KALATIA 2:21 - Mara Bible RV (BSI)

²¹ Khazohpa ngiachhiena cha hraolei pachâsa va na. Ryhpa liata thaichâna a y khiahta cha, Krista cha hraoleipa ta a thipa a châ aw.

KALATIA 2:21 ပူးပေါင်းရင်းမြစ်များ

HLAZY 33:10

Abeipa ta râhzy ryhraona cha hraoleipa ta pachâsa ta, Phopizy achhuahna a parao tyh.

ISAI 49:4

Châhrasala kei ta hetana heta ei chhy: “Hraoleipa ta hriapasapa ta, Khâpa hmah a châ leipa liata ei tha pahryuh na ta, Aruapa liata ei tha ei pahryuh; Chatahrasala ei dona cha Abeipa liata y ta, Ei lymâ chhao ei Khazohpa liata a y.”

ZEREMIAH 8:8

“Kheihta ma, ‘Asopa châ pi ta, Abeipa ryhpa eima hnohta a y,’ Nama tah thei tly? Pachâ teh u, chârohtuhpazy châsôh haih thaipa ta, Ryhpa cha haipa ta a panano ha hih.

MÂKA 7:9

Chatawhcha Zisu ta ama hnohta, “Nama taozietyhpa nama chhy lymâ thei nawpa ta, Khazohpa biepiepazy thy nawpa rypaohna nama pahno kaw!

RAWMA 10:3

Khazohpa siana pahno leipa ta, âmo siana a duakhei a chhuah ei ta, Khazohpa siana liata a ngiarih veih ei.

RAWMA 11:6

Ngiachhiena vâta a châ khiahta cha, hmotaopa vâta châ khao vei. Cha hawhta a châ vei khiahta cha, ngiachhiena cha ngiachhiena châ khao aw vei.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

1 KAWRINI 15:14

Krista kha pathyupa ta a y vei khiahta cha, eima bie chhopa he hraoleipa châ aw ta, namâ ngiapâna chhao hraoleipa a châ aw.

1 KAWRINI 15:17

Krista kha pathyupa a châ vei khiahta cha, namâ ngiapâna cha aruapa châ aw ta, nama moleinazy liata nama y thlâh ha chy tahna a châ.

1 KAWRINI 15:2

Bie ei cha chhopa ei kha, namâ ngiapâ thlâhthlipa châ leipa ta, khâchâ nama patu khiahta cha, cha liana chata pachha haipa ta nama y.

KALATIA 2:16

Chatahrasala ryhpa hmotaopazy vâta chyhsa cha thaichâpa ta y leipa ta, Zisu Krista ngiapâna vâ deita ta thaichâpa ta a y, tahpa eima pahno. Chavâta keimo chhao, ryhpa hmotaopazy vâta châ leipa ta, Krista Zisu ngiapâna vâta thaichâpa ta eima y thei nawpa ta, Krista cha eimâ ngiapâ. Ryhpa hmotaopazy vâta ahy hmah thaichâpa ta y thei veih ei.

KALATIA 2:18

Ei phie hapa a sa pathituhpa ei châ khiahta cha, paraotuhpa ei châpa keimasasyh ta a palâsapa ei châ.

KALATIA 3:21

Cha khiahta la, ryhpa ta Khazohpa bietaizy a chakhia ma? Chakhia bao va! Hrona a pie theipa ryhpa piepa a châ khiahta cha, siana chhao cha ryhpa vâta a y thei aw.

HEBRAI 7:11

Livai pathlazy theihthaina raihria ry liata chyhsazy ta ryhpa dao ei ta, cha Livai pathlazy theihthaipa châna tawhta pakina hmô theipa a châ khiahta cha, Melkizade theihthaipa châna lâpi a chhihpa ta theihthaipa hropa a vaw y awpa cha khazia â ngiah khao aw? Arawna theihthaipa châna lâpi a chhihpa ta rao awpa châ vei ma?