KALATIA 5:16 - Mara Bible RV (BSI)

¹⁶ Chavâta he bie he rei awpa ei khoh, Thlahpa liata y teh u. Chatanachata sapa aohraohna cha pipatlohsa aw veih ei chi.

KALATIA 5:16 ပူးပေါင်းရင်းမြစ်များ

ÂTHAONA 6:3

Chatawhcha Abeipa ta, “Ei thlahpa he chyhsapa hnohta chhâzaw ta y aw vei, ano cha thi theipa châ tlôh ta, a hro chhôh nohzy cha kô 120 a châ aw,” tah ta.

RAWMA 6:12

Nama sapa khona pipatlohsa awpa ta, nama pôhpa thi theipa chô liata moleina ta ryureih khah sy.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

1 KAWRINI 7:29

Unawh saih u, ei rei khohpa cha he he a châ: Daihti chyuta y ta, chavâta tahmâ tawhta la, lapinô a hneipazy ta a hnei leipa hawhta y mawh ei sy.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

KALATIA 3:17

Rei ei chhuahpa cha he he a châ: Biehrai taopa a châ tawhta kô 430 khô lâta a vaw ypa ryhpa heta, Khazohpa ta a vaw pa-i hapa biehrai kha parao leipa ta, bietai chhao aruapa pachâsa vei.

KALATIA 6:8

Ano sapa châta chi a tupa cha, sapa thina thei hria aw ta; Thlahpa châta chi a tupa cha, chhâzaw hrona Thlahpa thei a hria aw.

EPHESI 2:3

Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

KAOLAOSÂ 2:11

Ano liata chopawtaipa châ ei chi ta, cha cha ku ta chopawtaipa châ leipa ta, sapa ryhpa pahluh khaipa ta, Krista liata chopawtaipa nama châ.

1 PITY 1:14

Saw phapazy hawhta y u la, kha hlâta nama pahno lei nota nama aohraohnazy hawh khata y khao khuh vy.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.

1 PITY 4:6

Cha vâna chata athihpa hnoh chhao ta thâtihpha chhopa a châ. Sapa ta a ypa chyhsazy hawhta pachiapa ama châpa chhao ta, Khazohpa hawhta thlahpa ta ama hroh ha aw.