KALATIA 6:12 - Mara Bible RV (BSI)

¹² Sapa hmia pha châ khohpazy ta chopaw pataisa raruah ama châ chhuah tyh. Khâpa vâta hmah châ vei, Krista kraws vâta taola ama tao lei nawpa ta a taopa deita ama châ.

KALATIA 6:12 ပူးပေါင်းရင်းမြစ်များ

MATHAI 23:27

“Nâmo, ryhpa pachutuhpa nata Phârisaih phapakheipazy saih u, nama hu a po na! Hlyu râhpa hniapa thlâ, a chô lâ a ngia ngaitapa ta a lâ ta, a chhôh lâ deikua cha athipa rureih nata pathaih leipa to ta a biepa nata namâ lyu.

MATHAI 23:28

Khôtho lâ chyhsa mohmô liata a sia ngaitapa ta a lâ ei chi ta, nama chhôh lâ deikua cha, phapakheina nata Ryhpa papeisa leina ta a bie.

MATHAI 23:5

Ama hmotaopa zydua chyhsa hmô awpa ta ama tao tyh. Ama ku liata amâ kypa nata ama khiriena zy paphia ei ta, ama poh pai pasisa ei ta,

MATHAI 5:10

“Siana vâta taola a taopazy ama nohlao na, vârâh khinarâh ama eih a châpa vâta.

MATHAI 6:16

“Kâhvileipa ta nama y tita, phapakheipazy hawhta thachhâna hmia phaoh khuh vy. Âmo cha kâhvileipa ta ama ypa chyhsazy ta ama pahno thei nawpa ta, thachhâna hmia ama palâsa tyh. Hmeiseihta ta ei cha chho ei, ama lymâ ama hmô haw.

MATHAI 6:2

“Chavâta phahlapazy hmo na pie tita, phapakheipazy ta chyhsa reithaina ama hlao thei nawpa ta, pakhyna ozy liata nata lâlaizy liata ama taopa hawhta, na hmia lâta chiahmie tô laih khah y. Hmeiseihta ta ei cha chho ei, ama lymâ ama hmô haw.

MATHAI 6:5

“Thlah nama chhâ tita, phapakheipazy hawhta tao khuh vy. Âmo cha chyhsa ta ama hmô thei nawpa ta, pakhyna ozy liata nata khiliah suzy liata a duahpa ta thlah ama chhâ tyh. Hmeiseihta ta ei cha chho ei, ama lymâ ama hmô haw.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

LUKA 20:47

Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.

ZAWHÂNA 7:18

Ano tao chhyhpa bie a reihpa cha ano rônahna a tluapa a châ. A tuahtuhpa rônahna a tluapa deikua cha, chyhsa dopa châ ta, ano liata adoleina rai y vei.

HMOTAOPAZY 15:1

Chyhsa thokha Zudia râh tawhta a zu ei ta, “Mawsi ryhpa hawhta chopaw namâ tai leipa khiahta la, pachhapa châ thei aw veih ei chi,” tahpa ta unawhzy pachu ei ta.

HMOTAOPAZY 15:5

Châhrasala Phârisaihzy py liata a ypa ngiapâtuhpa thokha ta a duah ei ta, “Zenitaizy cha ama chopaw tai thlyu awpa châ ta, Mawsi ryhpa zyh awpa ta biepie awpa a châ,” tah ei ta.

2 KAWRINI 10:12

Âmosasyh a rei paphapa thokhazy cha a rei pâ ngâh leipa pi ta, a pakho ngâh hra ma pi. Châhrasala a thlie raihrie ei ta, amâ pakho tyhpa deikua he cha, novâhna amâ phahlazie a palâsa.

2 KAWRINI 11:13

Cha hawhpa chyhsazy cha, chyhsa dôvei hmâhpa hriatuhpa, âmosasyh ta Krista lyuhchâpa ta â taopa, lyuhchâpa pakheipazy ama châ.

KALATIA 2:14

Châhrasala ama hro cha thâtihpha biehmeiseihpa nata â hmie leipa ei hmô nahta, ama zydua hmiakô liata Kephâ hnohta, “Nâ, Zu chyhsa ta, Zuzy hrozie hawhta hro leipa ta, Zenitai hrozie hawhta na hro thlâh ha khiahta cha, kheihtazieta Zenitaizy cha Zuzy hawhta paysa raruah nâ chhuah?” tahpa ta ei chho.

KALATIA 2:3

Ei hnohta a ypa Titu cha, Krikâh chyhsa châ hra sala, chopaw pataisa raruahpa châ vei.

KALATIA 5:11

Unawh saih u, kei he chopawtaipa aduakheina bie a chhopa cha vaw châ ha sah la, khazia taolapa ta ei y pyly? Cha hawhta châ sala, kraws vâta tymâna he a y lei awpa tlai.

KALATIA 6:13

Chopawtaipazy chhao tlai ta ryhpa bie zyh tlôh leipa ei ta, nama pôhpa liata a palaikhei awpa ama hnei thei nawpa ta, chopaw cha pataisa awpa ama khohpa a châ.

PHILIPI 1:15

Thokha cha hiatliana nata aiehkhyhna vâta Krista bie chho ei ta, thokha deikua cha thapasana vâta Krista bie ama chho.

PHILIPI 2:4

Nâmo khopa dei moh leipa u la, mohropazy khopa chhao moh tyh hra muh vy.

PHILIPI 3:18

Chyhsa hluhpi cha Krista kraws khakhaipazy ama châ tahpa ei cha chho tyhpa ei kha, tahmâ chhao mothlih chhaota ei cha chho heih ei.

KAOLAOSÂ 2:23

Âmo khozie hawhta zyhna â taopa, areisina pakheipa nata sapa riepatheisapa hawhpazy he, sona hawhta a lâ hra sala, sapa aohraohna pakhâ nawpa châta phahnai hlei vei.