KALATIA 1:6 - Mara Bible RV (BSI)

⁶ Krista ngiachhiena zawhzi ta nâmo châ awtuhpa siesaipa ta, thâtihpha hropa lâta thlai nama tlei thlâhpa he, noâh ei tah ngaita!

KALATIA 1:6 ပူးပေါင်းရင်းမြစ်များ

HLAZY 106:13

Châhrasala a hmotaopazy cha thlai my ei ta, A ryhraona hâ khao veih ei.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

MÂKA 6:6

Ama zo leina kyh liata noâh a tah ngaita. Chatawhcha khihzy chahryhpa ta, pachu lymâ ta.

ZAWHÂNA 9:30

Cha chyhsa chata a chhy ta, “Cha tlai cha noâh â chhihna cha a châ! Khataih tawhta a vypa ma a châ pahno leipa ei chi ta, ei mo a pavâsa tlôhpa hih.

HMOTAOPAZY 15:11

Keimo chhao, âmo chhao, Abeipa Zisu ngiachhiena vâta pachhapa ta eima y aw tahpa a ngiapâpa eima châ khai,” tah ta.

RAWMA 10:3

Khazohpa siana pahno leipa ta, âmo siana a duakhei a chhuah ei ta, Khazohpa siana liata a ngiarih veih ei.

RAWMA 5:2

Ano vâ lilaw ta tahmâ ta eimâ duana ngiachhiena liana heta ngiapâna ta a ngia ha pi ta, Khazohpa rônahna hnabeiseihpa ta a lypa ta eima y.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

RAWMA 8:30

A rao chhieliepazy cha aw ta, a awpazy thai pachâsa ta, thai a pachâsapazy cha a palyupalih ei.

1 KAWRINI 4:15

Krista liata chhituhpa thy kha hnei hra u la, Paw deikua a hluhpi hnei veih ei chi. Kei he thâtihpha vâta Krista Zisu liata nama paw ei châ.

2 KAWRINI 11:4

Ahy tlyma a vy sala, keimo eima cha chhopa Zisu a châ leipa, Zisu hropa kyh vaw reih sala tlyma; Thlahpa nama topa a châ leipa, thlahpa hropa kyh vaw reih sala tlyma; thâtihpha nama daopa a châ leipa, thâtihpha hropa kyh vaw reih sala tlyma, namâ pyh thlâh ha khiahta cha, a naopa ta dôvei theipa nama châ tahna a châ.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

KALATIA 1:11

Unawh saih u, thâtihpha ei chhopa kha, chyhsapa thâtihpha châ vei tahpa nama pahno awpa ei khoh.

KALATIA 1:15

Châhrasala Khazohpa ta ei nô chhi liata ei y no tawhta na vaw panano ha ta, a ngiachhiena vâta eina aw haw.

KALATIA 1:7

Thâtihpha hropa y vei. Krista thâtihpha panano ta, cha patypamâ a chhuahpazy ama châ.

KALATIA 2:14

Châhrasala ama hro cha thâtihpha biehmeiseihpa nata â hmie leipa ei hmô nahta, ama zydua hmiakô liata Kephâ hnohta, “Nâ, Zu chyhsa ta, Zuzy hrozie hawhta hro leipa ta, Zenitai hrozie hawhta na hro thlâh ha khiahta cha, kheihtazieta Zenitaizy cha Zuzy hawhta paysa raruah nâ chhuah?” tahpa ta ei chho.

KALATIA 2:2

Aluahna kyh vâta a khypa châ na ta, hraoleipa liata a vaw râpasuapa tlyma, a râpasua haipa tlyma ei châ lei nawpa ta, Zenitaizy hry liata thâtihpha tlâh ei awkhei tyhpa cha, nôpaw viapazy hnohta ano eih ta ei chho ei.

KALATIA 2:5

Châhrasala thâtihpha biehmeiseihpa cha nama hnohta a y thlâh thei nawpa ta, buakha chhao âmo cha a ngiarih ma pi.

KALATIA 2:7

Âlielâta tlao a châ. Chopawtaipazy hnohta thâtihpha chhona rai Pity hnohta pavaosapa a châpa hawhta, chopawtaileipazy hnohta thâtihpha chhona rai ei hnohta pavaosapa a châzie lyuhchâpazy ta ama pahno.

KALATIA 5:14

“Nâma kyh nâ pachâpa hawhta, na vaih kyh na pachâ awpa a châ,” tahpa bie miakha liana heta ryhpa zydua â ki.

KALATIA 5:4

Nâmo, ryhpa ta thaichâ a chhuahpazy saih u, Krista nata a chhaih ha ei chi ta, ngiachhiena nama paosai haw.

2 THYSALAWNIKA 2:14

Eima Beipa Zisu Krista rônahna nama to thei nawpa ta, Khazohpa ta eima thâtihpha hmâpa ta a cha aw ei.

1 TIMAWTHY 1:14

Chatanachata eima Beipa ngiachhiena cha Krista Zisu liata a ypa ngiapâna nata kyhpachâna chhaota ei chô liata lei thlupa ta a y.

1 TIMAWTHY 1:3

Mâsidônia râh lâ ei sie nota, nâ cha Ephesi khih liata châh ta, chyhsa thokhazy hnohta biezyhpa nanopa pachu lei awpa ta biepie awpa ta châ haw na ta.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

1 PITY 1:15

Châ awtuhpa ei a pathaihpa hawhta, nâmo chhao nama yzie zydua liata pathaihpa ta y teh u.

2 PITY 1:3

Ano eima pahnona zawhzi ta, ano rônahna nata phana vâta miah awtuhpa Khazohpa hmotaotheina chata hrona nata Khazohpa pachâna hmo zydua miah a patosa.

BIEPHUAH 22:21

Abeipa Zisu ngiachhiena cha mopathaihpa zydua hnohta y mawh sy. Amen.