KALATIA 5:17 - Mara Bible RV (BSI)

¹⁷ Sapa khona ta Thlahpa a dyuh ta, Thlahpa khona ta sapa â dyuh. Nama tao khohpa hmozy nama tao thei lei nawpa ta, sapa nata Thlahpa cha amâ dyuh tyh.

KALATIA 5:17 ပူးပေါင်းရင်းမြစ်များ

ÂTHAONA 6:3

Chatawhcha Abeipa ta, “Ei thlahpa he chyhsapa hnohta chhâzaw ta y aw vei, ano cha thi theipa châ tlôh ta, a hro chhôh nohzy cha kô 120 a châ aw,” tah ta.

HLAZY 119:133

Na bie hawhta ei keih chakânazy vaih la, Moleina ta ei chô liata bie a hnei awpa pasaih khah y.

HLAZY 119:159

Na pachunazy ei pasôzie he pachâ la, Hy Abeipa, na kyhpachâna tleih beih leipa vâta, Ei hrona he pabohsa mah y.

HLAZY 119:176

Mietaku a leipa hawhta viavi na ta, Châhrasala na biepiepazy ei my leipa vâta, Châ chakaotuhpa he vaw tlua mah y.

HLAZY 119:20

Na pachiana dopazy ngiabâhpa ta, Ei thlahpa ta khâ a cha vâ tyh.

HLAZY 119:32

Ei palôh na pahy kawh tita, Na biepiepazy lâpi a chhipa ta ei râ aw.

HLAZY 119:35

Na biepiepapazy lâpi liata nâ chhi mah y, Cha cha ei lyna châ tlôh ta.

HLAZY 119:40

Na pachunazy ei vâ ngaita; Na siana vâta na pahro heih mah y!

HLAZY 130:3

Hy Abeipa, paraonazy a ngia khai hapa châ la, Hy Abeipa, ahy a duah thei aw?

HLAZY 65:3

Moleina ta miah a pahnie tita, Eima paraonazy vâta chatlaina miah na taopa tyh.

BIECHHOTUHPA 7:20

Alei chô liana heta chyhsa siapa, A molei beih leipa pakha hmah y veih ei.

ISAI 6:5

Chatawhcha kei ta, “Ei hu a po kaw dia! Ei leidia haw. Hmao pathaih leipa chyhsa châ na ta, hmao pathaih leipa phopi hry liata ei pahrâ. Ei mo ta Abeipa, Pheisaihzy Abeipa a hmô ha khaw!” tah na ta.

MATHAI 12:30

Ei chhâh a châ leipa cha nâ dyuhtuhpa châ ta, nâ pahmaohkhei leipa cha a papaituhpa a châ.

MATHAI 16:17

Zisu ta a hnohta, “Saimaw, Zawna sawchapawpa, na nohlao na! Sapa nata thisaih ta a cha pahnosapa châ leipa ta, ei Paw vârâh liata a ypa ta a cha pahnosapa a châ.

MATHAI 16:23

Zisu cha Pity lâ a heih ta, a hnohta, “Sâtâ, ei hnôh lâ y teh! Ei châta ahluana na châ he. Khazohpa hmozy pachâ leipa chi ta, chyhsapa hmozy tlao na pachâ via he,” tah ta.

MATHAI 26:41

Reipasaona liata namâ ngia lei nawpa ta, a vaih u la, thlahchhâ teh u. Thlahpa ta la hoh ta, sapa deikua a dadieh,” tah ta.

MATHAI 5:6

“Siana khopa vâta nodi dâhphipazy ama nohlao na, ama aoh a vei awpa vâta.

LUKA 22:33

Pity ta a hnohta, “Abeipa, na hnohta patâhna o lâ nata thina lâ sie awpa ta ei mâ thlâh haw,” tah ta.

LUKA 22:46

Ama hnohta, “Khazia namâ mô thlâh haw? Reipasaona liata namâ ngia lei nawpa ta, thyu u la, thlahchhâ teh u,” tah ta.

ZAWHÂNA 3:6

Sapa ta a pihpa cha sapa châ ta, Thlahpa ta a pihpa cha thlahpa a châ.

RAWMA 8:13

Sapa khozie hawhta nama hroh khiahta cha, thi aw ei chi ta, nama pôhpa hmotaopazy Thlahpa ta nama thie lymâ khiahta deikua cha, nama hroh aw.

KALATIA 3:21

Cha khiahta la, ryhpa ta Khazohpa bietaizy a chakhia ma? Chakhia bao va! Hrona a pie theipa ryhpa piepa a châ khiahta cha, siana chhao cha ryhpa vâta a y thei aw.

ZÂMIE 3:2

Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.