ISAI 8:7 - Mara Bible RV (BSI)

⁷ pachâ teh u, Abeipa ta Ufrâti Chavah hawhta a laipa nata thatlôpa Asuria bei nata a rônahna zydua ama chô liata a palo thlu aw. A kao zydua bie aw ta, a ngiahkâ zydua taihta a bie khai aw.

ISAI 8:7 ပူးပေါင်းရင်းမြစ်များ

ÂTHAONA 6:17

“Avâ ry liata hrona a hneipa zydua nata husona a hneipa to pahleipadia khai awpa ta, keima tlai ta alei chô liata tipaua patlôsa aw na ta, alei chô liata hmo to zydua ama leidia khai aw.

2 ABEIZY 19:32

“Chavâta Abeipa ta Asuria bei kyh liata hetana heta a tah: ‘He khihpi he vaw tlô leipa aw ta, he liata châtai tai kha chhao ka aw vei. Vyhphao chhaota khihpi hmiakô liata a vy leipa aw ta, khihpi dôhna alei chhao thokhy liata pathlu thlu aw vei.

EZRÂ 4:10

chyhsa rônahpa nata phapa Ôsnâpâ ta a chhi ta Samâri khihpizy liata nata Chavah Haosâ râh hropazy liata a sopa phopizy tawhta Bei Âtazezia lâ châ paphao ei ta.

HLAZY 46:4

Chavah miakha y ta, A vahtiezy ta Khazohpa khihpi palysa ta, Chônôchaipa pahrâna su pathaihpa a palysa tyh.

HLAZY 72:8

Tilaipi tawhta tilaipi taihta biehnei sala, Chavah tawhta alei chhâna taihta biehnei mawh sy!

ISAI 10:16

Chavâta Pheisaihzy Abeipa Zehôvâh ta, Asuria bei pasaipha thatlôpazy chô liata chaohna hri a patlôsa aw; Â papiparysana ry liata mei patipa châ aw ta, Meipaleih ta a kâ khai aw.

ISAI 10:5

Asuria cha a hu a po na! Ano cha ei pathiiana sômasi châ ta, A ku liata ei hiehâhna chôchahrei a y.

ISAI 11:15

Abeipa ta Izi Tilaipi paleih cha, Tlokhuh pahleipadia aw ta; Ufrâti Chavah chhao, A ku ta thlih lalôhpa a chatho thlu aw; Vahtie miasari ta pachhaihna taihta tu aw ta, Pheiky dâ leipa ta ama chaka aw.

ISAI 28:15

“Thina nata bie hraih ha pi ta, Athihkhih nata bie eimâ taih hawh; Eima boh nawpa ta haipa bie reih pi ta, Bie doleipa liata eimâ chhai hapa vâta, Tisaih a tlô tita chhao miah pha aw vei,” Nama tahpa vâta,

ISAI 28:17

Adona cha thliena ri ta hmâh aw na ta, Siana cha thua bangiehpa padona ri ta ei hmâh aw. Pareih ta haipa bie achhaina cha phi pathlah aw ta, Tizy ta anyuna su a vao khai aw.”

ISAI 28:2

Moh tua u, Abeipa ta chyhsa thatlôpa hnei ta, Hmotaotheipa a hnei; Ano cha pareih thlihpipa hawhta pathli ta, Chothyu hawhta a chanaohpa a châ; Vâkatlâ hawhta suah ta, Tisaih hawhta a lohpa a châ; A ku ta alei lâ a za pazaw aw.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

ISAI 7:17

Epharai ta Zudâh a puasai noh tawhta a tlô beih leipa nohzy cha, Abeipa ta Asuria bei vaw tuah aw ta, na chô liata nata na phopi chô liata nata na paw chhôhkha chô liata a patlôsa aw,” tah ta.

ISAI 7:20

Cha noh liata, Ufrâti Chavah haosâ lâta Asuria bei tawhta â hlâpa chaidâh hmâpa ta, Abeipa ta nama sâ nata keih hmizy ngyu khai aw ta, nama kâhhmi chhao a ngyu khai aw.

