KALATIA 5:26 - Mara Bible RV (BSI)

²⁶ Keimo nata keimo a pahao leipa ta, keimo nata keimo a uahva hra leipa ta, a pasâhsapa ta y khah suh u.

KALATIA 5:26 ပူးပေါင်းရင်းမြစ်များ

LUKA 14:10

Hruapa na châ tita, vawh la atyuna a hnai chaipa liata a tyuh mah y. Chatanachata châ hruatuhpa â vy tita, na hnohta, ‘Viasa, â sâh viapa lâ a pasie teh,’ cha tah aw ta, pati tlâhkhai na dôhlâhpa zydua mohmô ta palyupalihpa ta na y aw.

1 KAWRINI 3:7

A palaiseihsatuhpa Khazohpa dei leipa ta cha, a lohtuhpa nata ti a baotuhpazy khâpa hmah châ veih ei.

KALATIA 5:15

Nâmo nata nâmo a siepa ta, namâ nie khiahta deikua cha, a vaih teh u. Chataleipatala nâmo nata nâmo ta namâ pahleipadia pathlei aw.

PHILIPI 4:15

Nâmo, Philipi mo saih u, thâtihpha ei chho tua nota Mâsidônia râh tawhta ei pua nona kha, nâmo dei leipa ta cha, Awnanopa miakha hmahta hmopiena nata hmodaona kyh liata na hrialâh veih ei tahpa nâmo tlai ta nama pahno.

ZÂMIE 4:16

Châhrasala a pasâhsapa ta, a palai ei chi ta, cha hawhpa apalaina zydua cha moleina a châ.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”