KALATIA 6:17 - Mara Bible RV (BSI)

¹⁷ Tahmâ tawhta la ahy hmahta na patypamâ khao khah sy, ei pôhpa liata Zisu eih ei châna ngianazy phaoh tlôh na ta.

KALATIA 6:17 ပူးပေါင်းရင်းမြစ်များ

ISAI 44:5

Chyhsa pakha ta, ‘Abeipa eih ei châ,’ tah aw ta, Chyhsa hropa ta Zakaw moh a bi aw ta, Mohropa ta a ku liata ‘Abeipa eih,’ tahpa ropa ta, Anosasyh ta Izarei moh â bi aw.”

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

HMOTAOPAZY 15:24

“Eima hry liata chyhsa thokha ta keimo biepie leipa ta nâmo lâ a zu ei ta, ama bie reipa ta cha patypamâ ei ta, noraihpa ta ama cha paysapa thâtih eima vaw thei.

2 KAWRINI 1:5

Krista pasa taona hawhta eima tao hluh via nahta, Krista liata eima thlalôhna a pôh rili.

2 KAWRINI 4:10

Zisu hrona eima pôhpazy liata â lâ thei nawpa ta, eima pôhpa liata Zisu thina cha eima phaoh lymâ.

KALATIA 1:7

Thâtihpha hropa y vei. Krista thâtihpha panano ta, cha patypamâ a chhuahpazy ama châ.

PHILIPI 3:10

Chatanachata Krista nata a thyuheihna hmotaotheina cha pahno aw na ta, a rietheitaona liata a hlao hrapa ta, a thina liata ano hawhta thi hrapa ta,

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

ZAWSUA 7:25

Zawsua ta, “Khazia nôpopa ta miah na paysa? Nâ chhao tanoh he Abeipa ta nôpopa ta a cha paysa aw,” tah ta. Chatanachata Âkhâ cha Izarei saw zydua ta alô ta vawhsao ei ta. A chhôhkhazy chhao vawhsao ei ta, ama vawhsao khai tawhta mei ta rao ei ta.

BIEPHUAH 13:16

Chyhsa zydua, molaipa nata mochyhpa, hneirôhpa nata dyhchhiepa, sei nata khotalaipazy cha ama ku chachâh lâ tlyma, ama khi liata tlyma, ngiana hnei khai awpa ta tao ta.

BIEPHUAH 13:17

Chatanachata ngiana, sahrâhpa moh tlyma, a moh nuby tlyma a hnei leipazy cha, hmo chalei thei leipa aw ei ta, zuah thei hra aw veih ei.