ZEREMIAH 47:2

“Abeipa ta hetana heta a tah: Moh teh u, maw lâ tawhta ti vaw lai ta, A kao bie aw ta a khô aw; Râh nata a chhôh liata a ypa zydua vao khai aw ta, Khihpi nata a chhôh liata a pahrâpazy a vao khai aw; Chyhsazy awhsâh aw ei ta, Râhsaw to ama cha aw.

ZEREMIAH 51:42

Babylaw cha tilaipi ta vao ta, Tichatlaopa a aoh ngâpa ta a vao haw.

EZEKIA 26:19

“Abeipa Zehôvâh ta hetana heta a tah: Khih rypa ta cha taopa ta, chyhsa pahrâ leina khihpizy hawhta ei cha tao tita, ti a thu ngaitapa liata cha pamôhpa ta, ti lai ngiatapazy ta ei cha pavaosa tita,

DÂNIAH 11:10

“Maw bei sawchapawzy ta a dyuh awpa ta a pachhuahpanoh aw ei ta, pheisaih hri hluh ngaitapa awpakhy aw ei ta, tisaih toh thei leipa hawhta vaw pua via ngâ thlâh ha aw ei ta, chho bei thokhy tlôna taihta amâ dyuh laih lymâ aw.

DÂNIAH 11:22

Pheisaih hluhpi a hmiakô liata tlokhuh chadai paipa ta y aw ei ta, pachhaih pazaoh khaipa ama châ aw, biehrai hyutuhpa chhao taih ta.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

AMÔSÂ 8:8

He vâna heta râh a chalyu aw ta, A chhôh liata a pahrâpa zydua mâchhiesapa ta ama y aw. Râh pôhpalôhpa cha, Nile Chavah hawhta a kaw sâhpa ta, Izi Chavah hawhta pathluahpa châ aw ta, Pasysa heihpa a châ aw,” tah ta.

AMÔSÂ 9:5

Pheisaihzy Abeipa Zehôvâh cha, Alei hria ta a patisa theipa châ ta, Cha liata a pahrâpa zydua mâchhie ama sa; Nile chavah hawhta alei pôhpalôhpa pasâh thei ta, Izi Nile hawhta a pasysa heih theipa a châ.

MIKÂ 1:9

A hmah patlâh thei awpa châ khao vei; A hmah ta Zudâh tlô ha ta, Zerusale liata ei phopi thokhy chhikao taih a tlô haw.

MIKÂ 5:4

Ano cha a duah aw ta, Abeipa thatlôna ta a mietaku zaw a vaih aw; Abeipa a Khazohpa moh rônahna ta A mietaku zaw cha a vaih aw ei. Â bohpa ta y aw ei ta, A rônahna cha, Khizaw kaokih chhâna taihta a tlô aw.

MIKÂ 5:5

Ano cha ama thlalôhna a châ aw. Asuria ta eima râh lâ a vypa ta, Eima abei ozy a tlypâ khiahta cha, Ano a dyuh awpa ta, Mietaku vaituhpa pasari pathyu aw pi ta, Beimachâ pacharie eima pathyu aw;

NÂHU 1:8

Châhrasala tisaih patlôsa aw ta, A khakhaipazy a pahleipadia khai aw; A chariahpazy chhao, Zohna lâ a chadaipai khai aw ei.

LUKA 6:48

Ano cha chyhsa ta o sa ta, â pathupi a lei chao ta, lôpanô chô liata abôna a paryhpa hawhta a châ. Ti a vaw lai nahta, tily chahra ngaitapa ta su ta, a phapa ta sapa a châpa vâta a chalyu vei.

BIEPHUAH 17:15

Chatawhcha vâlyuhchâpa ta ei hnohta, “Âzuahnô atyuna ti na hmôpazy kha, phopizy, zawpizy, râhzy nata reihzy ama châ.