KALATIA 3:11 - Mara Bible RV (BSI)

¹¹ Khazohpa mohmô ta ahy hmah ryhpa vâta thaichâpa y veih ei, tahpa a siapa ta â lâ, “Mosiapa cha ngiapâna ta a hroh aw,” tahpa châ tlôh ta.

KALATIA 3:11 ပူးပေါင်းရင်းမြစ်များ

1 ABEIZY 8:46

“Chyhsa ahy hmah a molei beih leipa y veih ei. Na phopi chhao ta na chô liata ama molei tita, ama chô liata na pathi ia ta, chavâta ama chariahpa ku liata âmo cha pie chi ta, chariahpa râh lâhlapi lâta tlyma, lâhnia liata tlyma, sei ta a chhipa ta y ei sala,

ZAWBÂ 40:4

“Kei padisaihpa heta khâpa ma ei châ chhy bao aw? Ei pakah ei chahu ha bâ.

ZAWBÂ 42:6

Chavâta keimasasyh ta thailei a pachâ na ta, Dohlei nata buchadoh liata a tyuhpa ta ei ro haw,” tah ta.

ZAWBÂ 9:3

Chyhsa ta Khazohpa bie ei a chhuah sala, Ei sâh kha liata ei kha chhao a chhy thei aw vei.

HLAZY 143:2

Na hmiakô liata la, Ahrohpazy hry liata mosiapa ama y leipa vâta, Châ chakaotuhpa he pachiana liata a ngiakhei khah y.

HLAZY 19:12

Ahy ma ano taochheipazy a pahno thei tly? Ei pahno leipa paraonazy nâ ngiahthai mah y.

BIECHHOTUHPA 7:20

Alei chô liana heta chyhsa siapa, A molei beih leipa pakha hmah y veih ei.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ISAI 6:5

Chatawhcha kei ta, “Ei hu a po kaw dia! Ei leidia haw. Hmao pathaih leipa chyhsa châ na ta, hmao pathaih leipa phopi hry liata ei pahrâ. Ei mo ta Abeipa, Pheisaihzy Abeipa a hmô ha khaw!” tah na ta.

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

HABAKU 2:4

“Moh tua u, moleipa palôh cha a palai kaw ta, Ano liata adona y vei; Mosiapa deikua cha, Â ngiapâna ta a hroh aw.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

KALATIA 2:16

Chatahrasala ryhpa hmotaopazy vâta chyhsa cha thaichâpa ta y leipa ta, Zisu Krista ngiapâna vâ deita ta thaichâpa ta a y, tahpa eima pahno. Chavâta keimo chhao, ryhpa hmotaopazy vâta châ leipa ta, Krista Zisu ngiapâna vâta thaichâpa ta eima y thei nawpa ta, Krista cha eimâ ngiapâ. Ryhpa hmotaopazy vâta ahy hmah thaichâpa ta y thei veih ei.

HEBRAI 10:38

Ei chyhsa siapa cha, Ngiapâna ta a hroh aw; Hnôh a sypa deikua cha, A chô liata alyna rai hnei aw va na.”

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

ZÂMIE 3:2

Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.