ISAI 7:9 - Mara Bible RV (BSI)

⁹ Epharai luh cha Samâri châ ta, Samâri luh cha Remâliah sawchapaw­pa a châ. Namâ ngiapâna â i vei khiahta la, Â ipa ta a duah thei aw veih ei chi,’ a tah,” tah ta.

ISAI 7:9 ပူးပေါင်းရင်းမြစ်များ

2 ABEIZY 15:27

Zudâh bei Azariah kô sypangawh nata kô no â bei kô ta, Remâliah saw­chapawpa Pekâ cha Izarei chô liata Samâri liata a bei pathao ta, kô kih â bei.

2 THÂTIHZYRONA 20:20

A mylâ mydi kari ta thyu ei ta, Tekô râhchawhpa lâ sie ei ta. Ama sie hai nota, Zehôsaphâ cha a duah ta, “Hy Zudâh pathla nata Zerusale khihsawzy saih u, na nathlie teh u! Abeipa nama Khazohpa cha zo u la, â ipa ta namâ duah thei aw. A hrohsopazy zo u la, nama hlao a tloh aw,” tah ta.

ISAI 28:1

Epharai sahma paripazy apalaina lakho cha, A hu a po na! Ama rônahna nata angiana cha, Pawpi a lo haipa hawhta châ ta; Kresawhti iah zaipa, Saikao lei phapa luh liata lakho hawhta a châ.

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ISAI 7:10

Abeipa ta Ahâza hnohta,

ISAI 7:4

a hnohta, ‘Â vaih la, a thlih thlâh ha la, chi khah y. He meirei peih pachhupa khu ngâpa miano, Aramia bei Rezi nata Remâliah sawchapawpa hiehâhna ru ngaitapa vâta na palôh dua khah sy.

ISAI 8:4

Hawti ta, ‘Ei pâ,’ ‘Ei nâ,’ a tah thai hlâta, Dâmaskâ hneirôna nata Samâri hraona hmozy cha Asuria bei hmiakô liata siekheipa a châ aw,” tah ta.

ISAI 9:9

Epharai nata Samâri liata a pahrâpazy ta pahno aw ei ta, Phopi zydua ta ama pahno aw. A palaipa nata a khotlâhpa ta bie reih ei ta,

ZEREMIAH 43:2

Hôsai sawchapawpa Azariah nata Kariah sawchapaw­pa Zôhanâ nata chyhsa a khotlâh kawpa zydua ta Zeremiah hnohta, “Haipa bie na reipa a châ. Abeipa eima Khazohpa ta, ‘Izi râh liata pahrâ awpa ta nama sie awpa châ vei,’ tahpa bie reih awpa ta cha vaw tuah vei.

MIKÂ 1:5

Cha zydua cha Zakaw paraona vâta châ ta, Izarei phopi moleina vâta a châ. Zakaw paraona cha khâpa maw? Samâri châ vei ma? Zudâh su sâhpa cha khâpa maw? Zerusale châ vei ma?

HMOTAOPAZY 27:11

Châhrasala pheisaih za kha hyutuhpa ta Pawla bie reipa hlâta balyh puhpa nata balyh hneituhpa bie pachâ peimawh via ha ta.

HMOTAOPAZY 27:25

Chavâta pupa saih u, thlalôhpa ta y teh u, Khazohpa a ngiapâ na ta, eina chhopa hawh tlai ta a y aw.

RAWMA 11:20

 do. Âmo cha ngiapâleina vâta thliepa châ ei ta, nâ deikua cha ngiapâna vâta a duahpa na châ. Chavâta a palai leipa la, tlao chi mah y.

HEBRAI 11:6

Ngiapâna leipa ta cha Khazohpa palysa thei rimâ awpa châ vei. Khazohpa a pangaipa maihta, Khazohpa a y tahpa amâ ngiapâ awpa châ ta, ano a tluatuhpa cha Khazohpa ta lymâ a pie tyh tahpa amâ ngiapâ awpa a châ.

1 ZAWHÂNA 5:10

Khazohpa Sawchapawpa a ngiapâpa maih ano liata a pahnona a hnei. Khazohpa a ngiapâ leipa deikua cha, Khazohpa ta a Sawchapawpa a pahnokheina â ngiapâ leipa vâta, Khazohpa cha a haihpa ta a tao.