ISAI 9:9 - Mara Bible RV (BSI)

⁹ Epharai nata Samâri liata a pahrâpazy ta pahno aw ei ta, Phopi zydua ta ama pahno aw. A palaipa nata a khotlâhpa ta bie reih ei ta,

ISAI 9:9 ပူးပေါင်းရင်းမြစ်များ

1 ABEIZY 22:25

Mikai ta, “Pachâ teh, chhôhpadâhpa chhôh chaipa liata a nyu awpa ta nâ ngia noh ta na pahno aw,” tah ta.

BIESOZY 16:18

Apalaina cha raona hmia lâta sie ta, Akhotlâhna palôh chhao paona hmia lâta a sie.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 28:1

Epharai sahma paripazy apalaina lakho cha, A hu a po na! Ama rônahna nata angiana cha, Pawpi a lo haipa hawhta châ ta; Kresawhti iah zaipa, Saikao lei phapa luh liata lakho hawhta a châ.

ISAI 28:3

Epharai sahma paripazy apalaina lakho cha, Phei ry liata tlypâpa châ aw ta;

ISAI 46:12

“Nâmo, palôh kuhchhapazy saih u, Na nathlie u la; Nâmo, pahniena tawhta a hla kawpazy saih u, Na nathlie teh u:

ISAI 48:4

Chhorupa châ ei chi ta, Nama rao cha thua thari châ ta, Nama khizy cha dawh a châpa ei pahnopa vâta,

ISAI 7:2

Aramia ta Epharai nata azaona a taopa kyh Dâvi pathlazy ama chho nahta, Ahâza nata a chyhsazy palôh cha lyurâhpa thokôzy thlih ta a chalyupa hawhta a chalyu ta.

ISAI 9:8

Abeipa ta Zakaw pachiana bie paphao ha ta, Cha cha Izarei chô liata a tla aw.

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

EZEKIA 30:19

Cha hawhna chata Izi cha pachia aw na ta, Kei he Abeipa ei châ tahpa ama pahno aw.’”

EZEKIA 33:33

Cha hmo cha vaw tlô tlai aw ta, a vaw tlô tita, ama hry liata hrohsopa a y tahpa ama pahno aw.”

EZEKIA 7:27

Abei cha mâchhie sa aw ta, abei sawchapawpa chhao hnabeidyna chysia ta a tobi aw ta, râh zawpi kuzy â chalyu aw. Âmo hrozie hawhta ama chô liata patlôsa aw na ta, chyhsa ama pachiazie hawhta âmo chhao ei pachia aw ei. Chatanachata Abeipa ei châ tahpa ama pahno aw.”

EZEKIA 7:9

Ei mo ta cha pahlôh leipa aw ta, cha ngiachhie aw va na. Na hroziezy vâta nata râh chhôh liata hmo pasichhihpa na taopazy vâta, viari ei cha thô aw. Chatanachata kei cha a hrie theipa Abeipa ei châ tahpa nama pahno aw.

HÔSIA 8:14

Izarei cha ano a taotuhpa my ta, Abei ozy tlao a sa; Zudâh ta thokhy ta dôhpa khihpizy A padua via lymâ. Châhrasala a khihpizy chô liata mei tuah aw na ta, Ama thokhyzy a kâ khai aw.

MALAKHAI 1:4

Edômâ ta, “Parao khaipa châ pi ta, châhrasala araopazy cha eima padua pathi heih aw,” tah hrasa la, Pheisaihzy Abeipa ta hetana heta a tah: “Ama padua ngyu ma, châhrasala phie aw na ta, ‘râh moleipa,’ nata ‘Abeipa hiehâhna chhâzaw ta a topa phopi,’ tahpa ta awpa ama châ aw.”

MALAKHAI 3:13

“Eina chakhiana ei chi biezy a pasa ngaita,” Abeipa ta a tah. “Châhrasala nâmo ta, ‘Kheihta ma nâma chakhiana biezy cha eima reih?’ nama tah.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”