KALATIA 3:21 - Mara Bible RV (BSI)

²¹ Cha khiahta la, ryhpa ta Khazohpa bietaizy a chakhia ma? Chakhia bao va! Hrona a pie theipa ryhpa piepa a châ khiahta cha, siana chhao cha ryhpa vâta a y thei aw.

KALATIA 3:21 ပူးပေါင်းရင်းမြစ်များ

LUKA 20:16

A vy aw ta, thlyuhlaotuhpazy cha pahleipadia aw ta, kre sadô cha mohropazy a pie aw ei,” tah ta. Cha cha ama thei nahta, “Khazohpa ta pasaih khah sy?” tah ei ta.

RAWMA 3:31

Cha khiahta la, ngiapâna vâta ryhpa cha hraoleipa ta eima pachâsa ma? Châ bao va! Ryhpa cha tlao eima pa-ipa a châ.

RAWMA 3:4

Châ bao va! Chyhsa zydua a haihpa châ hra ei sala, Khazohpa cha adopa a châ, Biehrai liata, “Na bie ta thai châ la, Pachiapa ta na y tita, Pahniena to mah y,” tahpa ta ropa hawhna khata.

RAWMA 3:6

Châ bao va! Chata a châ khiahta cha, Khazohpa ta kheihta khizaw a pachia thei aw?

RAWMA 9:31

siana ryhpa a chadaituhpa Izarei ta siana to thei vei.

2 KAWRINI 3:7

Alô liata khiepa, thina a tlôkheipa châropa zâ phaohtuhpa Mawsi hmia hmahta kha tlatlu ta rônah sala, a lei thlâh ha awpa rônahna hmahta Izarei sawzy ta ama mo ngâh leipa khiahta cha,

KALATIA 2:17

Châhrasala Krista liata thaichâpa ta y awpa eima chhuah nota, keimo chhao cha moleipazy vaw châ ha sih la, Krista cha moleina chakaotuhpa a châ tahna a châ aw ma? Châ bao va.

KALATIA 2:19

Khazohpa lâta ei hroh thei nawpa ta, kei la ryhpa vâta ryhpa liata ei thi haw.

KALATIA 2:21

Khazohpa ngiachhiena cha hraolei pachâsa va na. Ryhpa liata thaichâna a y khiahta cha, Krista cha hraoleipa ta a thipa a châ aw.

KALATIA 6:14

Kei deikua la, eima Beipa Zisu Krista kraws dei leipa ta cha, a palaikhei awpa hropa hnei va na. Cha kraws liata khizaw he kei châta khaipâpa ta y ta, kei chhao khizaw châta khaipâpa ta ei y.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

HEBRAI 7:18

Biepiepa hmiatuapa cha, chiehleina nata phahnai leina a hneipa vâta hnypa a châ.

HEBRAI 7:19

Ryhpa bie ta khâpa hmah pakisa thei vei. Hnabeiseihna pha viapa vaw tlô ta, cha hnabeiseihna vâna chata Khazohpa eimâ hnia thei haw.