ISAI 8:14 - Mara Bible RV (BSI)

¹⁴ Ano cha supathaihpa châ aw ta, Izarei phopi mianopazy châta deikua cha, Moleina lô châ aw ta, Achapiana lôpanô a châ aw. Zerusale khihsawzy châta chhao, Aphyh nata khoheih a châ aw.

ISAI 8:14 ပူးပေါင်းရင်းမြစ်များ

HLAZY 11:6

Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

HLAZY 140:5

Akhotlâhpazy ta arulâta khoheih na chôkhâh ei ta, Chaorizy ta sao na parai khâhpa ta, Lâpi liata khoheihzy eina chôkhâh ei. Selah

HLAZY 69:22

Ama hmiakô liata ama tlâhkhai cha, Khoheih vaw châ sala; Thlalôhpa ta ama y hai nota, Âmo châta aphyh châ mawh sy.

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

ISAI 25:4

Sipasapa châta thokhy châ chi ta, Dyhchhiepa nôpo daihti liata a thokhy na châ; Thlihpipa tawhta abohna châ chi ta, Noh lopa châta nohdi na châ. Nôchhiepa hu deikua cha, Thlihpipa ta pâhchhô a vawhpa hawhta châ ta;

ISAI 26:20

Hy ei phopi, a vy u la, Nama chhôhpadâhpazy liata a ngia teh u; Nama ochhizy a khaw khâh u la, Ruchhôna a khô hlâlei cha, Bohpi leipa chhôh a nyu chy teh u.

ISAI 28:16

Abeipa Zehôvâh ta hetana heta a tah: “Moh teh u, Zaio liata alô bô na ta, Alô pasia chiehpa a châ; A ki liata alô sôhpa châ ta, Abôna a ipa a châ: ‘A ngiapâpa maih a chalyu aw veih ei.’

ISAI 4:6

cha cha nohchhô noh lo nota nohdi a chhai nawpa byureih châ aw ta, thlihpipa nata vâsua tawhta a boh nawpa ta a chhaina byureih a châ aw.

ISAI 59:10

Mochaopa hawhta pâhchhô pathâ pi ta, Mo hnei leipazy hawhta eima pathâpazi tyh. Nohchhô sawhvaw pi tlai ta, Zâ hawhta a pachhi pi ta; Thatlôpazy hry liata la, Athipa hawh dei eima châ.

ISAI 7:16

Hawtipa ta hmo chhiepa dythapa ta hmo phapa atlyhna châh a pahno hlâ chhao ta, na chi kawpa bei panozy râh cha siesaipa a châ aw.

ZEREMIAH 6:21

Chavâta Abeipa ta hetana heta a tah: ‘He phopi hmiakô liata achapiana lôzy soh aw na ta, Cha liata amâ chapia aw; Paw nata saw a chapia khoh aw ei ta, Vaih nata a viasa ama leidia khoh aw.’”

EZEKIA 11:16

Chavâta ama hnohta, ‘Abeipa Zehôvâh ta hetana heta a tah: Lâhlapi phopizy lâta papaipa ta, râhzy liata ei hiepatla hapa chhao ei ta, ama siena râhzy liata bohpi leipa ama y chhôh ta, âmo châta supathaihpa ei châpa pyly aw ei,’ tahpa ta reih mah y.

EZEKIA 3:20

“Cha hawh pyly ta, chyhsa siapa cha a siana a heihsai ta, hmo doleipa a taopa vâta, a hmiakô liata achapiana ei so khiahta cha, a thi aw. Zikyu nâ râ leipa vâta, a moleina vâta thi aw ta, hmo pha a taopazy a theipa châ khao aw vei. A thisaih maoh deikua cha na ku liata a y aw.

MATHAI 13:57

Ano cha chhyh thai leipa ei ta. Zisu ta ama hnohta, “Hrohsopa cha a khih nata a chhôhkha liata tah leipa ta la, palyupalihna hlao leipa ta y beih vei,” tah ta.

MATHAI 21:44

Ahy rai cha alô chô liata a paopa cha keichheih aw ta, alô ta a vipa cha a pazao khai aw,” tah ta.

LUKA 2:34

Simeôna ta âmo cha byhnâ awpa ta, a nô Mâri hnohta, “Pachâ teh, he hawti he Izarei hry liata chyhsa hluhpi paona nata thyuna châta raopa a châ. Ano cha ngiana châ aw ta, chyhsa hluhpi ta ama reipachhie aw.

LUKA 21:35

Cha noh cha khizaw pôhpalôhpa liata a pahrâpa zydua chô liata vaw tlô tlôh aw ta.

RAWMA 11:35

Thô awpa hnabeiseihpa ta, Ahy ma Khazohpa lâ hmo a pie?

ZAWSUA 10:7

Chatanachata Zawsua cha a pheisaih thatlôpa nata riahphapa zydua chhaota Kilkal tawhta khy ta.

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.