KALATIA 3:2 - Mara Bible RV (BSI)

² He deita he nâmo tawhta pahno awpa ei khoh: Ryhpa hmotaopazy vâta ma Thlahpa nama to, nama theipa namâ ngiapâpa vâta maw?

KALATIA 3:2 ပူးပေါင်းရင်းမြစ်များ

HMOTAOPAZY 15:8

Palôh pahnotuhpa Khazohpa ta Zenitaizy â pyh ei tahpa cha, keimo chô liata a taopa hawhta, âmo chhao Thlahpa Pathaihpa a pie hrapa liana heta a palâsa haw.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 8:15

Pity nata Zawhâna cha zu ei ta, Samâri khih liata ngiapâtuhpazy cha Thlahpa Pathaihpa ama to thei nawpa ta thlahchhâpa ei ta.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

1 KAWRINI 9:21

Khazohpa ryhpazy zyh leipa ta y tlôh leipa ta, Krista ryhpa ry liata a ypa châ hraw sah la, ryhpa hnei leipazy ei pahnie thei nawpa ta, ryhpa hnei leipazy hnohta ryhpa hnei leipa hawhta ei y tyh.

2 KAWRINI 11:4

Ahy tlyma a vy sala, keimo eima cha chhopa Zisu a châ leipa, Zisu hropa kyh vaw reih sala tlyma; Thlahpa nama topa a châ leipa, thlahpa hropa kyh vaw reih sala tlyma; thâtihpha nama daopa a châ leipa, thâtihpha hropa kyh vaw reih sala tlyma, namâ pyh thlâh ha khiahta cha, a naopa ta dôvei theipa nama châ tahna a châ.

KALATIA 3:14

Chatanachata Abarahâ châta byhnâ awna cha, Krista Zisu vâta Zenitaizy hnohta vaw tlô aw ta, Thlahpa taihpa cha ngiapâna ta eima hmô thei aw.

KALATIA 3:3

Khazia he tlu po ta nama hru tly? Thlahpa ta pathao ei chi ta, sapa ta ma nama pachhâ aw?

KALATIA 3:5

Nama hnohta Thlahpa châ pietuhpa nata nama hry liata hmonoâhpa taotuhpa ta, ryhpa hmotaopazy vâta ma chazy cha a tao? Thei ei chi ta namâ ngiapâ vâta maw?

HEBRAI 2:4

Khazohpa chhao ta ngianazy, hmonoâhpazy nata hmotaotheina to ta nata a khozie hawhta Thlahpa Pathaihpa hmopiepazy piepa ta a pahnokhei.

HEBRAI 4:2

Ama hnohta thâtihpha chhopa a châpa hawhta, keimo hnohta chhao chhopa châ ta, châhrasala bie ama theipa cha ngiapâna ta a pa-i leipa vâta, âmo châta phahnaina hnei vei.

HEBRAI 6:4

Ei kha nopavâhpa ta y ha ta, vârâh hmopiepa padi ta, Thlahpa Pathaihpa raihria liata a hlao ha ta,

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.