ISAI 8:19 - Mara Bible RV (BSI)

¹⁹ Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

ISAI 8:19 ပူးပေါင်းရင်းမြစ်များ

ÂTHAONA 41:24

Sâh suh sihpazy chata sâh suh patapa suh saripazy cha ama palâ khai haw. Moliethaipazy chho ei na ta, châhrasala nâ chhopasia theipa y veih ei,” tah ta.

2 ABEIZY 1:3

Châhrasala Abeipa vâlyuhchâpa ta Tisabi chyhsa Elaizâh hnohta, “Thyu la, Samâri bei lyuhchâpazy a kaw tyh la, ama hnohta, ‘Izarei liata Khazohpa a y khao leipa vâta ma, Ekaraw khih khazoh Bâlâzebu a saohiah awpa ta ma nama sie?

2 ABEIZY 21:6

A sawchapawpa cha raopa hlâna atheihna ta hlâ ta, kulâmopa nata pachaopa zy hmâh ta, peihthaipa nata athihpa bie a chho thaipazy â saohiah tyh. Abeipa mohmô liata hmo pha leipa tao ta, Abeipa hie pahâh ha ta.

2 ABEIZY 23:24

Cha dei châ vei, Abeipa o liata theihthaipa Hikia ta a hmôpa châbu liata ryhpa bie ropazy a pa-i thei nawpa ta, pachaothaipazy, dyuthaipazy, chhôhkha khazohzy, khazoh nothlahpazy nata Zudâh râh nata Zerusale khihpi liata pasichhihpa ama hmô tyhpa zydua cha, Zôsia ta a pahleipadia khai ha ei.

1 THÂTIHZYRONA 10:13

Sawla cha Abeipa châta ngâ â chhih leipa vâta a thi hapa a châ. Abeipa biepiepa zyh leipa ta, pachaothaipazy tlao a saohiah ta a pachaosa tyh ei.

2 THÂTIHZYRONA 33:6

A sawchapawzy cha raopa hlâna atheihna ta Hinô Sawchapawpa Saikao liata hlâ ta, kulâmopa, pachaopa nata molietaopa zy hmâh ta, peihthaipa nata athihpa bie a chho thaipazy â saohiah tyh. Cha hawhna chata Abeipa mohmô liata hmo molei ngaitapa taopa ta, Abeipa hie pahâh ha ta.

HLAZY 106:28

Bâlâ-peô a chhy ei ta, Athipa lâta hlâpa atheihna sazy ama nie.

ISAI 19:3

Izi mo cha ama palôh pachhâsapa châ aw ta, Ama ryhraona ei patypamâ aw. Khazoh nothlahpazy nata dyuthaipazy a saohiah aw ei ta, Peihthaipazy nata pachaothaipazy amâ saohiah aw.

ISAI 26:14

Bei hropazy cha thi ha ei ta, Hroh heih khao aw veih ei; Nohpahlipa dei châ ei ta, Thyu heih khao aw veih ei. Âmo cha hriepa ta pahleipadia khai ha chi ta, A thei ngâ thlâh hapa châ khao veih ei.

ISAI 29:4

Panawhpa ta y aw chi ta, Alei ry tawhta bie reih aw chi ta, Dohlei hry tawhta na reipasipasua aw. Thlahmihpa ao hawhta, Alei tawhta na ao vaw pua aw ta; Dohlei hry tawhta, Huthâpa ta bie na reih aw.

ISAI 30:2

Phiraoh thatlôna a chhaipa ta, Izi nohpahlipa liata a nyu awpa ta, Kei nâ saohiah tua leipa ei ta, Izi râh lâ zu awpa ta amâ thao.

ISAI 45:11

Abeipa, Izarei Mo Pathaihpa ta hetana heta tah ta, Izarei a paduatuhpa ta hetana heta a tah: “Hmo vaw tlô awpa kyh na hiahri teh u; Ei sawzy kyh liata na eilawpa ta, Ei ku raihria kyh liata bie eina pie aw ei chi ma?

