KALATIA 2:11 - Mara Bible RV (BSI)

¹¹ Kephâ cha Antiôkâ khih lâ â vy nota, â doleipa ta a ypa vâta hmiadaisâ tlai ta ei chakhia.

KALATIA 2:11 ပူးပေါင်းရင်းမြစ်များ

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZAWNA 1:3

Châhrasala Zawna cha Tâsi lâ tlao a râ awpa ta Abeipa hmiakô tawhta thyu ta. Zôpâ khih lâ zu ta, Tâsi lâ a sie awpa balyh hmô ta. Sie mâ pie ta, Abeipa hmiakô tawhta a râ syulyu ha awpa ta, Tâsi lâ a sie awpazy chhaota balyh chhôh lâ cha a ngia ta.

ZAWNA 4:9

Khazohpa ta Zawna hnohta, “Titheih zôh kyh ta na hiehâhna he â do ma?” tah ta. Zawna ta, “Ei hiehâhna he â do na, thi theina taihta na ei hie a hâh,” tah ta.

MALUHREINA 20:12

Châhrasala Abeipa ta Mawsi nata Arawna hnohta, “Na ngâ leipa ei chi ta, ei pathaihna hawhta Izarei sawzy mohmô liata eina palyupalih leipa vâ ei chi ta, he zawpizy he âmo ei piepa râh tlôkhei aw veih ei chi,” tah ta.

MATHAI 16:23

Zisu cha Pity lâ a heih ta, a hnohta, “Sâtâ, ei hnôh lâ y teh! Ei châta ahluana na châ he. Khazohpa hmozy pachâ leipa chi ta, chyhsapa hmozy tlao na pachâ via he,” tah ta.

ZAWHÂNA 1:42

Adaru ta Saimaw cha Zisu lâ a chhi ta, Zisu ta ano cha vaw moh ta, “Zawhâna sawchapawpa Saimaw na châ, Kephâ ama cha tah ha bâ aw,” tah ta. Kephâ cha Pity tahna a châ.

HMOTAOPAZY 11:19

Stiphana kyh vâta taolana amâ tyh nota a paipatlapazy kha Phônisia râh lâ zy, Kuparâ liahpahlô lâ zy, Antiôkâ khih lâ zy taihta sie ei ta, Zuzy hnoh dei leipa ta cha, ahy hnohta hmah bie chho leipa ei ta.

HMOTAOPAZY 11:20

Ama hry liata thokha cha Kuparâ liahpahlô nata Kurini chyhsazy châ ei ta, cha chyhsazy chata Antiôkâ khih ama tlô nahta, Krikâh mo hnohta chhao bie reih ei ta, Abeipa Zisu thâtih chho ei ta.

HMOTAOPAZY 11:22

Ama thâtih cha Zerusale liata Awnanopa nakhaoh liata a ngia ta, Bânabâ cha Antiôkâ lâ tuah ei ta.

HMOTAOPAZY 11:27

Cha nohzy liata, hrohsopa thokha Zerusale tawhta Antiôkâ lâ zu ei ta.

HMOTAOPAZY 15:1

Chyhsa thokha Zudia râh tawhta a zu ei ta, “Mawsi ryhpa hawhta chopaw namâ tai leipa khiahta la, pachhapa châ thei aw veih ei chi,” tahpa ta unawhzy pachu ei ta.

HMOTAOPAZY 15:5

Châhrasala Phârisaihzy py liata a ypa ngiapâtuhpa thokha ta a duah ei ta, “Zenitaizy cha ama chopaw tai thlyu awpa châ ta, Mawsi ryhpa zyh awpa ta biepie awpa a châ,” tah ei ta.

2 KAWRINI 11:5

Lyuhchâpa laipa nama tahpazy hlâta nawh viapa hawhta a pachâ va na.

2 KAWRINI 12:11

Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.

KALATIA 1:18

Kô thôh khai tawhta, Kephâ a hmô awpa ta Zerusale lâ khy na ta, a hnohta noh hrawh hleipangawh châh na ta.

KALATIA 2:14

Châhrasala ama hro cha thâtihpha biehmeiseihpa nata â hmie leipa ei hmô nahta, ama zydua hmiakô liata Kephâ hnohta, “Nâ, Zu chyhsa ta, Zuzy hrozie hawhta hro leipa ta, Zenitai hrozie hawhta na hro thlâh ha khiahta cha, kheihtazieta Zenitaizy cha Zuzy hawhta paysa raruah nâ chhuah?” tahpa ta ei chho.

KALATIA 2:5

Châhrasala thâtihpha biehmeiseihpa cha nama hnohta a y thlâh thei nawpa ta, buakha chhao âmo cha a ngiarih ma pi.

KALATIA 2:7

Âlielâta tlao a châ. Chopawtaipazy hnohta thâtihpha chhona rai Pity hnohta pavaosapa a châpa hawhta, chopawtaileipazy hnohta thâtihpha chhona rai ei hnohta pavaosapa a châzie lyuhchâpazy ta ama pahno.

KALATIA 2:9

Ei hnohta piepa ngiachhiena cha, Awnanopa tôhtlâh ta pachâpa Zâmie nata Kephâ nata Zawhâna zy ta ama pahno nahta, âmo cha chopawtaipazy lâ sie aw ei ta, Bânabâ nata kei cha Zenitaizy lâ sie awpa ta akaona ku chachâh lâ miah ama hlâ.

1 TIMAWTHY 5:20

Moleina taotuhpazy cha, zawpi hmiakô liata chhorei la, chatanachata mohropazy chhao ta ama chi aw.

ZÂMIE 3:2

Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.