KALATIA 6:15 - Mara Bible RV (BSI)

¹⁵ Chopawtaipa ta phahnaina hnei leipa ta, chopawtaileipa chhao phahnaina hnei hra vei. Taopathina deikua cha phahnaina a hnei.

KALATIA 6:15 ပူးပေါင်းရင်းမြစ်များ

RAWMA 2:26

Chopawtaileipa chyhsa ta ryhpa bieraopazy a zyh khiahta cha, a chopawtaileipa cha taipa hawhta pachâpa châ aw vei ma?

RAWMA 2:28

Chôpho dei ta Zu a châpa cha Zu hmeiseihpa châ leipa ta, chôpho ta sapa dei chopawtaipa chhao chopawtai hmeiseihpa châ vei.

RAWMA 6:4

A thina liata bâti châpa ta, a hnohta pabupa ta y pi ta, Krista cha Paw rônahna ta athihpa hry tawhta a pathyupa hawhna khata, keimo chhao hrona thiehpa ta eima charei aw.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

1 KAWRINI 7:19

Chopawtaipa cha khâpa hmah châ leipa ta, chopawtaileipa chhao khâpa hmah châ hra vei. A peimawhpa cha Khazohpa biepiepazy zyhpa he a châ.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

EPHESI 2:15

ryhpa biepiepa nata bieraopazy pahlei ta, panozy cha ano liata chyhsa thiehpa pôhkha pachâsapa ta, aryhna a tao haw.

EPHESI 4:24

siana nata pathaihna hmeiseihpa liata Khazohpa lyupa ta taopa chyhsa thiehpa ta a tobi teh u.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

ZAWSUA 5:5

Izi râh tawhta a kaw puapa zydua cha chopaw tai chiehpa sai châ ei ta, Izi râh tawhta ama kaw pua tawhta râhchawhpa lâpi liata a pihpazy zydua deikua cha, chopawtai leipazy ama châ.

BIEPHUAH 21:5

Beidyuchhai liata a tyuhpa ta, “Moh tua, hmo to a thiehpa ta ei tao haw,” tah ta. “Roh teh, he biezy he ngâ a chhih ta â do,” tah heih ta.