပေါင်းရင်းမြစ်များ

1 ABEIZY 6:7

Alô chaona su liata khai chiehpa alôzy ta Achhyna o cha sapa a châ. Chatanachata o sa chhôh zydua ta, syulô pyu, ahrei pyu nata thua chhaichhi pyu kheihawhpa hmahta Achhyna o liata thei awpa y vei.

1 THÂTIHZYRONA 29:20

Dâvi ta zawpi zydua hnohta, “Abeipa nama Khazohpa cha reithai teh u,” tah ta. Zawpi zydua ta Abeipa, ama pathlatuhpazy Khazohpa cha reithai ei ta, a bôh ei ta, Abeipa nata abei cha a naoh ei ta.

HLAZY 116:7

Hy ei thlahpa, nâ pahâna lâ kua heih mah y, Abeipa ta na chô liata a pha ngaitapa ta a tao ha hih.

HLAZY 36:9

Nâma liata hrona hnawh y ta, Na khaihna liata khaihna eima hmô.

HLAZY 79:13

Keimo na phopi, na sibiepa su liata mietakuzy deikua ta cha, Chhâzaw ta alyna bie cha hlâ aw pi ta; Chhâ zydua ta na reithaina hla eima chanei lymâ aw.

HLAZY 97:11

Mosiapa châta khaihna piepa châ ta, Palôh dopa châta alyna piepa a châ.

BIESOZY 16:1

Palôh achhuahna cha chyhsapa eih châ ta, Paleih achhyna deikua cha Abeipa tawhta a châ.

BIESOZY 4:18

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

DÂNIAH 2:23

Châ ly na ta, ei cha reithai, Hy pathlatuhzy Khazohpa y; Sona nata hmotaotheina na pie chi ta, Eima cha hiapa eina pahnosa ha chi; Abei mâsapa cha miah na pahnosa haw,” tah ta.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

ZAWHÂNA 4:23

Châhrasala a daihti a tlô daihmâ, tahmâ chhao a vaw tlô haw. Cha tita Khazohpa a chhy hmeiseihpazy ta thlahpa nata biehmeiseihpa ta Paw amâ chhy aw. Cha hawhpazy cha Paw ta ano a chhytuhpa châ awpa ta a tlua ei.

HMOTAOPAZY 20:32

“Tahmâ he Khazohpa nata a ngiachhiena bie liata ei cha pavaosa ei. Cha chata cha palaiseihsa aw ei ta, mopathaihpazy hry liata ryuto a cha pahneisa aw ei.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

RAWMA 11:17

Châhrasala a chiah thokhazy cha thliepa châ ta, nâ, râh liata ôli tho tlai chi cha, ôli tho phapazy liata pazaopa ta, ôli tho phapa thari nâ hly khiahta cha,

RAWMA 15:27

Cha cha a ly kawpa ta ama taopa a châ. Hmeiseih ta la, tao awpa amâ bâhpa rai a châ. Zenitaizy ta thlahpa kyh liata Zuzy amâ hlykhei khiahta cha, khizaw hmozy ta Zuzy ama deichhy hra awpa cha a byuhpa tlai a châ.

RAWMA 8:17

Sawzy eima châ khiahta cha, ryutotuhpazy eima châ. Khazohpa ryu totuhpazy châ pi ta, Krista ryutolâhpazy eima châ. A hnohta riethei eima tao khiahta cha, a hnohta palyupalihpa ta eima y hra aw.

RAWMA 9:23

Ngiachhiena beihzy chô liata a rônahna palâsa nawpa ta, cha hmo cha Khazohpa ta a rônahna châta â chhuanoh chhielie hapa châ sala, khâpa a pei aw?

1 KAWRINI 8:6

keimo châta deikua cha, Paw Khazohpa pakha deita a y. Ano tawhta ato pua ta, keimo chhao ano châta a ypa eima châ. Abeipa pakha deita hnei pi ta, ano cha Zisu Krista a châ. Ano vâta ato y ta, keimo chhao ano vâta a ypa eima châ hra.

1 KAWRINI 9:23

Thâtihpha byhnâ ei topa ama to thei nawpa ta, cha hmozy cha ei tao.

2 KAWRINI 11:14

Cha cha noâhchhihpa châ vei, Sâtâ chhao ta khaihna vâlyuhchâpa hawhta anosasyh ta â tao tyh.

2 KAWRINI 5:5

Cha châta miah pachhuapanohtuhpa cha Khazohpa châ ta, a bietai pa-i nawpa ta a Thlahpa miah a pie.

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.

EPHESI 2:18

Ano siepahliepa ta Thlahpa miakha ta Paw a hnia theina eima py no ta eima hnei.

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

EPHESI 4:6

Khazohpa pakha deita a y. Ano cha ato Paw châ ta, ato chô liata y ta, ato chahryh khai ta, ato chhôh liata a y.

EPHESI 5:11

Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

EPHESI 5:4

Bie puapa reipa zy, bie hrupa reipa zy, saiso pathaih leipa bie reipa zy a ngia vei. Chazy taopa hlâta cha alyna bie tlao reih tyh muh vy.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

KAOLAOSÂ 3:15

Krista thlalôhna ta nama palôh liata ryureih mawh sy. Cha hawhta châ awpa ta pôhpa miakha liata awpa nama châ. Chavâta a ly teh u.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

ZÂMIE 3:9

Cha paleih chata eima Beipa nata Paw reithai pi ta, cha paleih lilaw chata Khazohpa lyupa ta taopa chyhsazy chô liata chhie eima sa tyh.

1 PITY 5:1

Nama hry liata Awnanopa chhituhpazy kha, kei, nama chhituh heihpa, Krista pasa taonazy a pahnotuhpa nata rônahna a vaw luah awpa a to hra awpa heta ei cha pasyu ei.

1 ZAWHÂNA 1:3

Nâmo chhao ta miah namâ kao thei hra nawpa ta, eima hmôpa nata eima theipa cha nama hnohta eima phuah. Eimâ kaona cha Paw nata a Sawchapawpa Zisu Krista liata a châ.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.

BIEPHUAH 22:14

“Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.