ISAI 9:7 - Mara Bible RV (BSI)

⁷ Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ISAI 9:7 ပူးပေါင်းရင်းမြစ်များ

2 SAMUELA 7:16

Na pathlazy nata nâ beinarâh cha ei hmiakô liata chhâzaw ta a duah aw ei ta, na beidyuchhai chhao chhâzaw ta â duah aw,’ tahpa ta kei chho teh,” tah ta.

2 ABEIZY 19:31

Laibâhpazy cha Zerusale tawhta pua aw ei ta, ahrohpazy Zaio Tlâh tawhta ama pua aw. Abeipa phahnaingiahna ta chazy cha a tao aw.

HLAZY 2:8

Na hiah la, phopizy he na ryuto châta cha pie aw na ta, Khizaw kaokih zydua na ryuto ta ei cha pie aw.

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

ISAI 16:5

Dâvi poh o liata kyhpachâna ta beidyuchhai paduapa châ aw ta, Cha liata ryureituhpa a tyuhpa cha, Adona ta ryu a reihpa châ aw ta, A chatliepa ta siana hmo a taopa a châ aw.”

ISAI 2:4

Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 37:32

Laibâhpazy cha Zerusale tawhta pua aw ei ta, ahrohpazy Zaio Tlâh tawhta ama pua aw. Abeipa phahnaingiahna ta chazy cha a tao aw.

ISAI 40:10

Moh teh u, Abeipa Zehôvâh cha, Hmotaotheina chhaota a vy ta, A bâh thatlôna hmâpa ta ryu a reih aw. Moh teh u, a lymâ a hnohta y ta, A viarithôna chhao a hmiakô liata a y.

ISAI 42:13

Abeipa cha pasaipha hawhta pua aw ta, Pheisaih hawhta a phahnai ngiahna a pathyu aw. Paro ngaitapa ta awhpa ta a pahôpahâh aw ta, A khakhaipazy chô liata a thatlôna a palâsa aw.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

DÂNIAH 2:35

Thua zy, beihlei zy, dawh zy, tâkâ zy, ngôh zy cha a tlawh ta zao khai ha ei ta, nopi noh sawhri sâh sihpa hawhta vaw châ ei ta, thlih ta âmo cha phaoh ta, ama hniehnôh chhao hmô awpa y khao vei. Cha nona chata nothlahpa a vituhpa alô cha tlâh lai ngaitapa lâta a vaw lie ta, alei chô zydua a bie haw.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

DÂNIAH 7:27

Chatawhcha khinarâh nata ryureina cha, Chônôchaipa phopi mopathaihpazy hnohta piepa châ aw ta; Avâ ry zydua liata khinarâhzy rônahna chhao, Ama hnohta piepa a châ aw. A khinarâh cha tlyzaw khinarâh a châ aw; Ryureituhpa zydua ta ano cha chakao aw ei ta, A rei amâ ngiah aw.’”

HÂKAI 2:9

‘Tahmâ ta o rônahna he a hmiatuapa o rônahna hlâ khata a rônah via syulyu aw,’ Pheisaihzy Abeipa ta a tah. ‘He su liata thlalôhna ei paysa aw,’ Pheisaihzy Abeipa ta a tah,” tah ta.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

ZAWHÂNA 12:34

Zawpizy ta a chhy ei ta, “Mesia cha chhâzaw ta a y aw tahpa ryhpa châbu liata eima pahno. Kheihtazieta Chyhsa Sawchapawpa chaluahpa ta a y aw a tahpa ma na châ? Chyhsa Sawchapawpa cha ahy maw?” tah ei ta.

HEBRAI 1:8

Sawchapawpa kyh liata deikua cha, hetana heta a tah: “Hy Khazohpa, na beidyuchhai cha, Chhâzaw nata tlyzaw ta y ta, Siana chôchahrei cha, Na khinarâh chôchahrei a châ.

HEBRAI 7:24

Zisu deikua cha, chhâzaw ta a hrohpa a châpa vâta, a thla beih leipa, chhâzaw theihthaipa a châ.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.