KALATIA 4:27 - Mara Bible RV (BSI)

²⁷ “Nâ, saw leipa, Saw a sa beih leipa y, Thaphapa ta y mah y; Nâ, saw a zeih beih leipa, Awh la, rahao mah y! Vahpa a hneipa sawzy hlâta, Yrupa chanô sawzy ama hluh via aw,” tahpa ta ropa hawhta.

KALATIA 4:27 ပူးပေါင်းရင်းမြစ်များ

2 SAMUELA 13:20

A rilâhpa Absalaw ta a hnohta, “Na rilâhpa Amanaw ma châ ykhei haw? Chatahrasala ei sietanô y, a chalih ha mah y, na rilâhpa a châ khawh, pachâ tu hlei khah y,” tah ta. Chatanachata Tâmâri cha a rilâhpa Absalaw o liata yru vâsâhpa ta y ta.

HLAZY 113:9

Chanô chohpa hnohta chhôhkha pie ta, Sawzy pie ta nô palôhtlâhpa ta a tao. Abeipa cha reithai teh u!

ISAI 49:21

Na palôh ta pachâ aw chi ta, ‘He sahlao he ahy ma nâ sapa tly i? Kei cha mâchhiesapa ta choh ha na ta, Sei ta nâ chhipa ta na papua ha ei ta, Ahy ma âmo he a vaw mohôh tly i? Pachâ tua u, keima dei ta siesaipa châ tlôh na ta, He sahlao he khataih tawhta a vypa ma ama châ tly?’ na tah aw.”

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

1 TIMAWTHY 5:5

Nôhmei hmeiseihpa, ano dei ta a ypa cha, Khazohpa chô liata hnabeiseihna a sohpa châ ta, chhô nah zâ ta hiapa nata thlahchhâpa ta a y tyh.

1 SAMUELA 2:5

Rihbiepazy ta viahchhâ châta hriahlao ei ta, Nodipazy tlao ama nodi khao vei. Chanô chohpa ta pasari sa ta, Saw hluhpi a hneipa nô hmâchhâh yrupa ta a y.