ISAI 8:6 - Mara Bible RV (BSI)

⁶ “He phopi heta nai zualua ta a lohpa Silôah tizy dytha ei ta, Rezi nata Remâliah sawchapawpa chô liata amâ lypa vâta,

ISAI 8:6 ပူးပေါင်းရင်းမြစ်များ

1 ABEIZY 7:16

Dawh tôhzy pawhmao liata pataoh awpa ta, dawh leihpa lubyuhpa miano, dy pangawh raihrie a sâhpa ta a tao.

NEHEMIAH 3:15

Kôhôzeh sawchapawpa, Mizpâ bia ryureituhpa Sâluh ta Tihnawh Chhikao taopathi ta. Tihnawh Chhikao cha paduapathi ta, a chô khu ta, a ochhizy, a hrainazy nata a lâhreizy a tao. Abei sadô liata Selâh Tipo dôhna chhao taopathi ta, Dâvi khihpi tawhta a chôpa hleidy taihta a taopathi.

HLAZY 46:4

Chavah miakha y ta, A vahtiezy ta Khazohpa khihpi palysa ta, Chônôchaipa pahrâna su pathaihpa a palysa tyh.

ISAI 1:20

Reingiah leipa ta einâ dyuh khiah ei chi ta deikua cha, Zaozi ta a cha nie aw ei, Abeipa pakah ta a reih haw,” tah ta.

ISAI 28:2

Moh tua u, Abeipa ta chyhsa thatlôpa hnei ta, Hmotaotheipa a hnei; Ano cha pareih thlihpipa hawhta pathli ta, Chothyu hawhta a chanaohpa a châ; Vâkatlâ hawhta suah ta, Tisaih hawhta a lohpa a châ; A ku ta alei lâ a za pazaw aw.

ISAI 30:12

Chavâta Izarei Mo Pathaihpa ta hetana heta a tah: “Ei bie dythapa ta, Tlybaina tlao ngâ ei chi ta, Dôveina liata namâ pahniehpa vâta,

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ISAI 7:4

a hnohta, ‘Â vaih la, a thlih thlâh ha la, chi khah y. He meirei peih pachhupa khu ngâpa miano, Aramia bei Rezi nata Remâliah sawchapawpa hiehâhna ru ngaitapa vâta na palôh dua khah sy.

ISAI 7:6

“Zudâh khyhnao sih la, kaw pachisa ei suh u. Keimo châta kaw pahnie sih la, Tâbi sawchapawpa cha, cha liata bei ta tao ei suh u,” ama tah.

ISAI 7:9

Epharai luh cha Samâri châ ta, Samâri luh cha Remâliah sawchapaw­pa a châ. Namâ ngiapâna â i vei khiahta la, Â ipa ta a duah thei aw veih ei chi,’ a tah,” tah ta.

ISAI 8:5

Abeipa ta ei hnohta reih via heih ta,

ZEREMIAH 18:14

Lebanaw dâhaw cha lôkâhpa tlâhzy tawhta a lei beih ma? Lâ hlapi tawhta ti chakuapa a zâ lohpa a kua beih ma?

ZEREMIAH 2:13

“Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.

ZEREMIAH 2:18

Tahmâ Nile tizy doh awpa ta Izi lâpi nâ chhihpa cha, Khâpa athôhna ma na hmô aw? Ufrâti tizy doh awpa ta Asuria lâpi nâ chhihpa chhao, Khâpa athôhna ma na hmô aw?

LUKA 13:4

Silôam o sâhpa ta a visaopa chyhsa pahrawh hleicharie chhao kha, Zerusale khih liata a ypa zydua hlâta hmo parao via pachaipa ama châpa ta nama pangiasa ma?

ZAWHÂNA 9:7

a hnohta, “Vawh la, Silôam tipo liata a kei pasi teh,” tah ta. Silôam cha “Tuah” tahna a châ. Chatanachata vawh ta, a kei pasi ta, mo pavâpa ta vaw kua ha ta.