ISAI 9:17 - Mara Bible RV (BSI)

¹⁷ Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:17 ပူးပေါင်းရင်းမြစ်များ

ZAWBÂ 15:34

Khazohpa a pachâ leipa hlaozy cha choh ei ta, Panaopapana poh ozy cha mei ta a kâ tyh.

HLAZY 109:12

A chô liata phana a palâsa awpa y khao leipa ei sala, A saw hârapazy a ngiachhie awpa y khah ei sy!

HLAZY 147:10

 lyna cha arâ thatlôna vâta châ leipa ta, A palôh tlâhna chhao pheisaihzy phei vâta châ vei.

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 13:18

Ama libawzy ta satliazy hriechheih aw ta, Chhi thei chô liata zawngiahna hnei leipa aw ei ta, Ama mo ta hawtizy ngiachhie hra aw vei.

ISAI 14:20

Na râh parao chi ta, Na phopi na thiepa vâ ei ta, Ama hry liata pabupa châ aw va chi. ‘Moleipazy chipathla cha, A moh reipa châ beih khao khah sy!

ISAI 24:5

Alei chô liata a pahrâpazy ta ryhpazy parao ei ta, Bieraopazy pananopa ta, Tlyzaw biehrai ama phiepa vâta, Alei cha âmo ry liata papuapaleipa ta a y.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 3:8

Ama bie nata ama hmotaopazy ta Abeipa chakhia ta, A rônahna hmia chhao thlah ama sa leipa vâta, Zerusale cha a chapia ta, Zudâh a pao haw.

ISAI 31:2

Châhrasala Khazohpa cha asopa châ ta, Chhiena patlôsa ta, A biezy a pathleih leipa a châ. Moleina hmo a taotuhpazy cha, Ama pathlazy taihta thyuhnao aw ta; Hmoparaotuhpazy a baotuhpazy chhao, A thyuhnao aw ei.

ISAI 31:3

Izi mo cha Khazohpa châ veih ei, Chyhsapa dei ama châ; Ama arâzy chhao thlahpa châ veih ei, Sapa dei ama châ. Abeipa ta a ku a pazawh tita la, Baotuhpa a chapia aw ta, A baopa chhao pao aw ta, Ama zydua ta hmaohkha ta ama leidia aw.

ISAI 33:11

Saviah saw phaoh ei chi ta, Sawphao saw nama sa; Nama hu cha nâmo châ kâ awpa mei a châ.

ISAI 33:12

Chinaih lô raopa hawhta, Phopizy cha mei ta raopa châ aw ei ta; Ahlohzy chhawh ta mei ta raopa hawhta, Âmo chhao taopa ama châ aw.

ISAI 40:30

Thyutliazy ta panaopa ta ama tha chhâ aw ta, Satliazy rietheipa ta ama pao aw.

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 62:5

Satlia ta laihsa kôpa a hneipa hawhta, Na sawchapawzy ta cha hnei aw ei ta; Myuhneituhpa ta myuh â lypa hawhta, Na Khazohpa ta a châ ly aw.

ISAI 65:19

Zerusale chô liata a ly aw na ta, Ei phopi chô liata ei tha a pha aw. Cha liata chana pyu theipa châ khao leipa aw ta, Nôpopa ta a awhpa pyu chhao theipa châ khao aw vei.

ISAI 9:12

Nochhi lâta Aramia mo ama pakah â aw ei ta, Notla lâta Philistinâ mo chhao ama pakah â hra aw ei ta, Izarei cha ama palâ khai aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:21

Manase ta Epharai nie aw ta, Epharai ta Manase a nie aw; Ama pano ta Zudâh amâ dyuh khoh aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 18:21

Chavâta ama sawzy cha chakâhna lâ hlâ la, Zaozi hmotaotheina lâ hlâ mah y. Ama lapinôzy saw leipa ta y ei sala, Nôhmeipa ta y mawh ei sy. Ama pawhrâhpazy hri ta thi ei sala, Ama satliazy adyuhna liata zaozi ta thi mawh ei sy.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

EZEKIA 20:33

“Ei hrona reipa ta ei reih. Ku thatlôpa nata bâh pazawhpa nata hiehâhna patlaipa ta, nama chô liata ryu ei reih aw, Abeipa Zehôvâh ta a tah.

AMÔSÂ 4:10

“Izi râh liata ei taopa hawhna khata, Nama hry liata hri vaw tuah na ta; Nama satliazy zaozi ta thie ei na ta, Nama arâzy ei siekhei ha ei; Nama hnapasu a chahu awpa taihta, Nama riehmo cha thu roh ta ei pabie; Chatanachôta kei lâ vaw kua veih ei chi,” Abeipa ta a tah.

AMÔSÂ 8:13

“Cha noh liata cha, Laihsa kôpa chhithaipazy dâhphipa ta panao aw ei ta, Satliazy chhao ta dâhphipa ta ama panao aw.

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

ZEKARIA 9:17

Kho amâ chhih awpazie nata amâ ngia awpazie rimâ cha! Kôvei phapa ta satliazy pasosâhsa aw ta, Kresawhti thiehpa ta laihsazy a pasosâhsa aw.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 16:3

mydi ta avâ saih ta a panoh khiahta cha, ‘Tanoh la avâ a suah aw,’ nama tah tyh. Avâ yzie chhopasiana pahno ei chi ta, daihti ngianazy deikua cha pahno thei veih ei chi.