KALATIA 4:8 - Mara Bible RV (BSI)

⁸ Khazohpa nama pahno vei nona kha, ama pizie rai chhao ta khazoh a châ leipazy sei ta y ei chi ta.

KALATIA 4:8 ပူးပေါင်းရင်းမြစ်များ

2 THÂTIHZYRONA 13:9

Arawna pathla Abeipa theihthaipazy nata Livai pathlazy papuapa ta, râh hropazy liata phopizy taozie hawhta theihthaipazy namâ taopa châ vei ma? Viahchao tôh dawpa pô kha tlyma, mietaku tôhpa pô sari tlyma a vaw cheihpa maih cha, Khazoh hmeiseihpa a châ leipa khazohzy theihthaipa ta nama tao lymâ.

PUASAINA 5:2

Phiraoh ta, “Abeipa cha ahy maw? A bie zyh ta, Izarei cha ei pasiesa awpa cha ahy ma a châ? Abeipa cha pahno va na, Izarei chhao pasiesa aw va na,” tah ta.

ISAI 37:19

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

ZEREMIAH 10:25

Châ pahno leipa râhzy chô liata na hiehâhna lei thlu la, Na mo a pado leipa phopizy chô liata chhao lei thlu mah y. Zakaw cha palâpa ta nie khai ha ei ta, A pahrâna râh roryhrapa ta ama tao ha hih.

ZEREMIAH 16:20

Chyhsapa ta anosasyh ta a khazohzy â tao thei ma? Chazy cha khazoh châ veih ei.”

ZEREMIAH 2:11

Phopi ta a khazohzy cha, Khazohzy ama châ leipa chhao ta a thla beih ma? Ei phopi deikua ta ama rônahna cha, Hmo phahnai leipa ta tlao ama thla haw.

ZEREMIAH 5:7

“Kheihta ma ei châ ngiahthai thei aw? Na sawzy ta na siesai ei ta, Khazoh a châ leipazy moh reipa ta bie amâ taih hapa cha. Ama rihbiena taihta ei pasapa chhao ei ta, Nâ pheisai pyly ei ta, Âzuahnôzy o lâ a hripi ta ama ngai tyh.

ZAWHÂNA 1:10

Ano cha khizaw liata y ta, khizaw he ano hmâpa ta taopa châ ta, châhrasala khizaw ta ano cha pahno vei.

HMOTAOPAZY 14:12

Bânabâ cha Zupitâ tah ei ta, Pawla cha bie a reihtuh chaipa a châpa vâta Merkuri tah ei ta.

HMOTAOPAZY 17:23

Ei chareina liata, namâ chhypazy moh na ta, maisâh miakha, a chô liata, ‘Pahno leipa Khazohpa châta,’ tahpa ropa ei hmô. Pahno leipa ta namâ chhy tyhpa, cha Khazohpa thâtih cha ei cha vaw chho ei.

RAWMA 1:23

Chatanachata thi thei leipa Khazohpa rônahna cha, thi theipa chyhsazy, pavawzy, phei palihpa sazy nata alyhpasa nothlahpazy hawhta ama pachâsa haw.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

1 KAWRINI 12:2

Ngiapâleipa nama châ no kha, nothlahpa reih pathlie thai leipazy lâta a chhipa ta y ei chi ta, lâpi paviasapa ta nama ypa nama pahno.

1 KAWRINI 8:4

Chavâta nothlahpa lâta hmohlâpa niepa kyh liata, khizaw liata nothlahpa cha khâpa hmah a châ leizie nata Khazohpa pakha dei leipa ta cha, Khazoh hropa rai a y leizie eima pahno.

KALATIA 4:3

Cha hawhna chata keimo chhao, hawti eima châ nota cha, khizaw ryhpa ry liata sei ta eima y.

EPHESI 4:18

Ama palôh kuhchhapa vâta pahno leina âmo liata y ta, cha chata ama pahnona pazohsa ta, Khazohpa hrona tawhta pachhaihpa ta ama y.

1 THYSALAWNIKA 1:9

Eima cha vaw tly nota miah namâ lyzie nata Khazohpa hrohpa nata dopa chakao awpa ta nothlahpazy tawhta Khazohpa lâ namâ heih hapa kyh miah chho ei ta,

1 THYSALAWNIKA 4:5

Khazohpa a pahno leipa Zenitaizy hawhta parâna liata a hmâh khuh vy.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.

ZAWSUA 24:2

Zawsua ta zawpi zydua hnohta, “Zehôvah, Izarei Khazohpa ta hetana heta a tah: ‘Châ pathlatuhpazy, Abarahâ nata Nâhaw paw Terâ tlai chhao kha, hlâno cha Ufrâti chavah khô lâ râh liata pahrâ tyh ei ta, khazoh hropazy ama chakao tyh.

1 PITY 4:3

Zenitaizy khopa taopa ta, parâna, aohraohna, paripangana, a hlao ta apatlana, sahma do pahmaohna nata nothlahpa achhyna pasichhihpa zy liata nama vaw tlaih tyhpa kha â daih ha bâ.

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.