ISAI 8:18 - Mara Bible RV (BSI)

¹⁸ Moh teh u, kei nata Abeipa ta eina piepa sawzy he, Izarei liata ngiana nata pamosanazy châta Zaio Tlâh liata a pahrâpa Pheisaihzy Abeipa ta a hmâpazy eima châ hih.

ISAI 8:18 ပူးပေါင်းရင်းမြစ်များ

ÂTHAONA 33:5

Esaw cha kaw ua ta, chanôzy nata hawtizy hmô ta, “Na hnohta a ypazy he ahyzy ma ama châ?” tah ta. Zakaw ta, “Khazohpa ta a ngiachhiena vâta châ chakaotuhpa hnohta a piepa hawtizy ama châ,” tah ta.

1 THÂTIHZYRONA 23:25

Dâvi ta, “Abeipa, Izarei Khazohpa ta a chyhsazy apahâna pie ta, Zerusale liata chhâzaw ta a pahrâ hapa vâta,

HLAZY 22:30

A chipathla ta ano cha chakao aw ta, Chhâ vaw y awpa hnohta Abeipa thâtih chhopa a châ aw.

HLAZY 71:7

Chyhsa hluhpi châta ngiana châ na ta, Châhrasala nâ cha ei chhaina thatlôpa na châ.

HLAZY 9:11

Zaio beidyuchhai liata a tyuhpa, Abeipa lâ reithaina hla sa u la; Phopizy hnohta a hmotaopazy chho teh u!

HLAZY 9:12

Ano cha thisaih phuh a lapa châ ta, Âmo a thei thlâh ha ta; Pasataopazy awna ao my beih vei.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 14:32

Râh vyuhpa lyuhchâpazy cha, Kheihta a chhy awpa ma a châ aw? “Abeipa ta Zaio padua ha ta, A phopi saw pasa a taopazy cha, Cha liata amâ chhai aw,” Tahpa ta a chhy awpa a châ.

ISAI 20:3

Chatawhcha Abeipa ta, “Nâ chakaotuhpa Isai ta Izi nata Kusi chô liata a tlô awpa ngiana nata biesakâvawna châta kô thôh chhôh thluahruapa nata pheiky a ky leipa ta a sievawhpa hawhta,

ISAI 24:23

Pheisaihzy Abeipa ta Zaio Tlâh nata Zerusale liata ryureih ta, A machâzy hmiakô liata A rônahna chaluahpa a châ tita; Thlâpâ khi hmiachhiepa ta y aw ta, Noh chhao nohzaopa ta a y aw.

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

ISAI 7:16

Hawtipa ta hmo chhiepa dythapa ta hmo phapa atlyhna châh a pahno hlâ chhao ta, na chi kawpa bei panozy râh cha siesaipa a châ aw.

ISAI 7:3

Abeipa ta Isai hnohta “Na sawchapawpa Siazasubâ a chhi la, machhua tipo chhâna liata Chysia Pasutuhpa Lyu lâpi liata Ahâza a kaw tyh u la,

ISAI 8:3

Chatawhcha hrohsonô lâ a ngia na ta, saw phaoh ta, sawchapawpa sa ta. Abeipa ta ei hnohta, “A moh Mahe-salâ-has-bâza bi teh.

ZEREMIAH 44:29

“He he nama châta ngiana a châ aw. Ei biezy cha nâmo pasasa awpa ta â duah tlai aw tahpa nama pahno thei nawpa ta, he su liata ei cha hrie aw ei, Abeipa ta a tah.

EZEKIA 12:6

Ama mohmô lia tlai ta, na ngiatlâh liata na hmo khaih aw chi ta, a zoh chhyhma ta na puakhei aw. Râh na hmô lei nawpa ta, na hmia na khu ha aw. Izarei pathlazy châta ngiana ta ei cha tao,” tah ta.

EZEKIA 14:8

Cha chyhsa cha a heihnao aw na ta, ngiana nata pakhona bie ta tao aw na ta, ei phopi tawhta ei chhawh pathlah ha aw. Chatanachata Abeipa ei châ tahpa nama pahno aw.

EZEKIA 4:3

Chatawhcha thua phiapa la la, nâ nata khihpi likawh liata thua thokhy ta chhôh la, cha lâ cha na hmia chhy mah y. Cha hawhna chata khihpi cha dôh aw chi ta, na dôhpa cha na pa-i via lymâ aw. He he Izarei pathlazy châta ngiana a châ aw.

ZEKARIA 3:8

Hy Zawsua, theihthai beichaipa y, tahmâ na thlie la, na hmiakô liata a tyuhpa, theihthaipa na châ lâhpazy chhao ta nathlie mawh ei sy. Âmo cha hmo vaw tlô awpa ngianazy ama châ. Moh teh, Chhyh a vaw chhi aw na ta, ano cha nâ chakaotuhpa a châ.

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

LUKA 2:18

A theipazy ta mietaku vaituhpazy bie reipa cha noâh tah kaw ei ta.

LUKA 2:34

Simeôna ta âmo cha byhnâ awpa ta, a nô Mâri hnohta, “Pachâ teh, he hawti he Izarei hry liata chyhsa hluhpi paona nata thyuna châta raopa a châ. Ano cha ngiana châ aw ta, chyhsa hluhpi ta ama reipachhie aw.

RYHPACHANEINA 28:46

Cha cha nâmo nata nama pathlazy chô liata Khazohpa hriena a tlôpa kyh chhâzaw ta ngiana nata noâhchhihpa a châ aw.

HEBRAI 10:33

A châh ta vâtlâh mohmô ta pasipasawhpa nata taolapa ta y ei chi ta, a châh ta pasipasawhna nata taolana a taopazy namâ duakhei tyh.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.