KALATIA 4:4 - Mara Bible RV (BSI)

⁴ Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.

KALATIA 4:4 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

ISAI 48:16

Nâ vaw hnia u la, He bie he thei teh u; Hmo vaw y awpa kyh liata, Âthaona tawhta arulâta bie reih beih leipa na ta, A vaw y daihti lia chhao ta ei y.” Tahmâ he Abeipa Zehôvâh ta na tuah ta, A Thlahpa ta eina tuah.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ZEREMIAH 31:22

Hy sawchanô hnôhsypa, Khati taih ma noraihpa ta na y aw? Abeipa ta alei liata hmo thiehpa tao ta, Chanô ta chapaw tlao a pabohsa ha hih.”

ZEKARIA 6:12

A hnohta, ‘Pheisaihzy Abeipa ta hetana heta a tah: Moh teh, Chhyh tahpa ta moh bipa chyhsa cha, a yna su tawhta a chhyh kaw thao aw ta, ano ta Abeipa Achhyna o a sa aw.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MALUHREINA 28:22

Nama châta chatlaina tao nawpa ta moleina hlâna châta mie tôhpa pô kha nama hlâ aw.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

MATHAI 3:15

Zisu ta a chhy ta, “Â ryh tah thlâh ha teh. Siana zydua pakipa cha eima châta a ngiahpa a châ,” tah ta. Chatanachata paryhsa ha ta.

MATHAI 5:17

“Ryhpa nata hrohsopa biezy pahleipadia awpa ta â zupa hawhta na pangiasa khuh vy. Pahleipadia awpa ta â zupa châ leipa na ta, pakisa awpa ta â zupa tlao ei châ.

MÂKA 1:15

ama hnohta, “A daihti a ki ha ta, Khazohpa khinarâh â hnia haw. Ro u la, thâtihpha a ngiapâ teh u,” tah ta.

LUKA 1:31

Pachâ teh, na chhi liata nawh a choh aw ta, sawchapaw sa aw chi ta, a moh ta Zisu na bi aw.

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

LUKA 2:7

Saw tuapa ta chapaw sa ta, poh pahlyna ta pahly ta, khichhai riebu liata amâ tlôh leipa vâta, sachâki liata pazia ta.

LUKA 20:44

Dâvi ta ano cha Abeipa a tah tlôh khiahta cha, kheihta ma a sawchapawpa a châ thei rai aw?” tah ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 10:36

Paw ta panano ta, khizaw lâ a za tuapa ta, ‘Khazohpa Sawchapawpa ei châ,’ ei tahpa vâta, ‘Khazohpa na reipachhie,’ eina tah ei chi ma?

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

ZAWHÂNA 6:38

Keima khopa tao awpa ta vârâh tawhta a zupa châ leipa na ta, nâ tuahtuhpa khopa tao awpa ta a zupa tlao ei châ.

ZAWHÂNA 8:42

Zisu ta ama hnohta, “Khazohpa cha nama Paw a châ khiahta cha, kei he Khazohpa tawhta a puapa nata ano tawhta a vypa ei châpa vâta, kyh eina pachâ aw ei chi. Keima rei ta a vypa châ va na, ano ta eina tuapa tlao a châ.

HMOTAOPAZY 1:7

Zisu ta ama hnohta, “Paw ta a daihti nata a noh kyh cha ano biehneina liata soh ta, nâmo pahno awpa châ vei.

RAWMA 1:3

Cha thâtihpha cha a Sawchapawpa, eima Beipa Zisu Krista thâtih châ ta, sapa kyh liata cha Dâvi pathla ta a pihpa a châ.

RAWMA 15:8

Ei cha chho ei, pathlatuhpazy hnohta bietai pa-i ta, Khazohpa adona palâsa nawpa ta, Krista cha chopawtaipazy chakaotuhpa ta a vaw ypa a châ.

RAWMA 5:6

Eima chiehlei nona khata, Krista cha moleipazy vyuhpa ta a daihtita liata thi ha ta.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

RAWMA 9:5

Pathlatuhzy kha ama mapawzy châ ei ta, sapa kyh lâta cha Krista tlai chhao cha, âmo chi tawhta a vaw puapa a châ. Ano cha ato zydua chô liata Khazohpa châ ta, chhâzaw ta reithaipa ta y mawh sy. Amen.

EPHESI 1:10

Chatanachata daihti â ki tita, hmo to, avâ liata a ypa nata alei liata a ypa zydua, Krista liata syhpahmaoh khaipa a châ aw.

KAOLAOSÂ 2:14

Ku ta ropa ryhpazy cha miah dyuhtuhpa nata miah chakhiatuhpa châ ei ta, châhrasala zyh awpa ta eimâ bâh tlôhpazy ama châ. Krista deikua cha eimâ bâhpa zydua phie ta, kraws liata khaipâpa ta pahlei ta, eima moleina zydua miah ngiahthaituhpa a châ.

1 TIMAWTHY 2:6

Krista Zisu cha chyhsa zydua chatlai nawpa ta anosasyh ta a pie ta, a daihtita liata chatlaina bie a phuah haw.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

HEBRAI 9:10

Hmopiepa nata atheihnazy cha niedozy nata apasipathaina nanopazy kyh deita châ ei ta, sapa lâ ryhpa, taopathina daihti tlô hlâta hmâ awpa ryhpazy deita ama châ.

1 ZAWHÂNA 4:14

Chatanachata Paw ta a Sawchapawpa cha khizaw Pachhatuhpa châ awpa ta a vaw tuah tahpa hmô pi ta, eimâ duakhei.

1 ZAWHÂNA 4:2

He liana heta Khazohpa Thlahpa cha nama pahno aw: Zisu Krista cha sapa ta â vy tahpa a châkheipa thlahpa maih cha, Khazohpa tawhta châ ta,