ISAI 9:3 - Mara Bible RV (BSI)

³ Cha phopi cha palaiseihsapa ta, Amâ lyna papôh chi ta; Sâh hria nota a lypa hawhta, Na hmiakô liata a ly ei ta; Hraona sôh amâ rai nota amâ lypa hawhta, Na hmiakô liata amâ ly.

ISAI 9:3 ပူးပေါင်းရင်းမြစ်များ

NEHEMIAH 9:23

Ama pathlazy cha avâ awhsi zie ta papôh chi ta, a ngia ta hnei awpa ta ama pathlatuhpazy hnohta na chhopa râh lâ nâ chhi ei.

ZAWBÂ 12:23

Phopizy parônahsa ta, A parao heih tyh ei; Phopizy palai ta, A papai hei hra ei.

HLAZY 107:38

Abeipa byhnâ vâta thata pôh ei ta, Ama sahrohzy a chokua awpa pasaih vei.

HLAZY 119:162

Hraona sôh hluhpi a hmôpa hawhta, Na bie liata ei ly ngaita.

HLAZY 4:7

Âmo alyna hlâta alyna hluh via ei palôh liata soh chi ta, Sâh nata kresawhti hluhpi ama hnei nota amâ lypa hlâta Ei ly via syulyu.

ISAI 10:26

Ôrebâ lôpanô liata Midia a thie no hawhna khata, Pheisaihzy Abeipa ta Asuria cha chheina savo ri ta a chhei aw. Izi râh liata a chaluahpa hawhna khata, tilaipi chô liata a chôchahrei a chaluah aw.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 14:5

Abeipa ta moleipazy sômasi cha thlie ta, Ryureituhpazy ryureina chôchahrei a thlie haw.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 26:15

Nâ ta he phopi he papôhsa chi ta, Hy Abeipa, he phopi he na papôhsa haw; A râh râhrizy pakawh chi ta, Chavâta palyupalihpa ta na y.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 35:2

Râhchawhpa ta a paw pakai aw ta, Thaphapa nata hla sapa ta â ly aw. Lebanaw rônahna a hnohta piepa châ aw ta, Kâmel nata Saraw angiana chhao, A hnohta piepa a châ aw. Abeipa rônahna hmô aw ei ta, Eima Khazohpa angiana ama hmô aw.

ISAI 54:1

“Hy chanô chohpa, Nâ, saw a sa beih leipa y, Hla sa la; Nâ, nawh a zeih beih lei nô y, Hla sapa ta awh teh! Vahpa chhaopa chanô sawzy hlâta, Chanô kypa sawzy ama hluh via bâ aw,” Abeipa ta a tah.

ISAI 55:12

“Thaphapa ta pua aw ei chi ta, Thlalôhpa ta a chhipa nama châ aw; Tlâhpizy nata tlâhthlôhzy ta Nama hmiakô liata hla sa aw ei ta; Lyurâh thokô zydua ta Ama ku ama chabaih aw.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 61:7

Nama nozana vyuhpa ta, Tovyuh a lie no ta to aw ei chi ta; Nohzaona vyuhpa ta, Ama tovyuh liata amâ ly aw. Chavâta ama râh liata tovyuh a lie no ta hnei aw ei ta, Chhâzaw lyna ama hnei aw.

ISAI 65:14

Nâ chakaotuhpazy cha palôh tlâhna hla sa aw ei ta, Nâmo deikua cha palôh pasapa ta cha aw ei chi ta, Thlahpa rietheipa ta namâ hrô aw.

ISAI 65:18

Châhrasala hmo ei taopazy liana heta Thaphapa nata alypa ta khâ y teh u. Moh teh u, Zerusale cha alyna châta tao na ta, A khihsawzy chhao thaphana châta ei tao.

ISAI 66:10

“Nâmo, Zerusale kyh a pachâtuhpa zydua saih u, Zerusale cha thaphakhei u la, a lykhei teh u; Nâmo, Zerusale châta mâchhie a satuhpa zydua saih u, Zerusale â lyna liata a lykhei hra teh u.

ZEREMIAH 31:7

Abeipa ta hetana heta a tah: “Zakaw châta thaphapa ta hla sa u la, Phopi rônah chaipa châta thata awh teh u; Tlâh awhpa ta reithai u la, ‘Hy Abeipa na phopi he pachha la, Izarei laibâhpa he pachha mah y,’ tah teh u.

HÔSIA 4:7

Ama pôh via nahta, Ei chô liata tlao molei via ei ta, Ama rônahna cha nozana ta ei tao aw.

THEIHTHAINA 26:13

Kei he Abeipa nama Khazohpa, Izi mo sei nama châ khao lei awpa ta, Izi râh tawhta nâmo châ chhi papuatuhpa ei châ. Nama raopakyzy thlie pachhô na ta, â patlâpa ta ei cha pasiesa ei.

ZEKARIA 10:8

“Ei chatlai hapa vâ ei ta, Pahipa ta awpakhy aw ei na ta, Ama pôh tyhpa hawhna khata ama pôh heih aw.

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

ZEKARIA 8:23

Pheisaihzy Abeipa ta hetana heta a tah: Cha nohzy liata, râh to nata reih to tawhta chyhsa pahrawhzy ta Zu chyhsa pakha cha a poh pai patupa ta, ‘Khazohpa nama hnohta a y tahpa thei ha pi ta, chavâta nama hnohta bâh sie hra ei suh u,’ ama tah aw.”

LUKA 11:22

Châhrasala ano hlâta thatlô viapa ta a vaw dyuh ta, a pahnie tita cha, â ngâchhâpa chaihraizy cha chhu ta, a sôh la ta, a rai tyh.

HMOTAOPAZY 8:8

Chatanachata cha khihpi liata alyna thata tlô ta.

PHILIPI 4:4

Abeipa liata khâ a ly teh u; ei tah heih aw, a ly teh u.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

RYUREITUHPAZY 5:3

“Hy nâmo, abeizy, Nathlie u la; Hy nâmo, ryureihtuhpazy, Nama nah pachôh teh u; Abeipa lâ hla sa aw na ta, Abeipa Izarei Khazohpa lâ reithaina ei hlâ aw.

RYUREITUHPAZY 7:22

Kidia pheisaihzy ta chiahmie 300 ama tô nahta, Abeipa ta Midia pheisaih zydua cha âmo nata âmo pathyuhnaosa ta, zaozi ta a chhawh chaimâh ei ta. Zererâ lâchhâh ta a ypa Besitâ taihta a râpaipa ta, Tâbâ kiapâh ta a ypa Abemehôlâ râhri taihta a râpai ei ta.

RYUREITUHPAZY 8:12

Zebâ nata Zalmunâ cha a râ ei ta. Kidia ta âmo cha a chadai ta, Midia bei pano Zebâ nata Zalmunâ cha patu ta. Kidia ta Midia pheisaih zydua cha thata chalyusa ta.

1 SAMUELA 30:16

Izi chyhsa chata Dâvi cha Amale mo yna lâ a chhi ta. Moh teh u, Amale mo cha su to liata a vaw hiezâh hôlô ei ta. Philistia râh nata Zudâh râh tawhta hraona hluhpi ama lapa vâta niedopa nata lâsopa ta y ei ta.