ISAI 8:22 - Mara Bible RV (BSI)

²² Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

ISAI 8:22 ပူးပေါင်းရင်းမြစ်များ

ZAWBÂ 18:18

Khaihna tawhta zohna lâ topa châ aw ta, Khizaw tawhta a chadaipa a châ aw.

PUASAINA 10:21

Abeipa ta Mawsi hnoh ta, “Izi râh he zohna ta khu sala, zoh kaluhpa ry liata ama pathâ hôlôna hâh ta, avâ lâ na ku pazawh teh,” tah ta.

PUASAINA 10:22

Mawsi ta a ku avâ lâ pazawh ta, chatanachata Izi râh chhôh zydua noh thôh chhôh zoh kaluh ha ta.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

ISAI 30:6

He he Neke râhsazy kyh chhochhieliena bie a châ: Neke cha nôpona nata thlazohna râh a châ; Chakeibarôhneipa panô puana râh châ ta, Chakeibarôhneipa tôhpa puana râh a châ; Vâzi puana râh châ ta, Parih a zaw theipa puana râh a châ. Cha râh tawhna chata, Ama châta phahnaina a hnei leipa phopi pie awpa ta, Ama hneirônazy cha, Alâzy paphaosa ei ta; Ama ryusôhpazy cha, Râraoseihpazy ky byuhpa liata ama paphaosa.

ISAI 5:30

Cha noh liata, tilaipi a rôhpa hawhta, Izarei chô liata amâ rôh aw. Chyhsa ta râh a sai khiahta cha, Zohna nata nôpona sai hmô aw ta, Khaihna cha meihdozy vâta a zoh ha aw.

ISAI 50:11

Nâmo, mei patih ei chi ta, Meirei iapa ta â chadôsapazy saih u, Nama mei khaihna liata charei u la, Meirei nama chhipa khaihna liata charei muh vy! He he ei ku tawhta nama hmô awpa cha a châ: Riethei pasataopa ta namâ zia aw.

ISAI 50:3

Avâzy khi zohna ta tobi ei na ta, Amâ bu awpa ta latho poh ei tao.”

ISAI 59:9

Chavâta adona cha, Keimo tawhta â hlapi ta y ta; Siana ta miah pha beih vei. Khaihna hâ pi ta, Châhrasala zohna sai a y; Pavâpa hâ pi ta, Châhrasala zoh kaluhpa liata tlao eima charei.

ISAI 60:2

Pachâ teh, zohna ta alei he khu aw ta, Zoh kaluhna ta phopizy a khu aw. Nâma chô liata deikua cha, Abeipa noh vaw chhi aw ta, A rônahna na chô liata â lâ aw.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

ISAI 9:1

Châhrasala thlazohpa ta a ypa châta zohmyh a ti khâh khao aw vei. Hlâno ta cha Zebulawna nata Nâthalai râh cha râh zachhih leipa ta tao ta, châhrasala hnôhlâ ta tilaipi pangaina Zawdâh haosâ lâta a ypa phopizy Kâlili râh cha, râh rônahpa ta a tao haw.

ISAI 9:20

Ama chachâh lâta a ypazy niedo chhu aw ei ta, Châhrasala ama nodi thlâh ha pyly aw ta; Ama chavei lâtapa nie aw ei ta, Châhrasala ama rih bie hlei aw vei. Chyhsa to ta âmo chipathla sa ama nie chyu aw:

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

ZEREMIAH 23:12

“Chavâta ama siena lâpi cha, Âmo châta zâ zohpa liata lâpi pahniapa hawhta a châ aw; Âmo hriena kô liata, Ama chô liata chhiena ei patlôsa awpa vâta, Lâpi pahniapa lâ cha topa châ aw ei ta, Ama pao aw,” Abeipa ta a tah.

MATHAI 22:13

Abei ta a chakaotuhpazy hnohta, ‘A ku nata phei chahry u la, khôtho lâ zohna liata thy teh u. Cha liata chana nata hâh chariehna a y aw,’ tah ta.

MATHAI 24:29

“Cha nohzy liata rietheipasana a y khaipata nahta, noh pazohsapa châ aw ta, thlâpâ khaih khao leipa aw ta, avâ tawhta awhsizy tla aw ta, avâ hmotaotheinazy cha chalyupa ta a y aw.

MATHAI 8:12

Khinarâh sawzy hawhta â pachâpazy deikua cha, khôtho lâ zohna liata thypa châ aw ei ta, cha liata chana nata hâh chariehna a y aw,” tah ta.

ZUDÂH 1:13

Tilaipi chatlaopa a pathluahpa, âmo maophyuhna buchaphy a papuapazy châ ei ta, awhsi viavipa, zoh kaluhpa liata chhâzaw ta a y awpazy ama châ.

BIEPHUAH 16:10

Vâlyuhchâpa papangawhna ta a biebuh cha sahrâhpa beidyuchhai liata patlai ta. Sahrâhpa khinarâh cha vaw zoh khai ha ta. Pasa taopa ta ama paleihzy sie ei ta,