KALATIA 4:7 - Mara Bible RV (BSI)

⁷ Chavâta sei châ khao leipa chi ta, sawchapaw tlao na châ haw. Sawchapaw na châ khiahta cha, Krista zawhzi ta Khazohpa ryutotuhpa na châ.

KALATIA 4:7 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

HLAZY 16:5

Abeipa, nâ cha ei vyuh nata ei nyu châ chi ta, Ei tovyuh na pabohsa tyh.

HLAZY 73:26

Ei sapa nata ei palôh he a tleih thei, Châhrasala Khazohpa cha ei palôh thatlôna châ ta, Tlyzaw châta ei tovyuh a châ.

ZEREMIAH 10:16

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh cha Pheisaihzy Abeipa a châ.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

CHAPHÔHTUNA 3:24

Chavâta ei hro ta, “Abeipa cha ei tovyuh châ ta, Chavâta ano liata ei hnabei a seih aw,” a tah.

MATHAI 6:24

“Ahy hmahta abei pano chakao pabaoh thei aw veih ei. Pakha a hao aw ta, ahropa cha kyh a pachâ aw. Cha leipa chhao ta, pakha rei a ngiah aw ta, ahropa cha a mopakhô aw. Khazohpa nata khizaw sôh chakao pabaoh thei veih ei chi.

KALATIA 3:26

Ngiapâna vâta, nama zydua ta Krista Zisu liata Khazohpa sawzy nama châ.

KALATIA 3:29

Krista eih nama châ khiahta cha, Abarahâ pathla châ ei chi ta, bietai hawhta ryutotuhpazy nama châ.

KALATIA 4:31

Chavâta unawh saih u, keimo la seichanô chô liata sawzy châ leipa pi ta, khotalaipa chanô chô liata sawzy eima châ.

BIEPHUAH 21:7

Pahnietuhpa cha he ryu he a to aw. A Khazohpa châ aw na ta, ei saw a châ aw.