KALATIA 6:10 - Mara Bible RV (BSI)

¹⁰ Chavâta rypaohna eima hneipa hawhta, chyhsa zydua chô liata hmopha tao sih la, ngiapâtuhpa chhôhkhazy chô liata tao pachai suh u.

KALATIA 6:10 ပူးပေါင်းရင်းမြစ်များ

HLAZY 37:27

Moleina siesai la, Hmo pha tao mah y; Chatanachata he râh liata khâ na pahrâ aw.

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

BIESOZY 3:27

Tao theina na hnei khiahta cha, A to tlâhpazy châta hmo phapa pakhâ khah y.

BIECHHOTUHPA 3:12

A ly ngaitapa ta y ta, ama hro chhôh zydua hmo phapa taopa hlâta a pha viapa y vei tahpa ei pahno haw.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

MATHAI 10:25

Pachupa cha ano pachutuhpa a lyupa a daih ta, sei ta a zibeipa a lyupa â daih. O hneituhpa hmahta Belzebu ama tah khiahta cha, a chhôhkhazy chhochhi cha khatlu ta ma ama reipachhie via aw tly!

MATHAI 12:50

Ahy rai ei Paw vârâh liata a ypa khopa a taopa maih cha, ei unawh nata ei sietanô nata ei nô zy ama châ,” tah ta.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 5:43

“‘Na vaih kyhpachâ la, na chariahpa a hao mah y,’ ama tahpa nama pahno.

MÂKA 3:4

Zawpi hnohta, “Pahânoh ta khâpa tao awpa ma ryhpa ta a pasai? Hmopha tao awpa ma, pasasa awpa maw? Hrona pachha awpa ma, thie awpa maw?” tah ta. A thlih thlâh ha ei ta.

LUKA 6:35

Nama khakhaipazy kyh pachâ u la, ama phana awpa tao u la, a vaw kua heih awpa hnabeiseih leipa ta dyu pacheisa teh u. Chatanachata nama lymâ hluh aw ta, Chônôchaipa sawzy nama châ aw. Ano cha alyna châh pahno leipazy nata moleipazy chhao a ngiachhie theipa a châ.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWHÂNA 9:4

Nohchhô a châ nota nâ tuahtuhpa rai ei hria awpa a châ. Zâ châ daihmâ ta, cha tita la ahy hmahta rai hria thei khao aw veih ei.

HMOTAOPAZY 6:7

Chatawhcha Khazohpa bie cha pôh lymâ ta, pachupazy maluh cha Zerusale liata thata pôh ta, theihthaipa hluhpi chhao ta zo ei ta, amâ ngiapâ haw.

2 KAWRINI 2:8

Chavâta a chô liata nama kyhpachâna pa-i awpa ta ei châ haw ei.

KALATIA 1:23

“Miah a taola tyhpa khata, tahmâ cha parao â chhuah tyhpa ngiapâna bie tlao a chho haw,” tahpa ta chyhsazy reipa rakha dei ama thei.

EPHESI 2:19

Chavâta tahmâ la khichhaipa nata khitlyhpa dei châ khao veih ei chi. Mopathaihpazy nata hmaohkha ta khinarâh sawzy châ ha ei chi ta, Khazohpa chhôhkhazy tlao nama châ haw.

EPHESI 3:15

Ano cha lei nah vâ liata chhôhkha to moh bi hnâpa a châ.

EPHESI 4:28

A paru tyhpa ta paru khao leipa sala, phahlapazy pie awpa a hnei thei nawpa ta, ano ku ta hmo phapa hria sala, hriapasa mawh sy.

EPHESI 5:16

Nohzy he a pha leipa vâta, daihti rypaohpa patu thai teh u.

PHILIPI 4:10

Eina pachâna ei chi tahmâ nama pathieh heihpa vâta ei ly ngaita. Na pachâ kaw tyh tlai ei chi ta, châhrasala rypaohna nama hmô leipa vâta a châ.

KAOLAOSÂ 4:5

Rypaohna patu thai lymâpa ta, khôtho chyhsazy liata so ngaitapa ta y teh u.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

1 THYSALAWNIKA 5:21

ato pasiapa ta, a phapa maih a pyh u la,

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

TITU 3:8

Khazohpa a ngiapâpazy cha hmo pha taona liata a hmâh lymâ mawh ei sy, tahpa bie cha ngâ tlâhpa châ ta, cha bie cha na reih lymâ awpa ei khoh. Cha cha hmo phapa châ ta, chyhsazy ta amâ thôkhei aw.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

3 ZAWHÂNA 1:10

Chavâta ei vy khiahta cha, a hmotaopa, eima kyh miah reih ta, thâ miah a pachhiena kyh kha ei pasia aw. Cha chhao cha a daih tah leipa ta, unawhzy a ly khoh leipa ta, a ly khohpazy pakhâ ta, Awnanopa tawhta a papua ei.

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.

3 ZAWHÂNA 1:3

Unawhzy vaw tlô ei ta, biehmeiseihpa châta ngâ nâ chhihzie nata biehmeiseihpa liata na y lymâzie ama vaw reipa ta eina palysa ngaita.