KALATIA 2:19 - Mara Bible RV (BSI)

¹⁹ Khazohpa lâta ei hroh thei nawpa ta, kei la ryhpa vâta ryhpa liata ei thi haw.

KALATIA 2:19 ပူးပေါင်းရင်းမြစ်များ

RAWMA 4:15

Ryhpa ta pathiiana tlôkhei tyh ta, ryhpa y leina liata paraona y vei.

RAWMA 5:20

Moleina pôh nawpa ta ryhpa vaw y ta, châhrasala moleina a pôhna lia maihta ngiachhiena a pôh via rili.

RAWMA 6:11

Cha hawhna chata nâmo chhao, moleina lâ kyh liata a thi hapa ta a rao u la, Khazohpa lâ kyh liata deikua cha, Krista Zisu liata a hrohpa ta a rao teh u.

RAWMA 6:14

Ryhpa ry liata y khao leipa ei chi ta, ngiachhiena ry liata nama y hapa vâta, moleina ta nama chô liata biehnei khao aw vei.

RAWMA 6:2

Châ bao va! Keimo moleina a thisai hapazy pi ta cha, kheihta ma moleina liata eima y thei khao aw?

RAWMA 7:14

Ryhpa cha thlahpa hmo a châ tahpa eima pahno. Kei deikua cha sapa chyhsa, moleina sei ta zua hapa ei châ.

RAWMA 7:4

Cha hawhna chata, unawh saih u, nâmo chhao, ryhpa cha Krista pôhpa liata nama thisai haw. Chatanachata mohropa, athihpa hry tawhta pathyupa Krista eih châ ha ei chi ta, Khazohpa châta thei pha eima pathei thei aw.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

1 KAWRINI 9:20

Zuzy pahnie thei nawpa ta, Zuzy hnohta Zu hawhta ei y tyh. Kei cha ryhpa ry liata y vei hraw sah la, ryhpa ry liata a ypazy ei pahnie thei nawpa ta, ryhpa ry liata a ypazy hnohta ryhpa ry liata ta ei y tyh.

2 KAWRINI 5:15

Chyhsa zydua châta a thipa vâta, ahrohpazy cha âmo châta hroh khao leipa ta, âmo châta thi ta a thyu heihpa châta ama hroh awpa a châ.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

KALATIA 3:10

Ryhpa hmotaopazy liata a pahniehpa zydua cha, chhiesana ry liata ama y, “Ryhpa châbu liata bie ropa zydua a tao leipa nata a zyh leipa maih cha chhiesapa ta y mawh sy,” tahpa ropa châ tlôh ta.

KALATIA 3:24

Chatanachata ngiapâna vâta thai eima châ thei nawpa ta, ryhpa cha Krista lâta miah chhithatuhpa a châ.

KALATIA 6:14

Kei deikua la, eima Beipa Zisu Krista kraws dei leipa ta cha, a palaikhei awpa hropa hnei va na. Cha kraws liata khizaw he kei châta khaipâpa ta y ta, kei chhao khizaw châta khaipâpa ta ei y.

KAOLAOSÂ 2:20

Khizaw hroziezy cha Krista liata nama thisai ha khiahta cha, khazia khizaw hrozie ta a hroh chypa hawhta, ryhpazy liata namâ ngiarih thlâh ha chy?

KAOLAOSÂ 3:3

Thi ha ei chi ta, nama hrona cha Khazohpa liata Krista hnohta nyupa ta a y haw.

1 THYSALAWNIKA 5:10

Eimâ hrapa chhao ta, eimâ môpa chhao ta, a hnohta eima hro thei nawpa ta, Krista cha keimo châta a thipa a châ.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 4:6

Cha vâna chata athihpa hnoh chhao ta thâtihpha chhopa a châ. Sapa ta a ypa chyhsazy hawhta pachiapa ama châpa chhao ta, Khazohpa hawhta thlahpa ta ama hroh ha aw.