KALATIA 6:3 - Mara Bible RV (BSI)

³ Khâpa hmah châ tlôh leipa ta, chyhsa peimawhpa hawhta â pachâpa cha, anosasyh a dôveipa a châ.

KALATIA 6:3 ပူးပေါင်းရင်းမြစ်များ

BIESOZY 25:14

Hmo a pie leipa tlai ta piepa hawhta â reihpa cha, Vâsua ti a hnei leipa meihdo nata thlih hawhta a châ.

BIESOZY 26:12

Ano mokhaoh liata â pasosa kawpa chyhsa na hmô tyh ma? Cha hawhpa chyhsa hlâta cha, Ahrupa châta hnabeiseihna a y via.

LUKA 18:11

Phârisaih cha a duah ta, he hawhta thlah a chhâ: ‘Khazohpa y, mohropazy hawhta avyuhpa, chyhsa doleipa nata apheipa châ leipa na ta, he chhiekheituhpa hawhna chhao heta ei châ leipa vâta alyna bie ei cha hlâ.

HMOTAOPAZY 5:36

Cha hlâna chhao khata Theudâ vaw pua ta, chyhsa peimawhpa a châpa ta a reih ta, chyhsa hluhpi, za palih rachhôh ta ano cha zi ei ta. Ano ama thie nahta, a zituhpa zydua cha pai khai ei ta, khâpa hmah châ khao veih ei.

RAWMA 12:16

A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy.

RAWMA 12:3

Nama hry liata chyhsa ahy hmahta a châna dopa hlâta a sâh viapa ta a pachâ leipa sala, Khazohpa ta chyhsa to hnohta ngiapâna a piepa rakhapa lymâ hawhta, a châna dopa a pahno thai awpa ta, Khazohpa ta ngiachhiena eina piepa zawhzi ta ei cha chho ei.

1 KAWRINI 13:2

Hrohsona hmopiepa hneipa ta, bienyupa zydua nata pahnona zydua hnei khai hraw sah la, tlâhzy pasie theina taihta ngiapâna pakipa hnei hraw sah la, kyhpachâna ei hnei tlôh leipa khiahta la, khâpa hmah châ va na.

1 KAWRINI 3:18

Ahy hmahta anosasyh ta a dôvei khah sy. Nama hry liata ahy rai, he chhâ liata a so kawpa hawhta â pachâ khiahta cha, a vaw so thei nawpa ta ahrupa lâta a lie mawh sy.

1 KAWRINI 8:2

Chyhsa ta a pahno kawpa hawhta â pachâ khiahta cha, a pahno awpa hawhpa pahno mâh vei.

2 KAWRINI 12:11

Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.

2 KAWRINI 3:5

Keimo liata tlohna hnei leipa pi ta, keimo tawhta a puapa rei awpa khâpa hmah hnei ma pi. Eima tlohna cha Khazohpa tawhta a châ.

KALATIA 2:6

Chyhsa peimawhpa hawhta a lâpazy he, ama châna vâta kei liata ananona y hlei vei. Khazohpa cha khôtho lâ alânazie ta pachia vei. Chyhsa peimawhpa hawhta a lâpazy heta na phahnaikhei hlei veih ei.

KALATIA 2:9

Ei hnohta piepa ngiachhiena cha, Awnanopa tôhtlâh ta pachâpa Zâmie nata Kephâ nata Zawhâna zy ta ama pahno nahta, âmo cha chopawtaipazy lâ sie aw ei ta, Bânabâ nata kei cha Zenitaizy lâ sie awpa ta akaona ku chachâh lâ miah ama hlâ.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

ZÂMIE 1:22

Nâmosasyh ta a dôveipa ta, bie nathlietuhpa dei châ leipa ta, bie zyhtuhpa tlao châ muh vy.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

1 ZAWHÂNA 1:8

Moleina hnei ma pi eima tah khiahta cha, keimosasyh ta eimâ dô, biehmeiseihpa keimo liata y vei.