ISAI 9:1 - Mara Bible RV (BSI)

¹ Châhrasala thlazohpa ta a ypa châta zohmyh a ti khâh khao aw vei. Hlâno ta cha Zebulawna nata Nâthalai râh cha râh zachhih leipa ta tao ta, châhrasala hnôhlâ ta tilaipi pangaina Zawdâh haosâ lâta a ypa phopizy Kâlili râh cha, râh rônahpa ta a tao haw.

ISAI 9:1 ပူးပေါင်းရင်းမြစ်များ

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

1 THÂTIHZYRONA 5:26

Chavâta Izarei Khazohpa ta Asuria bei Puli palôh nata Asuria bei Tikalâpilesa palôh pathyu ta, Rubena chi, Kâdâ chi nata Manase chi khophie zy cha sei ta a chhi ta, Hâlâ, Hâbaw nata Hârâ khihpizy nata Kôzani chavah liata âmo cha soh ta, tanoh taihta cha liata ama y.

2 THÂTIHZYRONA 16:4

Benhadâ ta Bei Âsâ pahruana cha a pha tah ta, Izarei khihpizy a dyuh awpa ta pheisaih hyutuhpazy tuah ta. Chatanachata Izô, Dânâ, Abelamai nata Nâthalai râh liata hmobaoh sona khihpi zydua pahnie ta.

ISAI 8:22

Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

THEIHTHAINA 26:24

kei chhao nâmo kho leizie ta y aw na ta, keima tlai ta nama moleinazy vâta a lie sari ta ei cha hrie aw ei.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

LUKA 24:27

Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.