KALATIA 5:25 - Mara Bible RV (BSI)

²⁵ Thlahpa ta a hrohpa eima châ khiahta cha, Thlahpa liata y ei suh u.

KALATIA 5:25 ပူးပေါင်းရင်းမြစ်များ

ZAWHÂNA 6:63

Hrona pietuhpa cha Thlahpa a châ, sapa cha phahnaina hnei vei. Nama hnohta bie ei reipazy he Thlahpa châ ta, hrona chhao a châ.

RAWMA 8:10

Châhrasala Krista cha nâmo liata a y khiahta cha, moleina vâta nama pôhpa cha thi hra sala, nama thlahpa deikua cha siana vâta a hroh.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

1 KAWRINI 15:45

Chavâta, “Chyhsa hmiatua chaipa Âdâh cha chyhsa hrohpa a vaw châ,” tahpa ta ropa a châ. Âdâh hnôhchaipa cha hrona pietuhpa thlahpa a vaw châ haw.

2 KAWRINI 3:6

Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.

KALATIA 5:16

Chavâta he bie he rei awpa ei khoh, Thlahpa liata y teh u. Chatanachata sapa aohraohna cha pipatlohsa aw veih ei chi.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

1 PITY 4:6

Cha vâna chata athihpa hnoh chhao ta thâtihpha chhopa a châ. Sapa ta a ypa chyhsazy hawhta pachiapa ama châpa chhao ta, Khazohpa hawhta thlahpa ta ama hroh ha aw.

BIEPHUAH 11:11

Noh thôh nata khophie a châ tawhta, Khazohpa tawhta hrona hu ama chhôh liata a vaw ngia ta, ama phei ta a kaw duah ei ta, a hmôtuhpazy ta ama chi ngaita.