ISAI 47:12

Na hawtita tawhta na hriapasa tyhpa, Na pachaonazy liana cha a duah la, Na dyu hluhpi liana cha a duah tua rai; Na hlao a tloh thlâh ha thei ngyu aw mâh tâh, Chichhihpa hmo na paysa thei thlâh ha ngyu aw mâh tâh.

ISAI 47:13

Ryhraona tao awpa na hnei hluhpa vâta, Na rie a thei kaw khawh; Avâ liata hmozy a pahrua thaipazy cha a vaw duah ei sala, Awhsi a moh thaipazy a vaw duah hra ei sala, Thlâpâ diehpa moh ta, Na chô liata hmo a tlô awpa châ chho tyhpazy chhao, A vaw duah ei sala, Cha pachha mawh ei sy.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

ZEREMIAH 27:9

“Chavâta, ‘Babylaw bei nama chakao awpa châ vei,’ châ tahtuhpa nama hrohsopazy, peihthaipazy, mâsathaipazy, moliethaipazy nata dyuthaipazy bie nama nathlie awpa châ vei.

THEIHTHAINA 19:31

“Peihthaipa tlyma, ahripa lâta pachaothaipa tlyma pangai leipa u la, chazy liata a papuapalei awpa ta âmo cha tlua hra khah u. Kei he Abeipa nama Khazohpa ei châ.

THEIHTHAINA 20:6

“Apeihpazy nata ahripa lâta pachaona a taopazy pangaipa ta, âmo pazipa ta a sihryhpa cha, cha chyhsa cha a heihnao aw na ta, a phopi tawhta ei chhawh pathlah aw.

MIKÂ 5:12

Dyuthaipazy na ku tawhta chhawh pathlah aw na ta, Kulâ moh thaipazy hnei khao aw va chi.

HMOTAOPAZY 16:16

Thlahchhâna su lâ eima sie nota, sei laihsa pakha ta miah a vaw tyh ta. Ano cha pachaothaina thlahpa a hneipa châ ta, pachaona bie a reipazy tawhta a zibeipa châta sôh hluhpi a hmô tyhpa a châ.

RYHPACHANEINA 18:10

Ama sawchapaw nata sawchanô mei liata a hlâpazy, pachaothaipazy, kulâmohthaipazy, moliethaipazy nata peihthaipazy nama hry liata ama y awpa châ vei.

RYHPACHANEINA 18:11

Dyuthaipazy, thlahpa nata ahripa bie a chho thaipazy nata athih lâ hryh thaipazy chhao nama hry liata ama y awpa châ vei.

1 THYSALAWNIKA 1:9

Eima cha vaw tly nota miah namâ lyzie nata Khazohpa hrohpa nata dopa chakao awpa ta nothlahpazy tawhta Khazohpa lâ namâ heih hapa kyh miah chho ei ta,

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

1 SAMUELA 28:11

Chanô ta, “Ahy ma ei cha awpa aw?” tah ta. Ano ta, “Samuela na awpa teh,” tah ta.

1 SAMUELA 28:16

Samuela ta, “Cha hawhta Abeipa ta châ heihsai ha ta, na chariahpa lâta tlao â lie hapa na pahno thlâh tlôh khiahta cha, khazia eina hiahri chi?

1 SAMUELA 28:7

Sawla ta a chakaotuhpazy hnohta, “Peihthaipa chanô na tluapa teh u, ano lâ sie aw na ta, ei saohiah aw,” tah ta. A chakaotuhpazy ta a hnohta “Enadaw khih liata peihthaipa chanô a y,” tah ei ta.

1 SAMUELA 28:8

Sawla cha a hmisâ nata â tobizie panano ta, ano nata chyhsa hropa pano chhaota sie ei ta. Chanô yna cha zâ ta kei tlô ei ta. Sawla ta, “Peihpa ta thlahpa nâ saohiahpa la, a moh ei cha chhopa maih na awpa mah y,” tah ta.