KALATIA 3:13 - Mara Bible RV (BSI)

¹³ “Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

KALATIA 3:13 ပူးပေါင်းရင်းမြစ်များ

2 SAMUELA 17:23

Ahitôphe cha ano ryhraona hawhta taopa a châ leipa a pahno nahta, alâ ky padia ta, pua ta, ano khih liata a o lâ sie ha ta. A chhôhkha khihsatôhtuna paryh ta, a paaosao ta, thi ta, a paw thlâ liata ama pabu haw.

2 SAMUELA 18:10

Chyhsa pakha ta hmô ta, Zôabâ chho ta, “Ôkâ tho liata Absalaw a bangieh thlâh hapa ei hmô,” tah ta.

2 SAMUELA 21:3

Dâvi ta Kibiô mo hnohta, “Khâpa ma ei cha taopa aw ei? Abeipa ryuto râh he byhnâ nama awpa thei nawpa ta, kheihta ma chatlaina ei tao aw?” tah ta.

2 SAMUELA 21:9

Âmo cha Kibiô mo ku liata pie ta, Abeipa hmiakô liata tlâh liata paaosao ei ta. Ama pasari ta hmaohkha ta ama thi haw. Âmo he sâh hria daihti noh hmiatuapa lâ, bâli sâh hria pathao daihti liata thiepa ama châ.

2 ABEIZY 22:19

he su nata a chhôh liata a pahrâpazy kyh liata, roryhrapa nata chhiesapa ta ama y aw tahpa kyh ei reipa na thei nahta, na palôh naipa ta Abeipa hmiakô liata a panawh chi ta, na chysiazy hriepa ta, ei hmiakô liata na chapa vâta, kei chhao ta ei cha thei, Abeipa ta a tah.

ESTHERI 7:10

Chatanachata Hâmâ cha Môdekai paaosao nawpa ta a taopa liata paaosao ei ta. Cha khai tawhta abei pathiiana cha dia ha ta.

ESTHERI 9:14

Cha hawhta tao awpa ta, abei ta biepie ta. Biepiepa cha Susâ liata papua ta, Hâmâ sawchapawpa pahrawhzy ri cha paaosaona thotlâh liata pangieh ei ta.

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

ZEREMIAH 49:13

Bôzrâ cha su chichhihpa, pasipasawhpa, roryhrapa nata chhiesapa khihpi châ aw ta, a khichapeihzy chhao roryhrapa ta ama y zôzaw aw tahpa ta, keima sasyh ta ei moh a reipa ta bie ei taih haw,” Abeipa ta a tah.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

MATHAI 26:28

He he ei thisaih, moleinazy a ngiahthai nawpa ta, chyhsa hluhpi châta a lohpa biehrai thiehpa a châ.

MATHAI 27:5

Zudâh ta tâkâ cha Achhyna o chhôh liata thy ta, pua ta, sie ta a paaosao ha ta.

HMOTAOPAZY 5:30

Nâmo ta tho liata khaipâpa ta nama thiepa Zisu kha, miah pathlatuhpazy Khazohpa ta a pathyu haw.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

RAWMA 9:3

Ei unawhzy, sapa lâta ei chiheihzy châna heta, kei he chhiesapa ta ypa ta, Krista tawhta chhawh pathlahpa ta y aw sah la ei tah tyh.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 3:10

Ryhpa hmotaopazy liata a pahniehpa zydua cha, chhiesana ry liata ama y, “Ryhpa châbu liata bie ropa zydua a tao leipa nata a zyh leipa maih cha chhiesapa ta y mawh sy,” tahpa ropa châ tlôh ta.

KALATIA 4:5

Sawchapawpa châna eima to thei nawpa ta, ryhpa ry liata a ypazy chatlai awpa ta a za tuah.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

RYHPACHANEINA 21:23

a ri cha tho liata azozâkhihdei a y awpa châ vei. Cha noh lia tlai ta nama pabu awpa a châ. Tho liata bangiehpa maih cha Khazohpa chhiesapa châ tlôh ei ta, Abeipa nama Khazohpa ta ryuto châta a cha piepa ei nama râh cha nama papuapalei awpa châ vei.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

HEBRAI 9:15

Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.

HEBRAI 9:26

Cha hawhta châ leipa sala, leilô y tua no tawhta pasa a tao chanei ngâ thlâh ha aw. Châhrasala daihti chhâna lâ liata, chhâzaw châta ei kha a vaw luah ta, anosasyh ta atheihna ta a hlâpa ta moleina a pahlei haw.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.