ISAI 8:20 - Mara Bible RV (BSI)

²⁰ Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

ISAI 8:20 ပူးပေါင်းရင်းမြစ်များ

EZRÂ 10:3

Chavâta ei zibeipa nata eima Khazohpa biepiepa ta a chalyupazy ryhraokheipa hawhta, Izarei sawzy ta chihropa zuah lapinô ta ama hneipa zydua nata ama sawzy papua khai awpa ta, eima Khazohpa liata bie hraih ei suh u. Cha hawhta eima tao tita deikua cha, Ryhpa hawhta taopa châ mawh sy.

HLAZY 119:130

Na biezy chhopasiana ta khaihna pie ta, Nomaohpazy hnohta novâhna a pie tyh.

HLAZY 78:5

Zakaw châta bieraopa padua ta, Izarei châta ryhpa a tao; Ama pathlazy pachu awpa ta, Miah pathlatuhpazy hnohta bie a pie ei.

BIESOZY 4:18

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

ISAI 1:10

“Nâmo, Sawdawmâ ryureituhpazy saih u, Abeipa bie thei u la, Nâmo, Kawmawrâ mo saih u, Eima Khazohpa pachuna bie lâ nama nah pachôh teh u!

ISAI 8:16

Bietapa he chaty la, Pachuna bie he, Ei pachupazy hry liata chahnao pa-i mah y.”

ISAI 8:22

Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

ZEREMIAH 8:9

Chyhsa sopazy maophyuh aw ei ta, Chihuhpa ta ypa ta patupa ama châ aw. Pachâ teh u, Abeipa bie ama thy ha tawhta cha, Âmo liata khâpa sona cha ma a y khao aw?

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

MIKÂ 3:6

Chavâta zâ cha vaw chhi thlu aw ei ta, Aluahna hmô khao aw veih ei chi; Zohna ta cha vaw khu aw ei ta, Pachaona tao thei khao aw veih ei chi. Hrohsopazy chô liata noh tla aw ta, Nohchhô chhao ama chô liata zohna a châ aw.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MATHAI 22:29

Zisu ta âmo cha a chhy ta, “Biehrai nata Khazohpa hmotaotheina nama pahno leipa vâta nama pachâpasipa a châ.

MATHAI 6:23

Na mo a rao ha khiahta deikua cha, na pôhpa dua ta a zoh aw. Nâma liata khaihna cha zohna châ ha sala, zohna cha a zoh ngaita aw dia!

MÂKA 10:3

Zisu ta ama hnohta, “Mawsi ta kheihta ma bie a cha pie ei?” tah ta.

LUKA 10:26

Zisu ta a hnohta, “Ryhpa châbu liata khâpa â roh? Kheihta ma cha cha na rei tyh?” tah ta.

ZAWHÂNA 5:39

Biehrai bie nama tlua tyh, a chhôh liata chhâzaw hrona a y tahpa nama pangiasapa vâta. Cha Biehrai tlai cha nâ pahnokheituhpa a châ.

HMOTAOPAZY 17:11

Beria mo cha Thysalawnika mo hlâta pha via ei ta, pahâ ngaitapa ta bie cha dao ei ta, ama reipa cha â do nata do lei pasia nawpa ta noh chareih ta Biehrai a chu pasia tyhpa ama châ.

RAWMA 1:22

Chyhsa sopa hawhta a reih ei ta, ahrupa lâta ama pua haw.

2 PITY 1:19

Hrohsona bie a i via pachaipa hnei pi ta, khih vaw deih ta deiva awhsi nama palôh liata a vaw pua hlâlei zohna liata meiôh a khaih chypa hawhta, cha hrohsona biezy cha nama pachâ khiahta cha, nama châta a pha aw.

2 PITY 1:9

Ahy rai, cha chânazy a hnei leipa cha mochaopa châ ta, lâhniapa dei hmô thei ta, kha hlâta moleina a vaw taopazy pathaisa hapa a châzie a my haw.