KALATIA 4:17 - Mara Bible RV (BSI)

¹⁷ Ama cha pahnie thei nawpa ta phahnai a ngiah ngaita ei ta, châhrasala achhuahna phapa châta châ vei. Âmo châta phahnai namâ ngiah thei nawpa ta, miah pachhaih awpa amâ chhuah chaipa a châ.

KALATIA 4:17 ပူးပေါင်းရင်းမြစ်များ

MATHAI 23:15

“Nâmo, Ryhpa pachutuhpa nata Phârisaih phapakheipazy saih u, nama hu a po na! Ngiapâtuhpa pakha tao awpa ta, tilaipi nata tlâh padôpa ta sie ei chi ta, ngiapâtuhpa a vaw châpa nahta, ano cha nâmo topa lie no ta hriena su a to awpa saw ta nama tao tyh.

RAWMA 10:2

Khazohpa châta phahnai amâ ngiah tahpa ei pahnokhei ei. Châhrasala pahno pasia leipa ta phahnai a ngiahpa ama châ.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

1 KAWRINI 11:2

Ato liata nâ thei ei chi ta, pachuna ei cha piepazy nama zyh lymâpa vâta ei cha reithai ei.

1 KAWRINI 4:18

Nâmo lâ a vy khao lei awpa hawhta na pachâpa ta, thokha cha namâ palai kaw ei aw.

1 KAWRINI 4:8

Namâ ngiahpazy nama hnei khai haw! Nama vaw hneirôh haw! Keimo a hlao leipa ta beizy nama vaw châ haw! Beizy châ hmeiseih u la, keimo chhao nama hnohta a bei hra sih la ei tah kaw dia!

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

KALATIA 4:16

Biedopa ei cha chhopa vâ ei ta, nama khakhaipa ei vaw châ ha ma?

KALATIA 4:18

Achhuahna phapa châta la, nama hnohta ei y nota dei châ leipa ta, khatino rai ta phahnai a ngiahpa a pha.

PHILIPI 2:21

Mohropa zydua cha, Zisu Krista châta châ leipa ta, âmo pha nawpa a tluapa sai ama châ.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.