ISAI 9:11 - Mara Bible RV (BSI)

¹¹ Chavâta Abeipa ta Rezi chariahpazy cha, Izarei a dyuh awpa ta ama thapatlô aw ta; A khakhaipazy a pathyu aw ei.

ISAI 9:11 ပူးပေါင်းရင်းမြစ်များ

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

2 ABEIZY 16:9

Asuria bei ta a bie reipa cha a vaw pyh ta. Chatanachata Asuria bei ta Dâmaskâ khihpi cha siehnao ta, la ta, a chyhsazy cha Kiri lâ sei ta a chhi ta, Rezi cha a thie haw.

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 28:1

Epharai sahma paripazy apalaina lakho cha, A hu a po na! Ama rônahna nata angiana cha, Pawpi a lo haipa hawhta châ ta; Kresawhti iah zaipa, Saikao lei phapa luh liata lakho hawhta a châ.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 7:1

Uzia sawchapawpa Zôthâ sawchapawpa Zudâh bei Ahâza â beina daihti liata, Aramia bei Rezi nata Remâliah sawchapawpa Izarei bei Pekâ cha Zerusale a dyuh awpa ta khyhnao ei ta, châhrasala pahnie thei leipa ei ta.

ISAI 7:8

Aramia luh cha Dâmaskâ châ ta, Dâmaskâ luh cha Rezi a châ. Kô sycharu nata kô pangawh chhôh ta, Epharai cha phopi a châna parao khaipa a châ aw.