KALATIA 1:14 - Mara Bible RV (BSI)

¹⁴ Zuzy zyhna kyh liata, ei chiheihzy hry liata ei richâhkha hluhpizy hlâta hmasie viapa châ na ta, nâ pathlatuhpazy taozietyhpa châta phahnai a ngiah ngaitapa ei châ.

KALATIA 1:14 ပူးပေါင်းရင်းမြစ်များ

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

ISAI 57:12

Na siana kyh phuahpa ta, Na hmotaopazy reih hraw sah la, Na châta phahnai hlei aw vei.

ZEREMIAH 15:2

‘Khataih lâ eima sie aw?’ ama cha tah khiahta cha, ama hnohta, ‘Abeipa ta hetana heta a tah: “‘Potlana châta raopazy cha, Potlana lâ sie ei sala; Zaozi châta raopazy cha, Zaozi lâ sie mawh ei sy. Chakâhna châta raopazy cha, Chakâhna lâ sie ei sala; Seichâna châta raopazy cha, Seichâna lâ sie mawh ei sy,’ Na tah aw ei.

ZEREMIAH 9:14

chhorupa ta âmo palôh khopa tao ei ta, ama pathlatuhpazy ta ama pachupa hawhta, Bâlâ khazohzy ama pazipa vâta a châ.

THEIHTHAINA 13:16

Sapa a paliepa cha vaw pha ha sala, a vaw râh heih khiahta cha, theihthaipa lâ a pangai heih awpa a châ.

MATHAI 15:6

a tahpa maih cha, hmopiepa ta a paw tlyma, a nô tlyma, a palyupalih awpa byuh khao vei,’ nama tah tyh. Nama taozietyhpa a tlychakapa ta, Khazohpa bie cha hraoleipa ta nama tao haw.

HMOTAOPAZY 21:20

Cha bie cha unawhzy ta ama thei nahta, Khazohpa palyupalih ei ta. Pawla hnohta, “Unawh, Zuzy hry liata ngiapâtuhpa ama hluhzie na hmô. Ama zydua ta ryhpa châta phahnai a ngiah ngaitapazy ama châ.

HMOTAOPAZY 22:3

“Kei he Zu chyhsa châ na ta, Silisia râh Tarsâ khih liata a pihpa ei châ. Châhrasala Kâmalia phei thaby lia a chu na ta, he khihpi liata a laiseihpa ei châ. Miah pathlatuhpazy ryhpa â i ngaitapa ta pachupa châ na ta, tanoh nâmo zydua hawhna heta Khazohpa châta phahnai a ngiah ngaitapa ei châ tyh.

HMOTAOPAZY 26:5

Ama rei khoh khiahta cha, eima zyhna liata a i chaipa Phârisaih py ei châpa chhao, hlâno tawhta ama pahno.

HMOTAOPAZY 26:9

“Kei chhao he Nâzari Zisu moh chakhiapa ta hmo hluhpi tao awpa pha a tahpa ei vaw châ hra.

KAOLAOSÂ 2:8

Ahy hmahta Krista bie hawhta châ leipa ta, chyhsapa taozietyhpa nata khizaw siezie hawhta ama châ chhi lei nawpa nata, ama thaisona nata dôveina ruapa hmâpa ta ama cha parao lei nawpa ta, a hrohrua teh u.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,