KALATIA 2:15 - Mara Bible RV (BSI)

¹⁵ Keimo cha Zu chyhsa ta a pihpa châ pi ta, Zenitai moleipazy châ ma pi.

KALATIA 2:15 ပူးပေါင်းရင်းမြစ်များ

MATHAI 9:11

Phârisaihzy ta cha cha ama hmô nahta, a pachupazy hnohta, “Khazia nama pachutuhpa heta chhiekheituhpazy nata moleipazy pati a dôh lâh thlâh ha ei?” tah ei ta.

LUKA 24:7

Chyhsa Sawchapawpa cha moleipazy ku ta patusapa châ aw ta, khaipâ aw ei ta, a noh thôhna noh ta a thyu heih aw, a tahpa kha a thei teh u,” tah ei ta.

HMOTAOPAZY 22:21

Châhrasala Abeipa ta, ‘Sie mah y, lâhlapi ta Zenitaizy lâta ei cha tuah aw,’ na tah ta,” tah ta.

RAWMA 3:9

Cha khiahta la, keimo Zuzy pi he Krikâh mo hlâta eima pha via hlei ma? Châ bao va! Zuzy chhao, Krikâh mo chhao, moleina sei liata a ypa eima châ khaizie eima rei hapa kha.

RAWMA 4:16

Chavâta bietai cha ngiachhiena liata a pahnieh ta, a pathla zydua châta pa-ipa a châ thei nawpa ta, ngiapâna ta a vaw tlôpa a châ. Ryhpa a hneipazy dei châ leipa ta, Abarahâ ngiapâna a hlykheituhpazy chhao ta ama hmô hra aw. Ano cha eima zydua paw a châ.

KALATIA 2:17

Châhrasala Krista liata thaichâpa ta y awpa eima chhuah nota, keimo chhao cha moleipazy vaw châ ha sih la, Krista cha moleina chakaotuhpa a châ tahna a châ aw ma? Châ bao va.

EPHESI 2:3

Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

PHILIPI 3:4

Ei khoh khiah la, kei chhao sapa liata ngâna a pahnieh theipa ei châ. Chyhsa ta sapa liata ngâna pahnieh thei nawpa chhâpa a hneipa hawhta â pachâ khiahta cha, kei he ei hnei pachai.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

1 SAMUELA 15:18

Abeipa ta raihria awpa ta cha tuah ta, ‘Sie la moleipa sahlao Amale mo cha tlokhuh kei pahleipadia khai la, ama leidia khai hlâlei nâ dyuh aw ei,’ cha tah ta.