KALATIA 2:9 - Mara Bible RV (BSI)

⁹ Ei hnohta piepa ngiachhiena cha, Awnanopa tôhtlâh ta pachâpa Zâmie nata Kephâ nata Zawhâna zy ta ama pahno nahta, âmo cha chopawtaipazy lâ sie aw ei ta, Bânabâ nata kei cha Zenitaizy lâ sie awpa ta akaona ku chachâh lâ miah ama hlâ.

KALATIA 2:9 ပူးပေါင်းရင်းမြစ်များ

2 ABEIZY 10:15

Cha su tawhta a pua nahta, ano dy awpa ta a vypa Rekhâ sawchapawpa Zehônadâ a tyh ta. Zehu ta ano cha a naoh ta, a hnohta, “Na chô liata palôh dopa ei phaopa hawhna heta, ei chô liata palôh dopa na phaoh hra ma?” tah ta. Zehônadâ ta, “Ei phaoh,” tah ta. Zehu ta, “Cha khiahta la, na ku na vaw hlâ teh,” tah ta. Zehônadâ ta a ku kei hlâ ta. Zehu ta Zehônadâ cha a hnohta talailih liata pakiasa ta.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

LUKA 22:8

Zisu ta Pity nata Zawhâna cha, “Zawpakhô kyhchhi eima nie awpa a kei chhuanoh teh u,” tahpa ta tuah ta.

ZAWHÂNA 1:42

Adaru ta Saimaw cha Zisu lâ a chhi ta, Zisu ta ano cha vaw moh ta, “Zawhâna sawchapawpa Saimaw na châ, Kephâ ama cha tah ha bâ aw,” tah ta. Kephâ cha Pity tahna a châ.

HMOTAOPAZY 12:17

A chalih awpa ta a ku ta thliethlâ ta, Khazohpa ta patâhna o tawhta a papuanazie âmo cha chho ta. “Cha biezy cha Zâmie nata unawhzy kei chho teh u,” tah ta. Pity cha pua ta, su hro lâ sie ha ta.

HMOTAOPAZY 15:13

Âmo ama rei khai nahta, Zâmie ta reih ta, “Unawh saih u, ei bie nathlie teh u.

HMOTAOPAZY 15:7

Thata amâ ei tawhta, Pity a duah ta ama hnohta, “Unawh saih u, Zenitaizy ta keima pakah tawhta thâtihpha bie theipa ta a ngiapâ awpa ta, daihti hmiatuapa liana khata Khazohpa ta nâmo hry liata kei he eina raozie kha nama pahno.

HMOTAOPAZY 4:36

Kuparâ chyhsa Livai chi Zawsi, lyuhchâpazy ta Bânabâ, thlalôhna saw ama tahpa chhao,

RAWMA 1:5

Ano vâta nata ano moh ta phopi to pangiapâsa ta, a bie pazyhsa awpa ta, ngiachhiena nata lyuhchâpa châna eima hmô.

RAWMA 12:3

Nama hry liata chyhsa ahy hmahta a châna dopa hlâta a sâh viapa ta a pachâ leipa sala, Khazohpa ta chyhsa to hnohta ngiapâna a piepa rakhapa lymâ hawhta, a châna dopa a pahno thai awpa ta, Khazohpa ta ngiachhiena eina piepa zawhzi ta ei cha chho ei.

RAWMA 15:15

Kyh thokha liata deikua cha, cha pahnosa heih awpa ei ta, riahpha ngaitapa ta ei roh. Khazohpa ta ngiachhiena eina patosapa zawhzi ta,

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

2 KAWRINI 11:5

Lyuhchâpa laipa nama tahpazy hlâta nawh viapa hawhta a pachâ va na.

2 KAWRINI 12:11

Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.

2 KAWRINI 8:4

Mopathaihpazy deichhy chakaona rai liata a hlao hra awpa ta thata miah amâ haw.

KALATIA 1:16

Zenitaizy hry liata a thâtihpha ei chho thei nawpa ta, Khazohpa ta a Sawchapawpa cha palôhtlâh ngaitapa ta kei liata a vaw paluahsa. Kha nona kha ahy hmah a saohiah veih ei na.

KALATIA 1:18

Kô thôh khai tawhta, Kephâ a hmô awpa ta Zerusale lâ khy na ta, a hnohta noh hrawh hleipangawh châh na ta.

KALATIA 2:1

Kô hrawh hleipalih a khô tawhta, Titu a chhipa ta, Bânabâ chhaota Zerusale lâ khy heih na ta.

KALATIA 2:2

Aluahna kyh vâta a khypa châ na ta, hraoleipa liata a vaw râpasuapa tlyma, a râpasua haipa tlyma ei châ lei nawpa ta, Zenitaizy hry liata thâtihpha tlâh ei awkhei tyhpa cha, nôpaw viapazy hnohta ano eih ta ei chho ei.

KALATIA 6:3

Khâpa hmah châ tlôh leipa ta, chyhsa peimawhpa hawhta â pachâpa cha, anosasyh a dôveipa a châ.

EPHESI 2:20

Krista Zisu cha a ki liata alô peimawh chaipa châ ta, lyuhchâpazy nata hrohsopazy lôbôpa chô liata sapa nama châ.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.

1 TIMAWTHY 3:15

vaw hawh pathlei mawh sah la, Khazohpa chhôhkha liata kheihta y awpa ma a châ tahpa na pahno thei nawpa ta ei vaw ropa a châ. Khazohpa chhôhkha cha Khazohpa hrohpa Awnanopa châ ta, cha cha bie hmeiseihpa tôh nata abôna a châ.

1 ZAWHÂNA 1:3

Nâmo chhao ta miah namâ kao thei hra nawpa ta, eima hmôpa nata eima theipa cha nama hnohta eima phuah. Eimâ kaona cha Paw nata a Sawchapawpa Zisu Krista liata a châ.

BIEPHUAH 3:12

Pahnietuhpa cha ei Khazohpa Achhyna o liata otôh ta tao aw na ta, cha su tawhta pua khao aw vei. Ano liata ei Khazohpa moh nata ei Khazohpa khihpi, Zerusale thiehpa moh roh aw na ta, cha cha ei Khazohpa tawhta a za chôpa moh châ aw ta, vârâh tawhta a za chô awpa moh a châ. Cha cha ei moh thiehpa a châ aw.